Barcelona ka nënshkruar kontratë me mbrojtësin anësor të skuadrës së Real Betis, Emerson Royal.
Klubi katalan do të paguajë nëntë milionë euro për shërbimet e futbollistit brazilian, gjithashtu Betisi do të përfitojë 20 për qind të vlerës së kartonit të tij, në rast se Barcelona vendos që ta shes në të ardhmen.
Emerson u ble në vitin 2019 nga Barcelona dhe Betis, të cilët paguan nga gjashtë milion euro secila, për ta transferuar futbollistin nga skuadra braziliane Atletico Miniero.
Palët kishin rënë dakord që Emerson Royal do të qëndronte te Betisi deri në vitin 2021, që më pas t’i bashkohej Barcelonës.
Pra, Emerson do të jetë transferimi i tretë i Barcelonës për sezonin 2021/22, pas Agueros dhe Wijnaldum.
Ndërsa kujtojmë që Emerson është ftuar edhe nga Kombëtarja e Brazilit, në “Copa America”, i cili do të zërë vendin e Dani Alves.
/Albanianpost.com