Presidenti i Shqipërisë, Ilir Meta ka vlerësuar kontributin e 30 mjekëve dhe infermierëve shqiptarë të cilët shkuan në Itali për të luftuar me koronavirusin.
“Mirënjohje dhe krenari për 30 mjekët dhe infermierët tanë, të cilët do shërbejnë në rajonin më të prekur nga pandemia në Italinë fqinje. Ky solidaritet dhe këto sakrifica do ta forcojnë edhe më shumë marrëdhënien e shkëlqyer midis dy vendeve e popujve tanë”, shkruan Meta në Facebook.