31.3 C
Prizren
E diel, 3 Gusht, 2025
type here...
Home Blog Page 113

Presidentja kujton Ukshin Hotin: Mungesa e tij, plagë e hapur për kombin

admin
-
0
Presidentja kujton Ukshin Hotin: Mungesa e tij, plagë e hapur për kombin

Presidentja e Kosovës, Vjosa Osmani, e ka përkujtuar veprimtarin Ukshin Hotin në 26-vjetorin e zhdukjes së tij.

Përmes një postimi në “Facebook”, Osmani tha se mungesa e Hotit mbetet një plagë e hapur për kombin.

”Ukshin Hoti ishte filozofi i rezistencës, njeriu që e pa pavarësinë e Kosovës si domosdoshmëri historike dhe morale. Më 16 maj 1999, patrioti e intelektuali Ukshin Hoti u rrëmbye dhunshëm nga Burgu i Dubravës dhe që nga ajo ditë asnjë gjurmë për të. Një mendje brilante, një shpirt i lirë dhe një vizionar i pashoq i çështjes kombëtare. Ukshin Hoti ishte filozofi i rezistencës, njeriu që e pa pavarësinë e Kosovës si domosdoshmëri historike dhe morale. Ai është kujtesë, mësim dhe sfidë për të sotmen tonë, ndaj zbardhja e fatit të tij është obligim i yni i vazhdueshëm”, thuhet në njoftimin e presidencës.

Marketing

Prizreni nis procedurat e prokurimit për ndërtimin e tregut të gjelbër dhe parkingut nëntokësor, vlera 1.3 milion euro

admin
-
0
Prizreni nis procedurat e prokurimit për ndërtimin e tregut të gjelbër dhe parkingut nëntokësor, vlera 1.3 milion euro

Komuna e Prizrenit ka iniciuar procedurat e prokurimit për projektin e titulluar “Ndërtimi i tregut të gjelbër dhe parkingut nëntokësor”.

Sipas njoftimit të publikuar vlera e parashikuar e kontratës është 1 milion e 290 mijë euro. Projekti është përshkruar si tre vjeçar.

“Do të rregullohet komplet infrastruktura në tregun e gjelbër dhe rregullimi i parkingut nëntokësor”, thuhet në përshkrimin e shkurtër, ku gjithashtu theksohet se do të ketë punë ndërtimore, instalim të ujësjellësit e kanalizimit, si dhe punë të instalimeve elektrike, raporton Telegrafi.

Afati i fundit për operatorët ekonomik për paraqitjen e ofertave është përcaktuar data 16 qershor 2025.

Nisja e këtyre procedurave është autorizuar nga kryetari i Komunës së Prizrenit, Shaqir Totaj me vendimin e datës 29 prill 2025.

“Miratohet kërkesa e Drejtorisë së Shërbimeve Publike, për lejimin e realizimit të projektit: “Ndërtimi i tregut të gjelbër dhe parkingut nëntokësor në Prizren”, kështu që, për këtë qëllim lejohet shpallja e tenderit për mbledhjen e ofertave përkatëse”, thuhet në vendim, raporton Telegrafi.

Aty sqarohet se ky projekt realizohet konform marrëveshjes mes Ministrisë së Administrimit të Pushtetit Lokal, DEMOS-it dhe Komunës së Prizrenit, të nënshkruar me datën 18 mars 2025. /Telegrafi/

Marketing

Qytetari has në mjet të dyshuar shpërthyes në një zonë pyjore në Dragash

admin
-
0
Qytetari has në mjet të dyshuar shpërthyes në një zonë pyjore në Dragash

Policia e Kosovës ka njoftuar se të enjten pasdite në territorin e Komunës së Dragashit është raportuar për një mjet të dyshuar shpërthyes, të gjetur në një zonë pyjore nga një qytetar.

Sipas raportit ditor, rasti është evidentuar më 15 maj 2025, rreth orës 14:15, dhe është trajtuar nga njësiti policor përkatës.

“Është raportuar se në pyll ankuesi mashkull kosovar ka hasur në një mjet të dyshuar shpërthyes. Në vendin e ngjarjes ka dalë njësiti policor përkatës të cilët kanë trajtuar rastin”, thuhet në njoftimin 24-orësh të Policisë së Kosovës.

Marketing

 

26 vjet nga zhdukja e veprimtarit Ukshin Hoti

admin
-
0
26 vjet nga zhdukja e veprimtarit Ukshin Hoti

Më 16 maj 1999 në rrethana ende të pandriçuara është zhdukur Ukshin Hoti.

Veprimtari i mirënjohur i Lëvizjes Kombëtare, profesori Ukshin Hoti u lind më 17 qershor 1943 në Krushë të Madhe të Rahovecit. Ishte profesor, shkrimtar, filozof, intelektual, atdhetar dhe veprimtar i shquar i çështjes kombëtare gjatë viteve 1981-1999.

Ukshin Hoti ka qenë edhe ligjërues në disa universitete të Amerikës, ku edhe kishte studiuar dhe ishte diplomuar.

Për aktivitetin e tij atdhetar ishte arrestuar disa herë nga regjimi serb i Titos dhe i Millosheviqit. Për herë të fundit ishte arrestuar në vitin 1994 nga policia serbe me akuzën e ushtrimit të veprimtarisë armiqësore kundër Jugosllavisë dhe për pjesëmarrjen e tij në lëvizjen për Republikën e Kosovës, me ç’rast ishte dënuar pesë vjet burg.

Më 16 maj 1999 pas lirimit dhe daljes nga qelia e burgut të Dubravës, zhduket nga polica serbe pa lënë gjurmë.

Shokët e burgut, ata që kanë shpëtuar nga masakra në Dubravë, disa ditë më vonë kanë treguar se Ukshini ishte liruar nga burgu më 16 maj, ditë e diel, në të cilën nuk praktikohej lirimi i të burgosurve.

Prej asaj kohe e deri tani, atdhetari i përkushtuar Ukshin Hoti edhe sot e kësaj dite konsiderohet i zhdukur.

Marketing

Mitalip Çoçaj, gazetari që dokumentoi historinë shqiptare

admin
-
0
Mitalip Çoçaj, gazetari që dokumentoi historinë shqiptare

Mitalip Çoçaj (1936-1997) u lind në Gjonaj të Hasit. Mësimet e para i mori në vendlindje. Pas mbarimit të normales, në moshën 16-vjeçare, punoi si mësues i Artit figurativ dhe Edukatës fizike në shkollën fillore në Suharekë, si dhe ishte korrespodent i disa gazetave nga rajoni i Prizrenit.

Diplomoi në Fakultetin Juridik të Universitetit të Prishtinës.

Në vitin 1961, ishte korrespodent i Televizionit të Beogradit nga Prizreni dhe Prishtina. Në vitin 1964, vijoi studimet në Institutin e Gazetarisë në Beograd.

Mitalipi ishte xhiruesi i parë shqiptar nga Kosova që realizoi kronika dhe dokumentarë nga Kosova.

Në vitet 1976–1980, ishte drejtor i Qendrës Kulturore-Informative të RSFJ-së në Këln dhe Shtutgart të Gjermanisë.

Në vitin 1990, për gjashtë muaj, ishte drejtor i Televizionit të Prishtinës (TVP).

Mitalipi vdiq dhe u varros në Prishtinë.

.

Mushtisht: Arrestohet i dyshuari për dëmtim dhe vjedhje të kamerave të sigurisë

admin
-
0
Mushtisht: Arrestohet i dyshuari për dëmtim dhe vjedhje të kamerave të sigurisë

Në fshatin Mushtisht të Suharekës, është raportuar një rast i dëmtimit dhe vjedhjes së pajisjeve të sigurisë.

Sipas Policisë së Kosovës, një person i dyshuar, mashkull dhe shtetas kosovar, ka dëmtuar dhe ka marrë disa kamera sigurie. Pas reagimit të shpejtë të policisë, i dyshuari është arrestuar dhe, me vendim të prokurorit, është dërguar në mbajtje.

Pizzeria “FAMIGLIA 1” në Prizren shpall konkurs për picamenë dhe kamarierë/e

Osmani për liderët e partive: Kishin qëndrime të ndryshme, por pati një disponim minimal

admin
-
0
Osmani për liderët e partive: Kishin qëndrime të ndryshme, por pati një disponim minimal

Presidentja e vendit, Vjosa Osmani, i ka përgëzuar liderët politikë që ishin pjesë e takimit të thirrur nga e para e shtetit për siç tha, qasjen konstruktive që kishin.

Osmani tha se ndonëse kishin qëndrime të ndryshme në shumicën dërmuese të temave, ekziston një disponim minimal për të dalë nga kriza.

Pizzeria “FAMIGLIA 1” në Prizren shpall konkurs për picamenë dhe kamarierë/e

“Dua t’i përgëzojë liderët për qasjen konstruktive përgjatë këtij takimi, sado që kishin qëndrime të ndryshme në shumicën dërmuese të temave. Pra, në qoftë se mund ta them, ekziston një disponim minimal që jam e bindur se do të rritet me kalimin e kohës”, tha Osmani, njofton Klankosova.tv.

Më tej, Osmani tha se ky ishte vetëm takimi i parë dhe nëse shihet e nevojshme do t’i ftojë në takim liderët e partive individualisht, për të vazhduar më tej me formate të tjera.

“Çfarë kam përmendur gjatë takimit është që disa prej pasojave me të cilat po ballafaqohet vendi me moskonstituimin është zvarritja e panevojshme e procesit të disbursimit të mjeteve financiare nga Plani i Rritjes së BE-së, diku afro 900 milionë euro do të ishte përfitimi i Kosovës, nëse Kuvendi do ta ratifikonte marrëveshjen mes Kosovës dhe BE-së. Disbursimi i parë është në vlerë 61.2 milionë, kurse përfitimi total shkon afro 900 milionë”, tha ajo.

Marketing

 

Studentët e Universitetit ‘Ukshin Hoti’ vizitojnë Gjykatën e Prizrenit, njihen me punën e përditshme

admin
-
0
Studentët e Universitetit ‘Ukshin Hoti’ vizitojnë Gjykatën e Prizrenit, njihen me punën e përditshme

Kryetarja e Gjykatës Themelore në Prizren, Shpresa Emra, dhe gjyqtari Sami Gashi pritën sot në vizitë studentët e Fakultetit Juridik nga Universiteti “Ukshin Hoti”. Ata i informuan studentët mbi organizimin, shërbimet, qëllimin dhe misionin e Gjykatës, raporton PrizrenPress.

Pizzeria “FAMIGLIA 1” në Prizren shpall konkurs për picamenë dhe kamarierë/e

Studentët, të udhëhequr nga Prodekani Prof. Asoc. Dr. Halim Bajraktari dhe asistent Milot Krasniqi, vizituan ambientet e Gjykatës dhe u njohën nga afër me punën e përditshme të institucionit.

Gjykata e Prizrenit bëri të ditur se mbetet e hapur për vizita të ngjashme, me qëllim informimin dhe edukimin e studentëve si dhe nxënësve të shkollave fillore e të mesme që tregojnë interes për funksionimin e sistemit gjyqësor./PrizrenPress.com

Drini i Bardhë ngjitet në Ligën e Dytë, kryetari i Prizrenit uron kampionët

admin
-
0
Drini i Bardhë ngjitet në Ligën e Dytë, kryetari i Prizrenit uron kampionët

Kryetari i Komunës së Prizrenit, Shaqir Totaj, priti sot përfaqësuesit e klubit futbollistik “Drini i Bardhë” nga Hasi, i cili në sezonin 2024/2025 u shpall kampion i Ligës së Tretë dhe siguroi ngjitjen në Ligën e Dytë për sezonin 2025/2026, raporton PrizrenPress.

“Me këtë rast urova përzemërsisht drejtuesit dhe lojtarët e klubit, meqë kjo arritje është fryt i përkushtimit, punës së palodhshme dhe dashurisë për sportin. Mbesim të përkushtuar që mbështetja institucionale për klubin dhe sportin në përgjithësi të mos mungojë as në të ardhmen,” u shpreh Totaj.

Kjo ngjitje shënon një arritje historike për “Drinin e Bardhë”, duke qenë hera e parë që klubi siguron ngjitjen në Ligën e Dytë, një sukses i madh për sportin dhe komunitetin e Hasit. Ky rezultat reflekton pasionin, disiplinën dhe përkushtimin e të gjithë atyre që kontribuan për këtë fitore.

BIK-u njofton për përgatitjet për Haxh, kur do të jenë nisjet e para?

admin
-
0
BIK-u njofton për përgatitjet për Haxh, kur do të jenë nisjet e para?

Bashkësia Islame e Kosovës ka mbajtur sot një mbledhje.

Aty është diskutuar për raportin e aktiviteteve të realizuara gjatë muajit Ramazan 2025 në Kosovë dhe në mërgatë, si dhe për parapërgatitjet e Haxhit 2025.

Në njoftimin e BIK thuhet se besimtarët e parë nga Kosova drejt vendeve të shenjta do të udhëtojnë më 24 maj.

“Kujtojmë se Bashkësia Islame e Kosovës ka kryer të gjitha përgatitjet e duhura për Haxhin 2025 dhe për nisjen e haxhilerëve drejt vendeve të shenjta. Me lejen e Zotit, besimtarët e parë nga Kosova drejt vendeve të shenjta do të udhëtojnë më 24 maj 2025”, thuhet në njoftim.

1...112113114...8 804Page 113 of 8 804

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne