19.8 C
Prizren
E shtunë, 1 Tetor, 2022

“Zhduket” Nait Hasani

Iniciatori i nismës për shfuqizimin e Gjykatës Speciale, Nait Hasani (deputet i PDK-së), nuk është bërë i “gjallë” më prej se shefi i partisë së tij, Kadri Veseli, është tërhequr nga kjo iniciativë.

Veseli më 8 janar, në një shkrim autorial tha se Gjykata Speciale nuk mund të ndalet, ashtu siç nuk kishte mundur të ndalet as në vitin 2015 (kur ishte miratuar në kuvend).

Një tërheqje “taktike” e Veselit kishte ardhur pas presionit të madh të bashkësisë ndërkombëtare, e cila kishte paralajmëruar liderët institucionalë për rrezikun që do t’i kanosej Kosovës, në rast të zhbërjes së kësaj gjykate, transmeton “Zeri.info”.

Ndërkaq, pasi Nait Hasani kishte mbledhur 43 nënshkrime të deputetëve, natën e 22 dhjetorit kryekuvendari Veseli kishte thirrur mbledhje urgjente të kryesisë, për ta proceduar në kuvend projektligjin për shfuqizimin e Speciales.

Mirëpo, një nismë e tillë dështoi dy herë radhazi në mungesë të kuorumit, po atë ditë.

E iniciuesi Hasani, ani pse para deklaratës së Veselit shprehej i vendosur se nisma e tij do të ecte përpara, nuk është deklaruarar tash e dy javë gati.

Pavarësisht, se Zeri.info ka tentuar qe më shumë se një javë ta marrë në telefon, Hasani vazhdimisht e ka mbyllur atë, duke mos u përgjigjur në interesimin tonë.

A është tërhequr edhe Hasani nga kjo nismë apo jo, mbetet të shihet.

Iniciativa për zhbërjen e Dhomave të Specializuara dështoi edhe gjatë ditës së djeshme, meqë kryesia nuk pati kuorum ta mbante mbledhjen për të vendosur për hapat e mëtutjeshëm.

Ndërkohë, Veseli ka bërë të ditur se mbledhja do të mbahet në javën që vjen, duke mos saktësuar se në cilën ditë konkretisht./Zeri/

Më Shumë

Edy Reja nuk do të jetë më trajner i Kombëtares

“Nuk do të ketë një divorc të sforcuar me Edy Reja-n”, kështu u shpreh Armand Duka përpara sfidës me Izraelin, sigurisht kjo ishte një...

Duda Balje ‘rroket’ me kryeministrin Kurti në një takim për ditën e boshnjakëve: Nuk keni informata

Deputetja e komunitetit boshnjak, Duda Balje, edhe sot ka shprehur pakënaqësi në mënyrë indirekte në raportet e saj me Kurtin. Në një takim me kryeministrin...

Lajmet e Fundit