Kryetari i NISMA-s, Fatmir Limaj thotë se janë një milion arsye që Qeveria Kurti duhet ta dorëzojë mandatin sa më shpejt që është e mundur.Limaj në një intervistë për emisionin “Blic Interview” me Astrit Gashin foli edhe për takimin e kryetarit të PDK-së, Memli Krasniqi dhe kryeministrit, Albin Kurti.

Sipas tij, në atë tavolinë do të duhej të ishte opozita e bashkuar. “Besoj që Kosova është tashmë është në vitin zgjedhor, në afatin Kushtetues, Presidentja edhe dy muaj duhet t’i thërras partitë politike dhe ta caktojë datën zgjedhore dhe ka një milionë arsye që kjo Qeveri duhet të shkojë në shtëpi për gabimet dhe lëshimet që ka bërë për pozicionin e Kosovës”, tha Limaj.

“Aty u pa ashiqare që është një takim i përgatitur mes dy personave dhe një marrëveshje dypalëshe. Mua më ka ardhë keq që e kam parë atë skenë, aty kamë pasë dëshirë ta shohë opozitën, në një tavolinë të bashkuar, për të gjetë rrugë të koordinimit të aktevitetit përballë kësaj Qeverie”, shton ai.

“Partia kryesore opozitare e ka për detyrë, të bashkojë dhe të zgjerojë frontin opozitar. Të gjithë ata që janë të shqetësuar me gjendjen aktuale në vend, të gjithë ata që nuk pajtohen me këtë mënyrë të qeverisjes, partia më e madhe opozitare shkon dhe bashkëbisedon dhe e zgjeron frontin opozitar përballë kësaj Qeverie. Tash e tri vjet nuk kemi pa një rolë të tillë, ajo çka kam parë atë natë është rënia nën kurthin e kryeministrit Kurti”, tha Limaj.“Në kohën kur Kosova mori goditjen më të madhe me mos-anëtarësimin në KiE, letra e zotimeve, pastaj letra e Gërvallës, që të ndryshohet tema dhe krejt agjenda, kryeministri bëri ftesë për agjendë legjislative, kur shkoj njëra nga partitë opozitare për zgjedhje, çfarë ndodhi? Kur dolën jashtë, agjendën legjislative e përfundoi kryeministri sepse ia votuan krejt marrëveshjet”, shton ai.

Limaj i cili është kundër shpërndarjes së Kuvendit, potencon se PDK-ja ia ka dorëzuar garën kryeministrit Kurti.“Për mua ishte një lloj puçi institutcional, kush e merr përgjegjësinë për gabimet dhe dështimet e kësaj Qeverie. Shpërndarja e Kuvendit nuk është bërë asnjë herë në këtë mënyrë, është dhënë dorëheqja e kryeministrit, pra, duhet të shkojnë të bashkëbisedojnë me partitë, me presidenten edhe jepet dorëheqja, pastaj shpërndahet Parlamenti. Përgjegjës pse duhet të shpërndahet sepse Kosova ka mbetë pa Qeveri, kështu bëhet. Në atë tavolinë, Albinit iu dorëzua gara ende pa filluar. A s’është kjo mënyrë me i thënë Albinit, po ti je i pari, na po punojmë për të dytin dhe të tretin, kjo është dorëzim i garës”, tha Limaj.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Ministrja e Arsimit, Shkencës, Teknologjisë dhe Inovacionit (MASHTI), Arbërie Nagavci i ka uruar fëmijët e Kosovës me rastin e 1 Qershorit, Ditës Ndërkombëtare të Fëmijëve, duke iu garantuar arsim cilësor dhe mundësi të barabartë për të gjithë.

“Në këtë ditë të veçantë, 1 Qershorin, Ditën Ndërkombëtare të Fëmijëve, dua të ju përcjell urimet më të përzemërta e të falënderoj për energjinë, gëzimin dhe shpresën që sillni në jetën tonë të përditshme. Ju jeni e ardhmja jonë, e ardhmja e kombit tonë, dhe është obligim i ynë t’u garantojmë fëmijëri të sigurt e të lumtur dhe të krijojmë mundësi të barabarta për të gjithë fëmijët pa dallim”, ka shkruar ministrja në Facebook.

Ministria e Arsimit, sipas Nagavcit, është e përkushtuar që të krijojë një sistem arsimor që mbështet, frymëzon dhe i ndihmon fëmijët të arrijnë potencialin e tyre të plotë.

“Ne punojmë çdo ditë për të siguruar që shkollat tona të jenë vende të sigurta, gjithëpërfshirëse dhe të pajisura me mjetet më të mira për të mësuar”, tha ajo.

Kjo ditë, sipas ministres, e rikujton se fëmijët janë pasuria më e madhe dhe se investimi në arsim është investimi më i mirë për të ardhmen.

“Angazhimi ynë për avancimin dhe realizimin e të drejtave të fëmijëve nuk do të ndalet. Do të punojmë shumë për sigurinë dhe mirëqenien e të gjithë fëmijëve dhe për të ndërtuar një shoqëri ku secili fëmijë ka mundësinë të zhvillohet e të kontribuojë në mënyrë të barabartë”, ka shkruar Nagavci.

Gjatë 24 orëve të fundit janë raportuar 16 aksidente trafiku me të lënduar, dhe 39 me dëme materiale.

Brenda kësaj periudhe janë shqiptuar 2 mijë e 264 gjoba trafiku.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Qeveria gjermane ka vendosur të zgjasë për një vit tjetër qëndrimin e Bundeswehr-it në misionin paqeruajtës të KFOR-it për të siguruar paqen dhe sigurinë në rajon. Si më parë, deri në 400 ushtare dhe ushtarë gjermanë do të mund të dërgohen për këtë mision.

Zëdhënësi i qeverisë, Steffen Hebestreit, tha: “Prej tashmë 25 vjetësh, Bundeswehr-i po kontribuon në mënyrë aktive në stabilizimin dhe sigurimin e paqes në Kosovë.” Ai theksoi se kontributi i KFOR-it është i nevojshëm për stabilizimin e sigurisë dhe konsiderohet si një shtyllë kryesore e stabilitetit në rajon.”

Zëdhënësi i Ministrisë së Mbrojtjes, Arne Müller, tha se mandati mbetet i pandryshuar. “Ne veprojmë sipas mandatit ekzistues. Kompania gjermane në NATO është në gatishmëri dhe ka marrë kompetenca shtesë, si kontrolli i turmave dhe trazirave.” I pyetur për një strategji daljeje nga Kosova, Müller shtoi: “Operacionet e kësaj përmasash diskutohen dhe miratohen gjithmonë nga parlamenti. Ne zbatojmë këtë mandat derisa të vendoset që nuk është më i nevojshëm.”

Vendimi duhet të miratohet nga Parlamenti Gjerman

Bundestagu do ta trajtojë këtë vendim të qeverisë më 6 qershor 2024, me një debat 40-minutësh. Pas debatit, kërkesa do të kalojë për shqyrtim të mëtejshëm në komisionet përkatëse, të kryesuar nga Komisioni i Jashtëm. Pritet që vendimi, sikurse edhe vitet e mëparshme, të miratohet me shumicë dërrmuese të votave nga tre partitë e koalicionit të qendrës së majtë, SPD, FDP dhe Të gjelbrit, dhe nga grupi më i madh opozitar, CDU/CSU.

Që nga viti 1999, Bundeswehr-i është pjesë e KFOR-it, duke e bërë këtë operacionin më të gjatë në historinë e Ushtrisë Gjermane. Qeveria gjermane e paraqet mandatin çdo vit për rishikim dhe miratim në parlament për të siguruar një proces demokratik dhe transparent. Kostoja e misionit për një vit përllogaritet të jetë rreth 21,8 milionë euro. Në prill, qeveria gjermane forcoi përkohësisht kontributin e saj në KFOR me një kompani shtesë për shkak të tensioneve në veriun e Kosovës.

Situtata e sigurisë në veri mbetet e brishtë

Situata e sigurisë në veriun e Kosovës është përkeqësuar që nga viti 2022, me përleshje të dhunshme në Zveçan dhe një sulm paramilitar në Banjskë. Tensionet politike vazhduan edhe në fillim të vitit 2024, përfshirë zgjedhjet e mundshme në komunat veriore dhe rregullimet financiare midis Serbisë dhe Kosovës.

Duke marrë parasysh tensionet, stabilizimi përmes KFOR-it dhe prania e Bundeswehr-it në Kosovë mbeten thelbësore. Në planin afatgjatë, Gjermania synon kalimin e përgjegjësisë së sigurisë tek institucionet kosovare. Deri atëherë, prania e KFOR-it mbetet e nevojshme për të parandaluar konfliktet dhe përshkallëzimet afatshkurtra, thuhet në kërkesën e qeverisë gjermane drejtuar parlamentit.

KFOR-i mbetet garant për sigurinë në rajon

KFOR është krijuar për të garantuar sigurinë në Kosovë dhe mbikëqyrjen e strukturave profesionale, demokratike dhe multi-etnike. Përfshirja e Bundeswehr-it përfshin mbështetjen e zhvillimit të Forcave të Sigurisë së Kosovës (KSF) dhe aktorëve të tjerë në kuadër të reformës së sektorit të sigurisë.

Rezoluta 1244 (1999) e Këshillit të Sigurimit të Kombeve të Bashkuara mbetet baza për KFOR-in, të cilën të dyja vendet dëshirojnë ta vazhdojnë. Politikat e qeverisë gjermane synojnë një normalizim të qëndrueshëm të marrëdhënieve mes Kosovës dhe Serbisë, si dhe mbështetjen e stabilitetit politik, juridik dhe ekonomik të Kosovës./DW

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri