Ministria e Punëve të Jashtme dhe Diasporës (MPJD) ka organizuar një pritje për artistë, staf diplomatik, përfaqësues institucional e artdashës në kuadër të aktiviteteve të festivalit ndërkombëtar të filmit dokumentar dhe të shkurtër Dokufest, që po mban edicionin e 20-të në Prizren.
Ministrja e MPJD-së, Donika Gërvalla në fjalën e saj të rastit, theksoi se janë pikërisht këto festivale me potencial të jashtëzakonshëm artistik që kthejnë vëmendjen e artdashësve nga e gjithë bota, kah Kosova.
Në kontekst të diplomacisë kulturore, ajo nënvizoi se MPJD-ja do të fokusohet ta vendos në plan të parë promovimin kulturor. Gjithashtu theksoi kreativitetin dhe vlerat e larta artistike të krijuesve të rinj vendor të cilat duhet të gëzojnë vëmendje ndërkombëtare.
Në këtë vit jubilar për Dokufestin do të shfaqen mbi 200 filma.