Ndërtimi në Prizren i një objekti me lartësi prej 13 katësh, mori 5 vjet kohë të përfundohet.
Por, për këto punime në qendër të këtij qyteti, investitori nuk pati leje nga komuna, njofton Klan Kosova.
Ndaj të enjten, Prokuroria Themelore e Prizrenit ngriti aktakuzë ndaj inspektorit Komunal, Enver Bytyçi, i cili mbikëqyri punimet e objektit.
Kjo aktakuzë iu bë për veprën penale ”Keqpërdorim i detyrës zyrtare”.
Në dokument thuhet se nënpunësi shkeli ligjin në atë mënyrë që nuk ndërmori asnjë veprim për rrënimin e objektit, por kreu vetëm punë administrative.
Kronikë e zgjeruar nga gazetarja Mejreme Gashi.