Ka humbur jetën tragjikisht në vendin e punës në Belgjikë, 30-vjeçari, Arian Gashi.
I ndjeri ishte nga qyteti i Malishevës.
30-vjeçari humbi jetën mëngjesin e sotëm teksa ishte duke punuar.
Lajmin për vdekjen e tij e kanë bëre familjarët e të ndjerit.
Ndryshe edhe diten e djeshme një mërgimtar tjetër nga Vushtrria kishte humbur jetën në vendin e punës.
Marketing
Kitaristi amerikan Duane Eddy, i konsideruar nga shumë njerëz si një nga baballarët themelues të rock and roll, vdiq në moshën 86-vjeçare.
”Vdekja e tij ndodhi më 30 prill në Franklin, Tenesi”, tha gruaja e tij, Deed.
Shkak ishte kanceri.
Artisti fitues i Grammy-t pati një sërë hitesh instrumentale në vitet 1950 dhe ’60.
Ai arriti përsëri në listat në 1986 me një ribërje të këngës së tij ”Peter Gunn”.
Ai u quajt mbreti i twangut për stilin e tij të veçantë.
“Duane frymëzoi një brez kitaristësh në mbarë botën me tingullin e tij të pagabueshëm twang”, citohet të ketë thënë përfaqësuesi i Eddy nga faqja e internetit e ”Variety”.
“Ai ishte perëndia i parë i kitarës rock and roll, një qenie njerëzore me të vërtetë modeste dhe e pabesueshme. Ai do të mungojë shumë”, shtoi ai.
Eddy u lind në Corning, shteti i Nju Jorkut, në vitin 1936.
Ai filloi të luante kitarë në moshë të re.
Eddy ishte autodidakt dhe tingulli i tij i veçantë frymëzoi artistë nga ”The Beatles” tek ”Blondie”.
Gjatë karrierës së tij të shkëlqyer që përfshin shtatë dekada, ai shiti më shumë se 100 milionë disqe.
Jehona e zhurmës së tij dalluese të ngadaltë vjen me zë të lartë dhe të qartë te këngët ”Day Tripper”, ”Born To Run” apo ”Atomic”.
Marketing
“Arma ishte në posedim pa leje adekuate nga organi kompetent, andaj me urdhër të prokurorit përgjegjës, arma dhe municioni i gjetur janë sekuestruar. Rasti vazhdon në procedurë të rregullt, ndërsa i dyshuari u lirua”, thuhet në njoftimin e policisë.
Marketing
Kryetari I Komunës, Shaqir Totaj u takua sot me kryetarët e rinj të fshatrave dhe lagjeve të Prizrenit.
Ai i ka përgëzuar ata për marrjen e besimit nga qytetarët.
“Duhet të kemi bashkëpunim sa më të frytshëm, për t’i shërbyer përmirësimit të jetës së qytetarëve dhe interesave të tyre”,tha Totaj.
Drejtori i Administratës, Edin Shehu, e ka vlerësuar të suksesshëm këtë proces zgjedhor konform rregullores në fuqi.
Disa nga përfaqësuesit e zgjedhur, kanë parashtruar pyetje rreth disa çështjeve teknike dhe përfaqësim më të madh të grave në vendimmarrje.
Ndërkaq, anëtari i komisionit komunal në këtë proces zgjedhor, Eroll Shabani nga organizata “ Ec Ma Ndryshe”, ka shprehur gatishmëri për bashkëpunim dhe ndihmë në aspektin teknik për drejtuesit e rinj të fshatrave dhe lagjeve. Gjatë këtij takimi, përfaqësuesve të lokaliteteve dhe lagjeve, iu janë shpërndarë vendimet për përzgjedhjen e tyre, ndërsa ata kanë zhvilluar edhe një takim me përfaqësues të Agjencisë së Statistikave të Kosovës, ku është folur për rëndësinë e procesit të regjistrimit të popullsisë që po organizohet në vendin tonë.TV Prizreni
Marketing
Në Gjonaj të Hasit sot (e enjte) në ora 19:00 nis edicioni i 35-të i Festivalit Folklorik “Hasi Jehon 2024”, shkruan PrizrenPress.
Marketing
Prokuroria Themelore në Prizren, kanë ngritur aktakuzë ndaj dy shoferëve A.S., dhe I.H, për shkaktimin e aksidentit në autostradë, ku vdiqën tre persona.
Rasti kishte ndodhur vitin e kaluar më 16 dhjetor, derisa dy të akuzuarit ishin duke bërë gara me veturat e tyre.
Kështu ata i goditën për vdekje tre këmbësoret që ishin duke e përcjellë garën.
Po ashtu nga ky aksident dy persona pësuan lëndime të rënda, derisa një mori lëndime më të lehta.
Të pandehurit, akuzohen se kryen vepren “Rrezikimi i trafikut publik”.
“Sipas aktakuzës, të pandehurit A.S., dhe I.H., me datë 16.12.2023 rreth orës 22:30, në autostradën ‘’Ibrahim Rugova’’ në Prizren, saktësisht në kilometrin e pesëmbëdhjetë (15) të saj nga aksi rrugor ‘’Prizren-Veri’’ në drejtim të aksit rrugor ‘’Prizren Jug’’ ku shpejtësia e lejuar e lëvizjes është 120 km/h, në bashkëkryerje veprojnë në kundërshtim me Ligjin nr. 05/L-088 për Rregullat e Trafikut Rrugor, në atë mënyrë që paraprakisht organizojnë garë të kundërligjshme automobilistike, ashtu që i pandehuri i parë, A.S me automjetin A rreshtohet në shiritin e majtë të rrugës, derisa i pandehuri i dytë, I.H me automjetin B rreshtohet në shiritin e djathtë të rrugës dhe fillojnë zhvillimin e garës, me ç’rast duke lëvizur paralelisht me automjetet e tyre, me një shpejtësi dukshëm më të madhe në raport me shpejtësinë e lejuar, i akuzuari i parë humb kontrollin mbi drejtimin e automjetit duke devijuar në mënyrë diagonale nga shiriti i majtë i rrugës, me ç’rast e godet automjetin C, i cili ishte i ndalur në shiritin emergjent të autostradës dhe për pasojë godet për vdekje këmbësorët, të cilët ishin duke e ndjekur zhvillimin e garës, gjegjësisht viktimat: N.B., M.D., dhe L.S., dhe në të njejtën kohë u shkakton lëndime të rënda trupore të dëmtuarve: M.Z., dhe B.P., si dhe lëndime të lehta trupore të dëmtuarit S.Z., të cilët gjithashtu ishin në vendin kritik duke ndjekur zhvillimin e garës së kundërligjshme”, thuhet në njoftimit e organit të akuzës në Prizren, transmeton Klankosova.tv
Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprën penale për të cilën akuzohen të shpallen fajtorë dhe të dënohen sipas ligjit.
Marketing
Pas gjysmëfinaleve të para të Champions League, në rend do të jenë ato të Europa League.
Në këtë fazë të garës së dytë më të rëndësishme në futbollin evropian do të jenë dy përballja tejet të forta.
Granit Xhaka me shokë do të ketë punë me Romën.
Mbetet të shihet nëse skuadra e drejtuar nga Xabi Alonso do ta vazhdojë serinë e ndeshjeve pa humbje.
Një tjetër lojë mjaft interesante, pritet të jetë ajo në mes të Marseille dhe Atalantas.
Dyja lojët nisin nga ora 21:00.
Marketing
Ralf Rangnick thuhet se ka refuzuar mundësinë për të zëvendësuar Thomas Tuchel-in si trajner i Bayern Munich-ut, duke e lënë klubin të përpiqet për një tjetër opsion.
Bayern kishte diskutuar një marrëveshje me Rangnick që do të përfshinte largimin e tij nga posti te Austria.
Megjithatë, Rangnick synon të shohë kontratën e tij me Austrinë deri në skadimin e saj në 2026 dhe do t’i çojë ata në Euro 2024 këtë verë, sipas gazetës gjermane “Bild”.
Rangnick ishte zgjedhja e tyre e tretë për të zëvendësuar Tuchel-in pasi Xabi Alonso i Bayern Leverkusen dhe trajneri i Gjermanisë Julian Nagelsmann, i cili dikur drejtonte Bayern-in, i refuzuan ata.
Bayern dhe Tuchel zbuluan në shkurt se ai do të largohej nga klubi në fund të sezonit, i cili ka qenë një vit i dobët.
Ndërsa Bayern është në gjysmëfinale të Champions League, ata nuk kanë arritur të fitojnë titullin e Bundesliga-s pas 11 triumfeve radhazi.
Ata gjithashtu u eliminuan nga DFB-Pokal nga ekipi i nivelit të tretë Saarbrucken. Albanian Post
Shumica e sektorëve në tregun e punës në Kosovë janë të dominuar nga burrat. Por, edhe në sektorët që punësojnë më shumë gra – si arsimi apo shëndetësia – burrat gëzojnë pagë mesatare më të lartë.
I vetmi sektor ku gratë paguhen më shumë, është ai i transportit dhe magazinimit.
Radio Evropa e Lirë ka publikuar një infografikë që tregon se sa paguhen mesatarosht gratë e burrat në secilin sektor.
Bazuar në këtë infografikë, në ndërtimtari burrat paguhen 565 euro e gratë 486 euro, në tregtinë me shumicë e pakicë burrat paguhen 590 euro e gratë 447, në arsim burrat paguhen 698 euro e gratë 485.
Pagesa dallon edhe në sektorin e shëndetësisë dhe punës sociale, ku burrat paguhen 1 mijë e 48 euro, derisa gratë 457 euro.
Tek artet, argëtimi dhe rekreacioni burrat paguhen 569 euro, e gratë 444 euro, tek shërbimi burrat 752 euro e gratë 607 euro. Njëjtë është edhe në bujqësi, pylltari dhe peshkim, ku burrat paguhen 437 euro, e gratë 334 euro.
Dallim bën sektori i transportit dhe magazinimin, ku gratë paguhen më shumë. Në këtë sektor gratë paguhen 499 euro, e burrat 483 euro.
Burrat paguhen më shumë se gratë edhe në sektorin e akomodimit dhe shërbimit ushqimor, atë të informimit dhe komunikimit, aktivitetet financiare dhe të sigurimit, aktivitetet e patundshmërisë, aktivitetet profesionale dhe shkencore, shërbimet administrative dhe mbështetëse, administrim publik dhe mbrojtje, industry nxjerrëse, industry përpunuese, furnizim me rrymë e gaz, furnizim me ujë e kanalizim si dhe në organizatat ndërkombëtare.
Këto të dhëna janë të muajit mars 2024 dhe janë marrë nga Administrata Tatimore e Kosovës.
Marketing
