27.2 C
Prizren
E enjte, 3 Korrik, 2025

Zyrtari i BIK-ut: Disa shtete myslimane po mashtrohen nga Rusia e Serbia

Pas raportimeve për vrasjen e një mercenari serb në Libi, i cili po luftonte në kuadër të grupit paramilitar rus Vagner, ka reaguar në facebook edhe zyrtari i Bashkësisë Islame të Kosovës, Ajni Sinani.

Ai ka thënë se disa shtete myslimane po mashtrohen nga Rusia dhe Serbia.

“Disa shtete myslimane po mashtrohen nga Rusia dhe Serbia. S’ka gjë prej tyre. Këto dy shtete kanë bërë krime kundër myslimanëve. Përsëri po bëjnë. Shihni Sirinë!”, është postimi i plotë i Sinanit.

Javën e kaluar në luftime afër Tripolit të Libisë ishte vrarë Aleksa Gjuriq (Aleksa Djuric), raportuan mediet ruse, arabe e turke. Ai ishte duke luftuar në krah të forcave të Gjeneralit prorus Haftar.

Serbi i vrarë, ishte pjesë e grupi paramilitar “Vagner”, i cili udhëhiqet nga Jevgeni Prigozhin, i njohur ndryshe edhe si “Kuzhinieri i Putinit”. I njëjti akuzohet se është themeluesi dhe udhëheqësi i Agjencisë së Kërkimit në Internet (Internet Research Agency – IRA), e cila merret me ndërhyrjet e Federatës së Rusisë kryesisht në zgjedhjet e vendeve perëndimore.

Më Shumë

Banesat më të kërkuara në Prizren – Bëhu pronar në Foleja Residence!

Foleja Residence nuk është vetëm një kompleks modern banesash – është një komunitet i qetë dhe i sigurt në zemër të natyrës, në lagjen...

“Jam t’u vdekë unë dhe fëmijët”- letra e Shote Galicës, dhurata e Azemit dhe fundi i saj në varfëri

Shote Galica, një prej heroinave më të mëdha të kombit shqiptar dhe gruaja e Azem Galicës, prijësit të Lëvizjes Kaçake të Kosovës, përfundoi jetën...

Lajmet e Fundit