Kryetari i Prizrenit, Shaqir Totaj priti sot kryetarin e subjektit politik PDAK, Qazim Rahmani, nënkryetarin e Komunës së Ferizajt, Danush Ademi dhe bashkëpunëtorët e tyre.
Diskutimi u përqendrua te çështjet e integrimit të barabartë dhe konceptin e gjithëpërfshirjes së të gjithëve në Komunën e Prizrenit, duke theksuar përkrahjen e diversitetit dhe nxitjen e bashkëpunimit afatgjatë nga qeverisja aktuale lokale.
Sindikata e Arsimit, Shkencës dhe Kulturës (SBAShK) ka bërë të ditur se me 1 maj do të ketë protestë të punëtorëve të arsimit.
Në njoftimin e SBAShK-ut i bëhet apel Qeverisë të ndryshohet qasja ndaj punëtorëve të arsimit dhe të punësuarve tjerë në sektorin publik e privat.
Sipas kësaj sindikate, se kryeministri Albin Kurti, ministri i Financave, Hekuran Murati, dhe ministrja e Arsimit, Arberie Nagavci, kanë qasje të keqe ndaj punëtorëve të arsimit dhe kërkesave të tyre.
“Tani , si për inat, kolegët nga sindikatat e arsimit të vendeve të rajonit po na lavdërohen me pagat e ngritura vazhdimisht , që dallojnë shumë krahasuar me pagat në Arsimin Parauniversitar të Kosovës. Po na krenohen edhe me Kontratat e tyre Kolektive , për Ligjin për sigurimin shëndetësor, për atë të skemave pensionale dhe për kushtet e punës dhe për respektin e shprehur publikisht të qeverive të tyre ndaj figurës së mësuesit”.
“Ju vepruat krejt ndryshe. Punuat Ligjin për paga që nuk realizoi pritjet tona të arsyeshme. Ju lëvizët në mënyrë ironike vlerën e koeficientit të pagave. Ju nuk e bëtë Ligjin për sigurime shëndetësore. Ju bëtë ndryshime e plotësime në Ligjin për skemat pensionale dhe, si me qëllim, mohuat të drejtën e fituar nga neni 8 , paragrafi 6 që vitet e 90-ta i pranonte arsyeshëm si vite kontributdhënëse. Ju për t’i shuar sindikatat shkelet Ligjin për organizimin sindikal dhe shlyet tërë anëtarësinë duke i obliguar nëse duan të kenë sindikatë të regjistrohen në platformën e Kosova , që nuk ka ndodhur në as një vend të botës. Ju nuk bëtë asgjë as për përmirësimin e kushteve të punës që do të ndikonin shumë në ngritjen e vazhdueshme të cilësisë. Ju paralizuat punën e Këshillit Ekonomik Social. Ju nuk doni të nënshkruani tani e sa kohë Marrëveshjen Kolektive që garanton të drejtat e punëtorëve në sektorin publik.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Agjencia Kosovare e Privatizimit (AKP) ka mbajtur të mërkurën ceremoninë e hapjes së ofertave të shitjeve përmes Likuidimit nr. 65, e cila përmban 26 aseteve atraktive që gjenden në Kosovë, raporton Ekonomia Online.
Zëvendësdrejtori i AKP-së Muharrem Arifi, falënderoi të gjithë pjesëmarrësit duke e bërë të ditur se për herë të parë janë ofruar për shitje dy prona jashtë republikës së Kosovës.
“Ne sot po e përmbyllim procesin e tenderimit për – shitjen e 26 aseteve te Ndërmarrjeve Shoqërore ne likuidim përmes kësaj metode. Më lejoni të ju njoftoj se deri më tani janë privatizuar 2, 939 asete të ndryshme përmes shitjeve të aseteve të Ndërmarrjeve Shoqërore në administrim të Agjencisë. Nga privatizimi i përgjithshëm i ndërmarrjeve shoqërorë dhe aseteve të tyre deri më tani janë grumbulluar 784 milionë e 114 mijë euro”, tha ai.
“Nga numri i përgjithshëm prej 602 Ndërmarrjeve Shoqërore në administrim te Agjencisë procesi i likuidimit deri me tani ka filluar për 589 Ndërmarrje. Deri me tani shuma e fondeve te shpërndara tek kreditorët e ligjshëm është 61 milionë e 700 mijë euro për 307 ndërmarrje shoqërore në likuidim. Për sa i përket shpërndarjes së 20 për qind, Agjencia po vazhdon me miratimin e listave të punëtoreve dhe shpërndarjen e shumës se 20 për qind të të hyrave nga shitjet e aseteve për punëtorët e ndërmarrjeve shoqërore dhe deri me tani kemi arritur te shpërndajmë 163,379.229. EUR numri i përgjithshëm i përfituesve te 20 për qind është 52, 092 ish-punëtorë”, deklaroi ai.
Në rajonin e Prishtinës ofrohen për shitje 4 lokale afariste të madhësive të ndryshme duke filluar me lokalin 113m² në rrugën “Luan Haradinaj” deri në 24.66m² lokali në Dardani, të përshtatshme për zhvillim të veprimtarive afariste. Në rajonin e Prishtinës, konkretisht në Lipjan ofrohet poashtu një objekt për shitje si dhe në Gadime.
Në rajonin e Mitrovicës ofrohen 9 lokale afariste për shitje, lokalet kanë hapësira të ndryshme duke filluar prej 168m² deri tek lokali me 56.4m². Në rajonin e Mitrovicës në këtë shitje është përfshirë edhe toka dhe objekti i NSh Agrokultura Stacioni i Vjetër i Veterinës në rrugën “Adem Voca”.
Ndërkaq në rajonin e Prizrenit ofrohen tri lokale atraktive të përshtatshme për zhvillim të industrive të ndryshme tjera afariste me hapësirë prej 134m² deri tek lokali me hapësire prej 60m². Në këtë shitje janë përfshirë edhe dy lokale të NSh IMF në Podgoricë, Mal të Zi.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Skuadra e Serie A, Milan-i tani po bën presion për të nënshkruar me Joshua Zirkzee nga Bologna dhe po shton përpjekjet e tyre për të transferuar holandezin në verë.
Zirkzee është lidhur me një mori klubesh në Angli dhe Itali, me Bayern Munich gjithashtu që ka një klauzolë kthimi për holandezin.
Por, Milan-i duket se do të humbasë Olivier Giroud në verë dhe i zgjedhuri për të zëvendësuar francezin është Zirkzee.
Gazetari italian, Antonio Vitiello ka raportuar se Giroud ka gjetur një marrëveshje të plotë me skuadrën e MLS, LAFC, ku do të bashkohet në fund të sezonit.
Emri i Zirkzee është aktualisht në “pole” për të zëvendësuar Giroud, i cili ishte një pjesë kyçe e ekipit të Milan-it që fitoi Scudetto-n në vitin 2022.
Milan-i po bën presion për të transferuar Zirkzee-n në verë dhe po përpiqet të gjejë potencialisht një lloj marrëveshjeje financiare me Bologna-n në ditët e ardhshme.
Konkurrenca nga klubet angleze ekziston, por Milan-i po përpiqet të mbyllë një marrëveshje sa më shpejt që të jetë e mundur. Albanian Post
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Xhudisti Akil Gjakova do të përfaqësojë Kosovën në Kampionatin Evropian për Senior që do të zhvillohet në Zagreb të Kroacisë nga 25-27 prill.
Ky muaj ka qenë plot zhvillime jashtë sportit për Gjakovën. Ai fillimisht u akuzua nga bashkëshortja për dhunë në familje dhe një javë parë e arrestua teksa hynte në territorin e Kosovës.
Akili u arrestua më 17 prill në pikën kufitare të Vërmicës dhe u mbajt në ndalim 48-orësh. Megjithatë, xhudisti asnjëherë nuk pranoi se kishte ushtruar dhunë në familje, ndonëse bashkëshortja e tij shpërndau në media disa foto me shenja dhune.
“Dua të theksoj se nuk kam kryer asnjë krim, veçanërisht kundër bashkëshortes sime. Megjithatë, pasi jam aktualisht jashtë Kosovës dhe nuk mund të kthehem. Nuk jam person i dhunshëm, dhe nuk kam shkaktuar dëme. Nuk kam asnjë lidhje me ngjarjet e paraqitura në fotot e qarkulluara në media, dhe kjo shpejt do të provohet”, shkroi Akili disa orë para ndalimit të tij.
Mësohet se çifti janë në një proces divorci, ku ndarja është kërkuar nga vetë Gjakova.
Pavarësisht kësaj çështjeje, jo pak e rëndësishme, Gjakova do të vijojë të përfaqësojë dhe mbrojë ngjyrat e Kosovës në garat ndërkombëtare.
Akili do të jetë pjesë e sportistëve nga Kosova që do të garojnë në Evropinian e xhudos më 25-27 prill. Si gjithmonë, ai do të tentojë të marrë maksimumin në kategorinë e tij (-73 kilogramë).
Përveç Akilit, Kosova do të përfaqësohet edhe nga Distria Krasniqi, Flaka Loxha, Dardan Cena dhe Loriana Kuka.
Ekipi kosovar është nën udhëheqjen e trajnerit legjendar, Driton Kuka dhe trajneres Majlinda Kelmendi.
Distria dhe Flaka ndeshen ditën e parë, kurse ditën e dytë ndeshet Akili dhe Dardani. Loriana ndeshet ditën e tretë.
Në Kampionatin Evropian të Zagrebit do të marrin pjesë 427 garues nga 47 shtete të ndryshme. 240 prej tyre janë meshkuj dhe 187 femra. Albanian Post
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Në Rahovec të martën është arrestuar një person i dyshuar pasi raportohet se ka ushtruar dhunë psikike dhe fizike ndaj viktimës femër kosovare me te cilën bashkëjeton qe tetë vjet.
Viktima ka pranuar tretman mjekësor, ndërsa me vendim të prokurorit – pas intervistimit i dyshuari u dërgua në mbajtje.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Shtatë miliardë e 500 milionë euro janë asetet e bankave komerciale në Republikën e
Kosovës derisa shuma e depozitave të qytetarëve arrin në 6.05 miliardë euro.
Kështu thuhet në statistikat e bankave komerciale për muajin mars 2024, të publikuara nga
Banka Qendrore e Kosovës (BQK), duke shtuar vlera e kredive bruto ka arritur në 5.09
miliardë euro me një rritje prej 132.0 milionë euro.
Sipas raportit, kapitali u bankave komerciale për këtë muaj ishte 868.56 milionë euro.
Tutje, BQK tregon se vlera e kredive të reja ishte 241.20 milionë euro, derisa shuma e
depozitave të reja arriti në 69.70 milionë euro.
Po ashtu, norma mesatare e interesit në depozita ishte 2.71 për qind, ndërsa norma mesatare e
interesit në kredi ishte 6.24 për qind ku në muajin paraprak ka qenë 6.34 për qind.
Raporti kredi-depozita për këtë muaj ishte në nivelin 84.70 për qind, kurse margjina e normës së
interesit në kredi dhe depozita ishte 3.53 për qind.
7.50 miliardë euro, vlera aseteve bankare
? 5.09 miliardë euro, vlera e kredive bruto
? 6.05 miliardë euro, vlera e depozitave të klientëve
? 241.20 milionë euro, vlera e kredive të reja
? 69.70 milionë euro, vlera e depozitave të reja
? 84.70 për qind, raporti kredi-depozita
? 6.24 për qind, norma e interesit në kredi
? 2.71 për qind, norma e interesit në depozita
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Dy femra janë arrestuar të martën në Prizren, pasi që kishin sulmuar fizikisht një të mitur dhe më pas kishin penguar dhe sulmuar fizikisht zyrtarët policor.
Sipas raportit të policisë, dy të dyshuarat dhe dy zyrtarë policorë kanë pranuar tretman mjekësor.Policia ka bërë të ditur se me vendim të prokurorit dy të dyshuarat janë dërguar në mbajtje.
“Prizren 23.04.2024 – 13:22. Janë arrestuar dy të dyshuara femra kosovare pasi që, dyshohej që kishin sulmuar fizikisht një të mitur, ku më pas kishin penguar dhe sulmuar fizikisht zyrtarët policorë. Dy të dyshuarat dhe dy zyrtarë policorë, një mashkull dhe një femër kanë pranuar tretman mjekësor. Me vendim të prokurorit dy të dyshuarat janë dërguar në mbajtje”, thuhet në raport.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
sh-presidenti i Kosovës, Hashim Thaçi, feston sot 56-vjetorin e lindjes.
As kësaj radhe ai nuk do të mund të festojë pranë familjarëve të tij për shkak se nga nëntori i vitit 2020, ai ndodhet në paraburgim si i akuzuar për krime lufte nga Gjykata Speciale.
Kujtojmë se Thaçi ka qenë në krye të Partisë Demokratike të Kosovës si dhe kryeministri i parë i Kosovës së pavarur.
Hashim Thaçi është i lindur më 24 prill 1968 në fshatin Burojë të Skenderajt dhe ishte presidenti i pestë i Republikës së Kosovës, derisa dy herë ishte shef qeverie.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
Në orët e hershme të mëngjesit pritet të formohen kushte për mjegull nëpër lugina dhe ultësira.
Era do fryjë nga kuadrati i jugperëndimit, e cila kohë pas kohe pritet të jetë mjaft e fuqishme, me shpejtësi prej 17-60 km/h!
Temperaturat do të shënojnë ngritje, me minimale që do të lëvizin prej 5 deri në 7°C, ndërsa ato maksimale prej 15 deri në 18°C. /MeteoKosova/