Sipas rezultateve të para jozyrtare të zgjedhjeve lokale në Turqi, pothuajse në të gjitha qytetet kryesore, në avantazh të madh janë kandidatët nga radhët e Partisë për Drejtësi dhe Zhvillim (AK Parti), të kryeminsitrit Recep Tayyip Erdogan.
Sipas rezultateve jozyrtare të zgjedhjeve, për kryetar të Ankarasë kryeson kandidati kryesor i AK-së, kryetarit i deritashëm i kryeqytetit turk, Ibrahim Melih Gokcek, me 65,48 për qind të votave .
Po kështu në Stamboll është në avantazh kryetari aktual, Kadir Topbas, kandidati i AK-së, me 40.62 për qind të votave.
Në Adana në avantazh është Abdullah Torun (AK) me 33,94, në Antalya T. Turel (AK) me 39 për qind, në Bursa – Recep Altepe (AK) me 49,38 për qind, në Kayseri – Mehmet Ozhaseki (AK), në Konya – Tahir Akjurek (AK) me 64.85, dhe në Trabzon – F. Gumrukcuoglu (AK) me 58,93 për qind të votave.
Në Izmir në avantazh është Aziz Kocaoglu, kandidati i Partisë Popullore Republikane (CHP), me 43,81 për qind të votave.
Këto janë zgjedhjet e para qëkur në Turqi kanë shpërthyer protestat për shkak të ndërlidhjeve të qeverisë turke të Erdoganit me skandalet e korrupsionit, ndërsa shihen si një test kyç për zgjedhjet presidenciale dhe parlamentare që do të mbahen në gushtin e vitit të ardhshëm.