Real Madridi e tregoi fuqinë ndaj Interit, duke fituar pastër me shifrat 0-2 dhe dominuar edhe në lojë.
Trajneri i “Los Blancos”, Zinedin Zidane është shfaqur i kënaqur për fitoren dhe i dha meritën futbollistëve për këtë triumf shumë të rëndësishëm për klubin mbretëror.
“Ishte ndeshje e rëndësishme, e përgatitëm mirë. E dinim se do të ishte e vështirë, por kemi luajtur me karakter dhe kemi pasur qasjen e duhur në fushë. Jam i lumtur për lojtarët sepse ata shpesh kritikohen kur paraqitjet tona nuk janë të shkëlqyera. Nuk mund të fitosh gjithmonë në futboll, e rëndësishme është të japësh gjithçka ke çdo herë dhe kjo është ajo që bëmë. Duam të luajmë gjithmonë futboll të bukur dhe të marrim fitoret, por nuk është gjithmonë e mundur”, ka thënë Zidane.