Njësia për Kontroll të Autostradave në kuadër të planit operativ “Parandalimi i garave ilegale të shpejtësisë”, sot në autostradën ”Dr. Ibrahim Rugova“ në Trudë ka ndaluar dy persona të dyshuar duke bërë gara ilegale të shpejtësisë.
Policia njofton se ndaj tyre janë shqiptuar gjoba sipas ligjit të trafikut dhe janë larguar nga trafiku për procedura tjera ligjore.
Ditë më parë qytetarët e Komunës së Suharekës kishin dërguar në “Ndreqe.com” gjashtë ankesa për deponi ilegale të mbeturinave.
Sipas një postimi në rrjetin social në Facebook të faqes “Ndreqe.com”, Komuna e Suharekës ka intervenuar duke i larguar mbeturinat nga ato zona.
“Gjashtë ankesa për deponi ilegale të mbeturinave të raportuara nga qytetarët janë rregulluar nga @Komuna Suharekës”, thuhet në postim.
Ndërkaq, për çdo parregullsi apo problem në komunën tuaj raportoni në platformën “Ndreqe.com”, në mënyrë që zgjidhja të jetë më e shpejtë.
Marketing
Ndërmarrja “3D-Fesali” në Prizren, partneri më i besueshëm për çdo projekt ndërtimi
I mbijetuari i masakrës në Krushë të Madhe, Selami Elshani ka rrëfyer në detaje atë se çfarë ndodhi para 25 vitesh në masakrën që është bërë nga forcat serbe.
Elshani në një rrëfim për Radio Dukagjinin ka treguar se është nga fshati Retijë, por në Krushë ishte mysafir te dajallarët.
Ai tregon në detaje nga momenti kur i kanë grumbulluar mbi 500 persona, endjet që ja u kanë bërë, maltretimet e si kishte shpëtuar.
“Krejt planifikimet i kishin bo Policia e Serbisë se çka me bo me neve…”, thotë ai, gjersa tregon që meshkujt i kishin ulur në gjunjë, duke i ndarë në rende.
“Vetëm një korridor e kishin lanë në mes… me qëllim që fëmija me t’i shkel këmbët e mos me guxu me këqyr” tha ai.
“Kur mi ka shkel djali jem i vogël, atëherë i kishte 3 vjet e gjysmë, djali mi ka shkel dy këmbët… nuk kom guxu me këqyr veç lotët më kanë shtu teposhtë…”, tha ai.
Ndërmarrja “3D-Fesali” në Prizren, partneri më i besueshëm për çdo projekt ndërtimi
Elshani po ashtu tregon momentin kur policia ka gjuajt me armë pa ndërprerë, derisa i kanë gjuajt për toke të gjithë…
“Mua më bijnë kufomat mbi…isha me fytyrë për dheu…”, tregon ai.
I mbijetuari i masakrës së Krushës po ashtu thotë se komanduesi i policëve iu kishte dhënë urdhër policëve të shkojnë të marrin benzinë, e disa të tjerëve të qitnin tallë.
“Kur më bijnë kufomat mbi, e qesin tallë, e bijnë edhe benzinën e kur e derdhin e ndijë se e rëndë… kur qitën tallë nuk mujsha me dallu çka po flitet ma… e kishin kall tallën, por nuk dija çka po ndodhë…. e pastaj fillojë temperatura me të madhe….”.
Ai i kishte dëgjuar policët teksa bisedonin për t’u siguruar se ishin pushkatuar të gjithë.
“Kur na kanë gjuajt për së rati atëherë më ra një plumb në shpatull…por vetëm ma shkyu lëkurën…Kur menduan se nuk ka të gjallë, nisin për me kallë… e niva tallën që po kërcet prej zjarrit… Po të kish mbërri benzina deri në trup s’kisha mujt me dal unë…”, tha ai.
Elshani më tej tregon momentet se si ka arritur të dalë nga zjarri, gjersa thekson se diku 50, 60 cm kishte prush mbi trupa.
Ai po ashtu rrëfen se si i kishte humbur vetëdija, kur ishte këndellur e si kishte arritur të shpëtonte. I mbijetuari i masakrës së Krushës tregon se pas shumë peripecive kishte arritur në Spitalin e Tiranës.
Elshani po ashtu tregon se si dhe nga kush ishte dërguar për shërim në Zvicër, e ku i kishte pasur 10 operacione.
Ai po ashtu rrëfen jetën që bën aktualisht.
“Jam shëndosh shyqyr Zotit, ka telashe por kaluese…. nuk ndalem tu punu….”, përfundon rrëfimin.
Ndryshe, 25 vjet më parë, konkretisht nga 25 deri më 27 mars 1999, në Krushë të Madhe nga forcat serbe janë masakruar 243 persona, ndërsa 893 shtëpi private dhe shoqërore u dogjën.
Masakra në Krushë të Madhe është ndër më të mëdhatë në Kosovë gjatë luftës së viteve 1998-1999.
Ende vazhdojnë të jenë të pagjetur edhe shumë persona nga Krusha e Madhe.
Masakra në Krushë të Madhe ishte pjesë e aktakuzës për krime lufte kundër kasapit të Ballkanit Sllobodan Millosheviq dhe disa udhëheqëseve të tjerë politikë e ushtarakë serbë. /Telegrafi/
Jashari bëri të ditur se ky vendim erdhi nga takimet me përfaqësues të sindikatës në nivele komunale dhe ato të universiteteve.
“Për ta mbajtur anëtarësinë e informuar ne mbajmë takime të rregullta me kryetarët e niveleve komunal dhe universiteteve të cilët janë përfaqësues tonë që nga çerdhet deri në universitet dhe debatojmë për çështjet të cilat janë kërkesa e shqetësime të anëtarësisë. Në mbledhjen e fundit që e mbajtëm online e konsideruar mbledhje pak më e jashtëzakonshme kryetarët raportuan se janë shtuar pakënaqësitë në anëtarësi”.
Ndërmarrja “3D-Fesali” në Prizren, partneri më i besueshëm për çdo projekt ndërtimi
Ai renditi disa arsye të pakënaqësive të cilat mund të dërgojnë nga protesta deri në grevë.
“E këto pakënaqësi lidhen kogja shumë me ligjin për pagat, sepse kishim një pjesë kogja mirë të punëtorëve të arsimit që ishin të pakënaqur me vet ligjin dhe ato që u solli ligji e pakënaqësia u shtua shumë me vendimin e pa konsultuar të qeverisë Kurti, ngritjen ironike të koefcinetit nga 105 në 110 euro lëvizje kjo që i shtoi pakënaqësitë te anëtarësia ngase kemi lëvizje ironike për vetëm 28 euro ne kishim kërkuar me shkresa së paku 130 euro, jo për tu bërë të pasur punëtorët e arsimit por të përballen më lehtë me kërkesat e kohës dhe çmimet që vazhdimisht po ngriten por qeveria vendosi ashtu siç tek dhe pakënaqësitë janë shtuar shumë e këto pakënaqësi janë prezente për shkak se u bënë kogja do vite në Kosovën e çliruar dhe punëtorët e arsimit s’kanë ligj për sigurime shëndetësore. Përkundër premtimeve reagime ka edhe takimet që i bëjmë për shkak të kushteve të punës nëpër shkolla të cilat nuk janë të shekullit 21 sepse qeveria po i sfidon punëtorët e arsimit të punojnë me shkumësa e shpuza karshi kërkesave shumë të mëdha të Kosovës dhe kjo beteja e mësimdhënësve edhe pse ata angazhohen vazhdimisht nuk po i jep rezultatet e pritura dhe një pjesë e opinioneve në vend që të kritikojnë qeverinë pse nuk po furnizon shkollat me mjete të duhura, pse bëri lojëra me tekste shkollore në këtë vit shkollor duke thënë se duhet ti bleni në librari dhe e keqja më e madhe pse e ka krijuar këtë tensionim jo vetëm në qeveri është mungesa totale dhe gatishmërisë të qeverisë Kurti për dialog”.
Jashari tha se të njëjtën rrugë, sipas tij po e ndjek edhe minstrja e arsimit, Arbërie Nagavci
“Në këtë rast një shkollë të tillë të Kurtit po e vazhdon që nga greva e shtatorit zonja Nagavci e cila përkundër kërkesave tona nuk gjen kohë për tu takuar duke u arsyetuar se gjoja qenka shumë e angazhuar ose në Kosovë ose jashtë por ajo po harron se në mungesë të dialogut situatat sa vijnë e shtohen.”
E në mungesë të dialogut, sindikatë -qeveri, Jashari bëri të ditur se më 1 Maj do të ketë protestë me numër të kufizuar.
“Dhe kemi ardhur në këtë moment kur në mbledhjen e fundit me kryetarët e niveleve komunale dhe univesiteteve u shtuan zërat që në mungesë të dialogut që është faji vetëm i qeverisë dhe i askujt tjetër duhet me hi në diçka tjetër dhe kur nuk ka dialog dihet ka veprime sindikale dhe unë jam i sigurt se kryetarët marrin detyra që të punojnë me anëtarësinë që e bisedojnë dhe jam i sigurtë se me 1 maj do të kemi një protestë në numër të kufizuar fillimisht do shkojmë me kryetarët e shoqatave të sindikatave, qerdheve, universiteteve me kryetarët e nivelit komunal dhe me stafin qendror këtu si alarm se po fillohet me veprimet sindikale”.
Jasharaj ka shtuar se frikësohet se qeveria do të barikadohet si gjithmonë, do të hesht, nuk do të ulet as me 1 maj me përfaqësuesit e sindikatave.
“Kam frikën se qeveria do të barikadohet si gjithmonë, do të hesht, nuk do të ulet as me 1 maj me përfaqësuesit e sindikatave dhe pastaj mund të shtohet pakënaqësia dhe anëtarësia mund të kërkoj që të vazhdohet me veprime sindikale dhe mund të vie e përsëritet fatkeqësisht vitit 2022 kur më në fund në mungesë totale dialogut për shkak të një qasje tejet të gabuar erdhi deri të ajo greva që filloi me pjesën e fundit të gushtit e vazhdoi tërë shtatorin duke krijuar një bllokadë totale të sistemit arsimor, me qerdhe të mbyllura, me shkolla të mbyllura dhe ne bëmë çmos ta lusim anëtarësinë duke parë se zoti Kurtit po i pëlqejnë grevat dhe o dëshirojnë të vazhdojnë ne e lutëm anëtarësinë ta mbyllin grevën dhe këtë e bëmë për hir të prindërve që ishin ën siklet ku ti lën fëmijëvet në mungesë të qerdheve dhe për hir të nxënësve të cilët po humbnin një muaj të tërë”
Se sa do jetë afati i qeverisë, Jashari deklaroi se kjo gjë nuk dihet ende, teksa tha se protestës së Një Majit do i bashkohen edhe sindikata tjera, raporton EkonomiaOnline.
“Unë nuk e di nuk vendos vetëm uroj që protesta e 1 Majit të shkoj mbarë, pa probleme uroj që ti bashkohen edhe sindikata tjera SBASHKUT, për shkak se ne komunikojmë vazhdimisht me ta e edhe mediat e dinë se janë pakënaqësi kogja të mëdha edhe tek policia jonë e nderuar dhe kolegu im kryetari kishte ngritur vazhdimisht zërin…. dhe unë mendoj se ata në masën tonë e kanë të pamundur por edhe ata do jenë në mënyrë simbolike sepse janë në masë të vogël por do jenë në protestën e 1 Majit në mënyrë që ta alarmojmë dhe ti tregojmë qeverisë se pakënaqistë janë të mëdha dhe ne tash po kërkojmë veprime sindikale, çfarë do ndodh pas një majit nuk varen nga unë varet nga zëri i anëtarësisë dhe unë jam betuar se çdo kërkesë të shumicës së anëtarësisë do jem në ballë të atij aktiviteti qoftë në protestë qoftë ne grevë”./EkonomiaOnline
Ish-zëvendësministri i Punëve të Brendshme, Valdet Hoxha, ka folur mbi ngjarjet e fundit në vend, ku është rritur numri i vrasjeve.
Ai tha se pjesën për parandalimin e rasteve nuk mund të kërkohet nga policia por edhe nga Agjencia e Kosovës për Inteligjencë, për të cilën tha se duhet që t’i ndajë të dhënat me mekanizmat konkretë.
“Pjesën për preventivën nuk mund ta kërkojmë vetëm nga policia por edhe nga AKI-ja që duhet t’i ndajë të dhënat me mekanizmat konkretë dhe qoftë t’i përcjellin recidivistët e pastaj të përcillen edhe te mekanizmat tjerë ligjzbatues, por edhe te gjykatat që të krijohet një praktikë unike e politikës ndëshkimore, sidomos ashpërsimit të dënimit për recidivistët e veprave penale, me theks tek vrasjet”, tha Hoxha në “Edicioni Special” në Klan Kosova.
Ndërmarrja “3D-Fesali” në Prizren, partneri më i besueshëm për çdo projekt ndërtimi
Tutje, Hoxha tha se shteti duhet që të ndërmerr një plan veprimi konkret e që sipas tij duhet të jetë i ndarë në faza, pasi tha se çështja e vrasjeve në Kosovë është shndërruar në problem kombëtar.
“Shteti dhe ligji nuk duhet të kenë trajtime ndaras, në bazë të familjes, gjinisë e as racave. Kjo është e pafalshme. Të gjithë mekanizmat e sigurisë e kanë për bazë ligjin. Në raste të tilla është Kodi Penal dhe Kodi i Procedurës Penale dhe aty asnjë shkronjë e Kodit Penal nuk bën kategorizimin e rangut qytetar, afërsisë me pushtetin apo tjetër”, tha ai.
Bedrijes i duhet të bëjë transplant të veshkës. Operimi duhet të bëhet në Turqi.
Operimi ka kosto prej 20 mijë eurove, shumë të cilën nuk mund ta përballojnë familjarët. Andaj familja kërkon ndihmën tuaj.
Emri i Bankes BPB.
Gjithashtu mund të ndihmoni edhe përmes ??
Western Union – Money Gram – Ria
Në emër të Besmir Dullaj (Djali i Bedrijes)
Numri kontaktues: 043 792 022
Shpesherë driblon bukur sikur Leo dhe dhuron magji me të majtën.
Ylli Myrtezanin dhe kampionin e botës e lidh një fakt interesant: Për të dy kishte shprehur interesim Manchester City.
Myrtezani kishte qenë në prova në City, ku thotë se gjithçka shkoi mirë, por refuzimi i vizës i solli shumë probleme.
“Qysh i vogël isha një nga talentët më të mëdhenjë këtu në Kosovë dhe më erdhi shansa për me shku në prova në Manchester City. Në atë kohë nuk ishim të pranum as në UEFA as në FIFA, kishim probleme me viza si gjithmonë dhe u bë e pamundur me shku në City. Kam qenë në prova dy javore, shkoi gjithçka në rregull. Por, pasi jam rikthy këtu nuk ka pasur lajmërime më. Kur e kemi shti vizën na kanë refuzu, gjithmonë pak a shumë me probleme”.
Përkundër kësaj, Yllit nuk ju ndal shkëlqimi.
Ai po thyen rekorde me asistime në Ligën e dytë, pasi numëron 21 sosh në 20 xhiro me Prizrenin, teksa ka edhe 13 gola.
Idollin dhe synimet i ka të njëjta.
“Idolli ka qenë gjithmonë Leo Messi, më ka pëlqy gjithmonë si lojtar. Klubi im i preferuar ka qenë gjithmonë Barcelona. Dhe në të ardhmen shpresoj ndoshta të behëm pjesë e Barcelonës. Kurrë nuk i dihet”.
22 vjeçari është ekspert i gjuajtjeve të lira. Ai e tregoi sekretin e ekzekutimit të tyre.
“Duke e shikur Messin tërë kohën, edhe gjuajtjet e lira jam mundu me i gjujt si ai”.
Në drejtim të tij nuk kanë munguar ofertat.
Por, për momentin e ka vetëm një qëllim: Ta inkuadrojë Prizrenin në Ligën e Parë.
“Kam oferta në Ligën e Parë, por synimi im është që ta fus FC Prizrenin në Ligën e Parë dhe pastaj shohim”.
Deri në një realitet tjetër, Ylli Myrtezani do vazhdojë t’i ndjekë ëndrrat e tij.
Ai është 10-shi i skuadrës.
Doktori Sebajdin Gjini, i cili para do ditësh u shkarkua nga shefi i Repartit të Obstetrikës ka reaguar, duke e konsideruar vendimin e spitalit në Prizren si të kundërligjshëm dhe pa bazë ligjore. Ai madje ka thënë se vendimi për shkarkimin e tij është i motivuar nga ‘lartë’ dhe kryekëput është fushatë qëllimkeqe mediale.
Doktor Gjini e ka konfirmuar për Gazetën Sinjali se vendimi për shkarkimin e tij është marrë pa konsultim paraprak dhe se fillimisht i është kumtuar vendimi gojarisht, e tek pastaj edhe të nesërmen ai e ka pranuar vendimi zyrtar.
Ai ka treguar për Sinjalin se vendimi është skandaloz ngase nuk përmban arsyetim të elaboruar se përse është liruar nga detyra, për të ditur se në çfarë bazash, apo rrethanash bazohet ky vendim.
Sipas tij, ky vendim, veç tjerash është në kundërligjshmërinë e e tij, ngase nuk ma jep të drejtën e mjetit juridik të ankesës për lirimin tim nga posti.
“Pra si mund të merret një vendim i tillë, duke tejkaluar kompetencat dhe autorizimet zyrtare të personave përgjegjës, vetëm që lirimi nga posti të bëhet në një afat rekord”, ka theksuar ai në reagim, duke e konsideruar këtë proces si një fushatë mediale që i është bërë atij.
Ai ka treguar se tash ka marrë hapat e tij ligjor dhe se bashkë me avokatët e tij rasti është paraqitur në Prokurorinë Themelore në Prizren.
Derisa ka mohuar se ka pasur përplasje me drejtoreshën e spitalit Narqize Arenliu-Hoxha, e që sipas tij nuk pasur fare kontakte me të, ngase vendimin e ka pranuar nga drejtori i Klinikës.
Sinjali ka tentuar të kontaktojë edhe me drejtoreshën e spitalit por kjo e fundit nuk është përgjigjur.
Doktori ka theksuar se në spitalin e Prizrenit, punon prej 37 vitesh duke qenë përherë në shërbim të pacientëve, dhe se ky rast sipas tij kryekëput është një fushatë mediale e orkestruar nga njerëz që kanë qëllime të këqija e që për të cilat ka thënë se do të flas para organeve ligj zbatuese.
Marketing
Kosova ka marrë dritën jeshile në kërkesën për anëtarësim në Këshillin e Evropës.
Kështu ka bërë të ditur faqja zyrtare e Komisionit për Çështje Politike dhe Demokraci i Këshillit të Evropës (KiE).
Ky raport ka kaluar në Komisionin për Politikë dhe Demokraci në Asamblenë Parlamentare të Këshillit të Evropës me 31 vota për, 4 kundër e 1 abstenim.
Raporti i ish-ministres së Punëve të Jashtme të Greqisë, aktualisht raportuese për Komisionin e Çështjeve Politike të Asamblesë Parlamentare të Këshillit të Evropës thotë që Asambleja i rekomandon Komitetit të Ministrave që ta ftojnë Kosovën që të bëhet anëtare e Këshillit të Evropës.
Zëvendësministri i Punëve të Jashtme dhe Diasporës, Kreshnik Ahmeti në një postim në Facebook ka bërë të ditur se Kosova e ka kaluar suksesshëm votimin në Komitetin e Asamblesë Parlamentare të KiE.
Edhe deputeti i LDK-së, Arben Gashi që ishte komision, shkruan se “ Fitore… Hapi i parë u kry, edhe dy hapa janë dhe kryhet përfundimisht. 31 për, 4 kundër, 1 abstenim”, shkruan Gashi.
Nis shqyrtimi i raportit të Kosovës për anëtarësim në Këshill të Evropës
Ka nisur shqyrtimi i raportit për kërkesën e Kosovës për anëtarësim në Këshillin e Evropës, ka njoftuar faqja zyrtare e Komisionit për Çështje Politike dhe Demokraci i Këshillit të Evropës (KiE).
Rezultati i shqyrtimit do të bëhet i ditur në uebfaqe më vonë, ka bërë të ditur ky Komision.
E shefi i grupit parlamentar të AAK-së, Besnik Tahiri përmes një video të publikuar ka bërë të ditur se ndodhet para ndërtesës së Këshillit të Evropës në Strasburg ku pritet të votohet raporti për Kosovën.
“Janë duke ardhur deputetët, pritet që të ketë kuorum, njëkohësisht të votohet raporti dhe të procedohet në takimin e prillit”, ka thënë Tahiri.
Ai ka shtuar se Kosova është në rrugë të mirë por që duhet bërë ende punë.
“Jemi në një rrugë të mirë, por duhet ende punë”, ka thënë Tahiri në videon e publikuar në Facebook, nga Strasburg.
Elsa Lila ka rrëfyer në ‘Ferma Vip’ ditët e qëndrimit të saj në burg.
Ajo u arrestua në Itali si pjesë e një grupi kriminal të trafikut të drogës, dhe ka treguar se detyra që bënte ishte të tregonte historinë Italisë për gratë e burgosura, ku sipas saj ishin shumica analfabete, ndërsa tha se u lexonte dhe libra.
Më tej Lila tregoi se u përllogariste dhe sa kohë qëndrimi kishin ato në burg, teksa theksoi se për veten e saj ishte e qetë sepse do dinte që do dilte shpejt nga qelia.
“Një nga detyrat që kam bërë unë aty, niveli i analfabetizmit ishte shumë i lartë dhe unë ju tregoja histori nga Roma e lashtë, merrja libra ua lexoja. Edhe, vinin dhe një nga gjërat që më kërkonin ishin të llogarisja kur do të dilnin. Unë improvizoja se nuk e dija. Ata e humbnin komplet, 4 vjet aty e humbnin. Vinin thoshin ‘nuk e di kur do dal’. Unë me logjikë i thash shiko, më jep dokumentacionin që ke, por ishte shumë e vështirë t’ua llogarisje. Unë bëja plus minuse. Më ka bërë shumë përshtypje njëra, se kur unë ia bëra llogarinë ishte shtator 2022 dhe asaj i binte të dilte në shtator 2024, gëzoi. Dola tha, ishte shumë e lumtur. Unë u tmerrova brenda meje. Unë për vete e dija se do dilja dhe isha e qetë” është shprehur Elsa.
.