Home Blog Page 1183

Triumfon Trepça, në finale do të përballet me Yllin

admin
-
0
Triumfon Trepça, në finale do të përballet me Yllin

Trepça ka triumfuar në derbin e rivalëve të vjetër të basketbollit të Kosovës, duke mundur Sigal Prishtinën 83:80 (24:28, 27:18, 19:22, 13:12) dhe u kualifikua në finalen e Final 8 Liga Unike Lajthizës.

Bardhekaltrit e nisën më mirë ndeshjen, duke pasur epërsi prej nëntë pikësh, 11:20, megjithatë çereku i parë përfundoi 24:28. Por, fituesit e Kupës dhe Superkupës së Kosovës nuk u dorëzuan dhe në periudhën e dytë dhe përmbysën shifrat, për të shkuar në pushim me rezultat 51:46.

Edhe ‘Xehetarët’ kishin deri nëntë pikë epërsi 55:46, por drama vazhdoi deri në fund, ku tre minuta nga fundi, prishtinasit po fiton 77:80, por në momentet vendimtare mitrovicasit ishin më të vëmendshëm dhe triumfuan 83:80, derisa treshja nga Mikaile Tmusiq ishte jetike për të depërtuar në finale.

Te mitrovicasit u dalluan Devonte Upson me 16 pikë e 11 kërcime, Mikaile Tmusiq me 14 pikë e pesë kërcime dhe Darnell Edge me 19 pikë e tetë asistime, kurse te prishtinasit u dalluan Donte Clark me 24 pikë e gjashtë kërcime, Malcolm Armstead me 21 pikë e pesë asistime dhe Diamond Stone me 20 pikë e shtatë kërcime.

Finalja e Liga Unike Lajthizës zhvillohet të dielën nga ora 19:00 mes Golden Eagle Yllit dhe Treçës, kurse sfida për vendin e tretë është ndërmjet Pejës dhe Sigal Prishtinës nga ora 16:00.

Ndeshjet zhvillohen në Vlorë, ku po zhvillohet Final 8.

Shkëlqen Ylli, kalon në finale

admin
-
0
Shkëlqen Ylli, kalon në finale

Golden Eagle Ylli është skuadra e parë finaliste e Final 8 Liga Unike Lajthizës. Therandasit në gjysmëfinale kanë mundur Pejën me rezultat 91:62 (18:15, 20:20, 29:18, 24:9).

Therandasit e nisën sfidën më mirë, duke pasur epërsi deri në shtatë pikë, 17:10, por çereku i parë përfundoi 18:15. Periudha e dytë ishte tërësisht e barabartë, 20:20, duke bërë që skuadrat të shkojnë në pushim me rezultat 38:35.

Pejanët barazuan shifrat në periodën e tretë 51:51, por pas pesë minutave filloi shkëlqimi i Yllit dhe rënia e Pejës, ku me një seri të jashtëzakonshme u shkëputën në 67:53, sa ishte rezultati pas 30 minutash, kurse Ylli vazhdoi me lojë të mirë në dhjetë minutat e fundit, duke ngritur epërsinë në 87:54, duke fituar në fund 91:62.

Alonzo Verge Jr ishte më i miri te Ylli me 34 pikë, katër kërcime e tetë asistime, derisa te Peja më i miri ishte Justin Davis me 19 pikë e 11 kërcime.

Golden Eagle Ylli në finalen e së dielës e pret fituesin e ndeshjes Trepça – Sigal Prishtina, që zhvillohet nga ora 19:00, derisa Peja do të luajë me humbësin e kësaj sfide për vendin e tretë.

Haradinaj, kandidat për kryeministër i koalicionit AAK-Nisma

admin
-
0
Haradinaj, kandidat për kryeministër i koalicionit AAK-Nisma

Kryetari i AAK-së, Ramush Haradinaj, do të synojë që për së treti herë të bëhet Kryeministër i Kosovës.

Është koalicioni AAK-Nisma që me Haradinajn planifikon që t’i fitojë zgjedhjet e ardhshme parlamentare.

Kjo është konfirmuar për Klan Kosova nga zëdhënësi i AAK-së, Kushtrim Xhemaili.

“Në frontin e përbashkët që kemi krijuar bashkë me Nismën dhe partnerët e tjerë, Listën Konservatore dhe Forumin Intelektual E-30, jemi dakorduar që listës zgjedhore t’i prijë Ramush Haradinaj dhe njëherësh të jetë kandidat për kryeministër”, ka thënë ai.

Pos Haradinajt, deri më tani kandidat i konfirmuar për kryeministër është Bedri Hamza nga PDK, kandidatura e të cilit u konfirmua të mërkurën.

Prizren: Gjendet një person pa shenja jete, policia nis hetimet

admin
-
0
Prizren: Gjendet një person pa shenja jete, policia nis hetimet

Një ngjarje e rëndë ka ndodhur sot në mesditë në Prizren, ku një person është gjetur pa shenja jete në rrugën ‘Ismet Jashari’, raporton Gazeta Sinjali.

Burimet e Gazetës Sinjali bëjnë me dije se një person ka vërejtur trupin e të ndjerit i cili ishte i shtrirë në rrugë, i cili ka njoftuar më pas ekipin mjekësor të urgjencës dhe policinë.

Sinjali mëson se njësitë relevante kanë dalë në vendin e ngjarjes, ku janë kryer ekzaminimet e nevojshme që ndihmojnë në zbardhjen e rrethanave të rastit.

Me urdhër të prokurorit, trupi i pa jetë dërgohet me Institutin e Mjekësisë Ligjore në Prishtinë.

Kurti në UPZ: Krenarë që çdo vit kemi më shumë studentë nga komunitete të ndryshme në universitetet publike

admin
-
0
Kurti në UPZ: Krenarë që çdo vit kemi më shumë studentë nga komunitete të ndryshme në universitetet publike

 

Në vazhdën e aktiviteteve të zhvilluara gjatë ditës së sotme, kryeministri i Republikës së Kosovës, Albin Kurti, qëndroi për vizitë në qytetin e Prizrenit, ku mori pjesë në tryezën e rrumbullakët me studentët nga komuniteti romë, ashkali dhe egjiptianë, takim ky i cili u zhvillua në hapësirat e Universitetit të Prizrenit “Ukshin Hoti”.

Ndërmarrja “3D-Fesali” në Prizren, partneri më i besueshëm për çdo projekt ndërtimi

Nga zyra e kryeministrit njoftojnë se i pari i qeverisë fillimisht zhvilloi një takim me Rektorin e Universitetit “Ukshin Hoti”, Mentor Alishani, ku edhe u njoftua për punën dhe të arriturat e këtij Universiteti, teksa u shpreh se është i lumtur që ndodhet në qytetin e lashtë të Prizrenit nga i cili kanë dalë shumë intelektualë e artistë. Aty ai veçoi edhe të ndjerin Kujtim Paçaku si një nga studentët e dalluar.

“Në tryezën e diskutimit të pranishëm ishin edhe disa nga studentët që kanë përfituar nga bursat për komunitetet rom, ashkali dhe egjiptian, të cilat janë ndarë këtë vit, të realizuara në bashkëpunim mes Ministrisë së Arsimit, Shkencës, Teknologjisë dhe Inovacionit me Ministrinë e Administrimit të Pushtetit Lokal. Vlen të theksohet së gjatë ditës së djeshme, është nënshkruar kontrata për fonde për Lendrit Çekun, egjiptiani i parë në Kosovë për studime doktorature”, thuhet në kumtesën për media.

“Eli –Edona”, mobilieria me oferta më të mira në Prizren

Tutje bëhet e ditur se gjatë diskutimit me studentë, kryeministri Kurti veçoi edhe themelimin e Ekipit Ndërinstitucional gjatë vitit 2022, i cili ka për qëllim promovimin e punësimit të komuniteteve rom, ashkali dhe egjiptian, krahas bursave që janë ndarë për studentë të arsimit të lartë dhe atyre të shkollave të mesme.

“Ne si Qeveri vlerësojmë diversitetin si pasuri për një shtet, jemi krenarë që çdo vit kemi më shumë studentë nga komunitete të ndryshme në universitetet tona publike dhe më shumë të diplomuar në tregun tonë të punës”, u shpreh Kurti gjatë bashkëbisedimit me të rinjtë dhe të rejat nga komunitetet.

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Ndërsa, Rektori i Universitetit të Prizrenit, profesor Mentor Alishani, u shpreh se komuniteti rom, ashkali dhe egjiptian janë aset shumë i rëndësishëm i shoqërisë sonë dhe gëzojnë një prezencë të fuqishme në vendin tonë. Ai theksoi se në të gjitha programet studimore kanë studentë e bursistë nga komuniteti rom, ashkali dhe egjiptian.

“Universiteti ynë ka qenë dhe do të jetë i hapur për të gjitha iniciativat dhe projektet që kanë për qëllim promovimin e vlerave të komunitetit që janë pjesë e pandashme e shoqërisë sonë”, shtoi tutje rektori.

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

 

Banesa në shitje nga Renelual Tahiri  

Qeveria e Kosovës mban mbledhje elektronike, ndanë para për “Kuponë ushqimi” për familjet në nevojë

admin
-
0
Qeveria e Kosovës mban mbledhje elektronike, ndanë para për “Kuponë ushqimi” për familjet në nevojë

Zyra për Media e Qeverisë, ka bërë me dije se sot është mbajtur një mbledhje elektronike e Qeverisë, ku janë marrë disa vendime.

Përveç disa emërimeve, Qeveria Kurti ka marrë vendim sot për ndarjen e 273 mijë e 600 eurove për zbatimin e masës 3.4 e cila ka të bëjë me Kupon ushqimi për familjet në nevoje të Pakos për Ringjallje Ekonomike.

Gjithashtu Qeveria ka ndarë edhe 500 mijë euro për zbatimin e masës 1.7 te Skema e Granteve për Zanate të Pakos për Ringjallje ekonomike.

Vendimet e marra sot:

– Vendimin për ndryshimin dhe plotësimin e Vendimit të Qeverisë Nr. 07/60 të datës 27.01.2021 dhe Vendimit Nr. 08/121 të datës 25.01.2023 për ndryshimin dhe plotësimin e Vendimit Nr. 11/68 të datës 23.03.2022 për formimin e Komisionit për Kontrollin e Tregtisë me Mallra Strategjike. Sipas këtij ndryshim-plotësimi, z. Driton Ademi, zëvendës anëtar, zëvendësohet nga z. Destan Mustafa, zëvendës anëtar i këtij komisioni. Gjithashtu znj. Elmaze Pireva, anëtare, zëvendësohet nga z. Berat Jashari, anëtar.

– Vendimin për ndryshimin dhe plotësimin e Vendimit të Qeverisë Nr. 04/143 të datës 24 maj 2023, sipas së cilit ndryshohet dhe plotësohet pika 1.5 e vendimit në fjalë si në vijim: 1.5. Znj. Adelina Berisha, përfaqësuese nga Shoqëria Civile, anëtare.

– Vendimin për ndarjen e 273,600 euro për zbatimin e masës 3.4 – Kuponë ushqimi për familjet në nevojë të Pakos së Ringjalljes Ekonomike.

– Vendimin për ndarjen e 500,00 euro për zbatimin e masës 1.7 – Skema e Granteve për Zanate të Pakos së Ringjalljes Ekonomike.

– Vendimin për të kërkuar nga Presidentja e Republikës së Kosovës dhënien e autorizimit ministrit të Financave, Punës dhe Transfereve për nënshkrimin e Marrëveshjes së Financimit ndërmjet Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim, për Programin e parë për “Financimin e Politikave Zhvillimore për Efektivitetin Fiskal, Konkurrueshmërinë dhe Rritjen e Gjelbër”.

– Nismën për lidhjen e Marrëveshjes së Grantit ndërmjet Republikës së Kosovës, e përfaqësuar nga Ministria e Financave, Punës dhe Transfereve, Komunës së Prizrenit dhe Bankës Evropiane për Rindërtim dhe Zhvillim për projektin “Efiçienca e Energjisë në Ndërtesa Publike në Prizren” .

– Raportin e Vlerësimit të Përshtatshmërisë së Sistemit të Financimit të Komunave për vitin 2023.

– Raportin Vjetor Financiar të Buxhetit të Republikës së Kosovës për vitin 2023.

Marketing

Ndërmarrja “3D-Fesali” në Prizren, partneri më i besueshëm për çdo projekt ndërtimi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

 

Juventus ka një ‘10’ të ri pas Pogba

admin
-
0
Juventus ka një ‘10’ të ri pas Pogba

Sipas gazetës torineze “Tuttosport”, Kenan Yildiz do të jetë numri “10” i ri i Juventus-it pas Paul Pogba-s.

Reprezentuesi francez Pogba ka marrë një ndalim katër-vjeçar nga dopingu dhe e ardhmja e tij te Juventus-i është shumë e pasigurt, duke pasur parasysh se gjigantët e Serie A mund të vendosin të ndërpresin kontratën e tij.

Edicioni i shtypur i së premtes i gazetës “Tuttosport”, raporton se klubi tashmë ka vendosur t’i japë numrin “10” të Yildiz-it.

Juventus-i do t’i ofrojë yllit turk mundësinë për të veshur numrin ikonik të fanellës gjatë negociatave për kontratën që do të fillojnë së shpejti.

Marrëveshja 300 mijë euro në vit e lojtarit turk në “Allianz Stadium” përfundon në qershor 2027.

Sipas “Tuttosport”, Juventus-i së shpejti do të ulet me shoqëruesit e tij për të diskutuar dhe përmirësuar kontratën dhe do t’i ofrojë Yildiz-it numrin “10”.

18-vjeçari do të jetë i disponueshëm për ndeshjen e nesërme në Serie A kundër Lazio-s. Trajneri Massimiliano Allegri ka thënë se pret gola nga Yildiz dhe sulmues të tjerë të Juventus-it, të cilët mund t’i ndihmojnë bardhezinjtë të kualifikohen në Champions League.Albanian Post 

Policia arreston një person në Prizren, dyshohet për dhunë në familje

admin
-
0
Policia arreston një person në Prizren, dyshohet për dhunë në familje

Policia në Prizren  ka arrestuar një person, rrreth orës 15:30 minuta,  pasi dyshohej për dhunë në familje.

I dyshuari ka marr automjetin dhe është larguar nga shtëpia, ndërkaq policia e ka lokalizuar atë dhe ka arritur ta arrestojë.

Ai aktualisht gjendet në stacion policor dhe po intervistohet.

Marketing

Ndërmarrja “3D-Fesali” në Prizren, partneri më i besueshëm për çdo projekt ndërtimi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

 

Detyruan të miturën në shërbime seksuale, aktakuzë ndaj dy personave në Prizren

admin
-
0
Detyruan të miturën në shërbime seksuale, aktakuzë ndaj dy personave në Prizren

Prokuroria Themelore në Prizren ka ngritur aktakuzë ndaj M.P. dhe L.H. për veprat penale “Trafikim me njerëz” dhe “Shërbime seksuale të viktimës së trafikimit”, raporton teve1.info

Sipas një komunikate për medie të Prokurorisë, i pandehuri M.P. e ka detyruar viktimën në lokalin e tij, klubin e natës “NN” në Prizren, që t’u ofroj shërbime seksuale klientëve të ndryshëm.

Ndërmarrja “3D-Fesali” në Prizren, partneri më i besueshëm për çdo projekt ndërtimi

“Sipas aktakuzës, i pandehuri M.P., gjatë periudhës kohore, Qershor – Korrik të vitit 2021 në Prizren, merr pjesë në trafikimin me njerëz dhe atë duke rekrutuar, strehuar dhe pranuar viktimën e trafikimit me anë të përdorimit të forcës dhe shtrëngimit apo të keqpërdorimit të një pozite të ndjeshme ose me anë të dhënies ose marrjes së pagesave nga e njëjta me qëllim të shfrytëzimit seksual të saj, në atë mënyrë që paraprakisht siguron viktimën e mitur, për të cilën e di se është e mitur dhe e rekruton të njëjtën në lokalin e tij – klubin e natës ‘’NN’’ në Prizren, në mënyrë që e njëjta të punojë si e ashtuquajtur ‘’valltare’’ apo ‘’shoqëruese e klientëve’’, të cilës gjithashtu edhe i ofron strehim në dhomat e gjumit të lokalit në fjalë por edhe banesë në Prizren, me ç’rast me përdorim të forcës dhe shtrëngimit e detyron që e njëjta të ofrojë shërbime seksuale klientëve të ndryshëm, konkretisht edhe të pandehurit L.H, e cila në pamundësi që t’i rezistojë detyrimit me forcë, pa pëlqimin e saj është pajtuar që t’i ofrojë disa herë shërbime seksuale të pandehurit në fjalë”, thuhet në komunikatën e Prokurorisë.

“Eli –Edona”, mobilieria me oferta më të mira në Prizren

Në këtë mënyrë, i pandehuri M.P., ka kryer veprën penale “Trafikimi me njerëz”, ndërsa, i pandehuri L.H., veprën penale “Shërbimet seksuale të viktimës së trafikimit” nga neni 228 sipas KPRK-së.

Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit.

Banesa në shitje nga Renelual Tahiri  

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Konjufca: Qeveria s’ka arsye të japë dorëheqje

admin
-
0
Konjufca: Qeveria s’ka arsye të japë dorëheqje

Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje.

Këtë deklaratë ai e bëri para mediave kur u pyet rreth mbajtjes së parakohshme të zgjedhjeve, ashtu siç po kërkon opozita tash e disa javë.

“Deri tash nuk ka ndodh asnjë takim i rëndësishëm për këtë çështje që të diskutohet se kur do të ishte koha e përshtatshme që vendi të shkojë në zgjedhje. Është rast i rrallë që të gjitha partitë pajtohen që vendi të shkojë në zgjedhje edhe pse nuk po arrijnë që kjo të bëhet. Siç duket mungon vullneti i mazhorancës që kjo të ndodhë përmes një dorëheqje, sepse nuk ka arsye që qeveria të japë dorëheqje, japin dorëheqje kur diçka nuk funksionon. Në Vetëvendosje kurrë nuk është mbajtur një diskutim i fokusuar vetëm në këtë temë. Qeveria e ka vazhduar aktivitetin e vetë në mënyrë normale”, u shpreh Konjufca.

Marketing

Ndërmarrja “3D-Fesali” në Prizren, partneri më i besueshëm për çdo projekt ndërtimi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

 

1...1 1821 1831 184...9 209Page 1 183 of 9 209