18.8 C
Prizren
E enjte, 20 Qershor, 2024

Zgjedhjet e suksesshme, shteti i suksesshëm

Seremb Gjergji italiShkruan: Seremb Gjergji

Qytetarët e Kosovës kësaj radhe kanë qenë në funksion të zhvillimit demokratik, rendit dhe ligjit. Rezultati i zgjedhjeve është vullnet i tyre. Është përcaktim i tyre. Ato ishin të lira, të qeta dhe demokratike. Dalja e votuesve në numër më të madh se në zgjedhjet paraprake, është një tregues që reflekton fuqi të demokracisë sonë të re. Bashkëpunimi i institucioneve të drejtësisë dhe sigurisë, në mënyrën më profesionale me qytetarët rreth keqpërdorimeve, formave të presionit mbi votuesit dhe veprimet e tjera kundërligjore, kanë qenë në funksion të zhvillimit të demokracisë.

Kur institucionet e sigurisë dhe drejtësisë përkushtohen, kur ka vullnet të partive politike dhe udhëheqësve të tyre, kur thirrja e bashkësisë ndërkombëtare është serioze, rezultatet nuk mungojnë. Nuk mund të mos jam i shqetësuar me të gjitha veprimet frikësuese dhe të dhunshme që kanë ndodhur në qendrën e votimit Shën Sava në Komunën e re të Mitrovicës së Kosovës.

Por, më gëzon fakti dhe vendimi i të gjithë qytetarëve vullnetmirë edhe në Zveçan, Leposaviq dhe Zubin Potok dhe Komunës së Mitrovicës së Kosovës që, me gjithë presionet, shantazhet dhe kërcënimet, shfrytëzuan të drejtën për të votuar dhe dolën e votuan.

Tash bashkësia ndërkombëtare e ka të qartë se kush është për destabilizimin e rajonit! Institucionet e sigurisë, vendore dhe ndërkombëtare, besoj se do t’i ndërmarrin të gjitha veprimet ndaj atyre që angazhohen për destabilizim, krim të organizuar dhe anarki. Njëkohësisht t’i mbrojë njerëzit vullnetmirë të këtyre komunave; angazhimi i të cilave është dhe duhet të vlerësohet. Janë zgjedhjet e para që mbahen në tërë territorin e Kosovës, përfshirë edhe veriun e vendit sipas ligjeve dhe rregullave të shtetit të Kosovës.

Bashkësia ndërkombëtare, si partnere e shtetit të ri të Kosovës, ka bërë dhe po bën të pamundurën në përparimin dhe avancimin demokratik të Kosovës. E falënderoj KFOR-in dhe NATO-n që ishin sërish pranë popullit të Kosovës, duke krijuar ambient të qetë dhe të sigurt për të gjithë. Ky përkushtim i këtyre zgjedhjeve duhet të jetë edhe më i madh dhe duhet t’i eliminojë edhe ato pak gabime gjatë balotazhit më 1 dhjetor. Ta forcojnë ndjenjën se zgjedhjet e raundit të dytë do të jenë pa defekte të tilla.

(Autori është kandidat i pavarur për president të Kosovës)

Më Shumë

Falet namazi i Kurban Bajramit, ftesë për vepra të mira e solidaritet

Manifestimi qendror për territorin e Kosovës, kushtuar kësaj feste, u mbajtë në “Xhaminë e Madhe” në Prishtinë. Myslimanët në tërë botën, ashtu edhe në Kosovë,...

Prizren, babai në gjendje të dehur ther me thikë vajzën e tij 21 vjeçare

Një ngjarje e rëndë ka ndodhur në Prizren, një person ka therur me thikë vajzën e tij, i dyshuari raportohet se ka qenë në...

Lajmet e Fundit