Një prej xhaketave origjinale të Michael Jacksonit që i ka veshur në videoklipin e këngës “Thriller” ka dalë në ankand online.

Xhaketa kuq e zi kishte qenë në pronësi të menaxherit të Jacksonit, Frank DiLeo, nga viti 1983 deri më 1989.

Ajo më pas i ishte shitur Sothebyt më 1993, dhe tani është e shitshme deri më 12 prill.

Më së liri këtë xhaketë mund ta blini për 100 mijë dollarë, dhe çmimi supozohet se mund të shkojë nga 300 mijë deri në 500 mijë dollarë.

Legjenda e folk-rokut, Bruce Springsteen, iu është bashkuar dy yjeve të reja të muzikës, Zach Bryan dhe Maggie Rogers.

Bosi gjeti kohë për t’u shkëputur për pak nga turneu i tij në Bregun Perëndimor të Shteteve të Bashkuara të Amerikës, dhe fluturoi për në New York për t’u paraqitur bashkë me dyshen.

Të dy performuan versionin e këngës edhe të papublikuar të Springsteenit, “Sandpaper”, si dhe këngën e vitit 2019, “Revival”.

Atyre më as në krah u erdhi edhe këngëtarja Maggie Rogers.

Në amfiteatrin e Teatrit Kombëtar të Kosovës në Pallatin e Rinisë në Ditën Botërore të Teatrit u mbajt ceremonia e ndarjes së çmimeve vjetore për teatër 2023.

Ministri i Kulturës, Hajrulla Çeku, bazuar në vlerësimin e jurisë profesionale, çmimin për shfaqjen më të mirë ia ndau regjisorit francez Igor Mendijsky për shfaqjen “1984”, Teatri Kombëtar i Kosovës.

Çmimi për vepër jetësore post-mortem iu nda artistit të madh, Muharrem Qena.

Çmimin për regjinë më të mirë e mori regjisori Fadil Hysaj për shfaqjen “Fausti”, Teatri Kombëtar i Kosovës, Teatri Bekim Fehmiu Prizren, Teatri i Qytetit Gjilan.

Çmimin për aktorin/aktoren më të mirë e mori Adrian Morina për dy role në shfaqjet “1984” dhe “Fausti”.

Çmimi për prezantim të suksesshëm ndërkombëtar iu nda “Qendrës Multimedia”.

Pjesë e jurisë profesionale në këtë edicion ishin: Kushtrim Koliqi, Ag Apolloni, Ilir Bokshi, Doruntina Basha dhe Ernest Malazogu.

Çeku në fjalën e tij ka uruar laureatët e çmimeve, duke theksuar se MKRS-ja dhe Qeveria u është falënderues të gjithë atyre që përbëjnë komunitetin teatror.

“Nga ata të cilët na bie t’i shohim më shpesh, aktorët/et në skenë, skenaristët, regjisorët, dramaturgët dhe ekipet e tjetra profesionale e deri te pjesa që i shohim më pak, por që janë shumë të rëndësishëm. Pra, ata që qëndrojnë prapa skenave të cilët e bëjnë të mundur magjinë e teatrit”, ka thënë ministri Çeku.