Pozicioni i saj në fushën e politikës është forcuar vit pas viti.
Duda Balje ka dëshmuar se është një zonjë e përgatitur dhe flëksibile në politikë, shkruan “Kosovarja”.
Përtej fushës së saj, ajo konsiderohet edhe si deputetja më joshëse e Kuvendit të Kosovës dhe Duda Balje vërtet e meriton këtë epitet.
Siç dihet, Balje është edhe mjaftë besimtare, andaj në muajin e shenjtë të Ramazanit, veshja e saj është shumë më ndryshe.
Duket bukur edhe kështu.
Rita Ora ka ekspozuar linjat trupore ku ka ndarë një koleksion fotografish.
Krijuesja e hitit “Hot Right Now” shfaqi asetet trupore në palestër me një kostum të ngushtë, pa mëngë, teksa pozonte me një selfie në pasqyrë.
Në foton tjetër, Rita nxori gjuhën jashtë kamerës teksa kishte veshur sytjena sportive bardh e zi.
Ajo e bëri selfie-n teksa qëndronte në këmbë pranë dollapëve të palestrës
Ymer Berisha, udhëheqës i Njësisë për Komunikim me Publikun në Komunën e Prizrenit, tha se kjo Komunë, kërkesat për qasje në dokumente i trajton me profesionalizëm.
“Komuna e Prizrenit e ruan autoritetin e institucionit, e ruan autoritetin e zyrtarit, zyrtari duhet ta këtë në fokus kërkesën dhe qytetarin e tij t’i shërbejë 24/7 me profesionalizëm dhe me etikë”, tha Berisha në “Tempus“.
Paraprakisht, i njëjti ka theksuar se me kërkesë të Agjencisë për Informim dhe Privatësi (AIP), Komuna e Prizrenit ka caktuar një zyrtar përgjegjës dhe kanë një bashkëpunim korrekt edhe me institucionet e tjera me të cilat komuna bashkërendon aktivitetin.
Sipas tij, zyrtari i cili merr këtë detyrë dhe përgjegjësi, duhet të jetë kompetent në realizimin e këtyre përgjegjësive, të jetë në gjendje ta interpretojë këtë përgjegjësi që e ka marrë nga lidershipi ose kryetari i komunës në këtë rast dhe të bashkëpunojë me zyrtarët tjerë të cilët mund të kenë kërkesa për qasje në dokumentet ose kërkesa për palët e treta.
“Çdo dokument që del nga komuna, do të duhej të jetë në lartësinë e përgjegjësisë ligjore dhe në lartësinë e kësaj kompetencës personale të individit i cili duhet me reflektu edhe siguri po edhe duhet me ofru dokumentin”, tha Berisha.
Tutje, ai ka thënë se qytetari është në qendër të fokusit të komunës nëse ka kërkesë për qasje në dokumente dhe nëse dokumenti përmban të dhëna personale, zyrtari i Komunës së Prizrenit duhet të jetë në gjendje që të përdorë mekanizma mbulimi të këtyre të dhënave personale, siç është numri personal e numri i xhirollogarisë. /BetimipërDrejtësi
Sulmuesi i Real Madrid-it, Brahim Diaz, ka vendosur të ndryshojë kombëtaren nga Spanja te Maroku, sipas raporteve të shumta.
24-vjeçari, i cili ka lindur në Malaga nga një nënë spanjolle dhe një baba maroken, ka luajtur vetëm një herë nga kombëtarja spanjolle, duke shënuar në një fitore miqësore 4-0 ndaj Lituanisë në qershor 2021.
Diaz kishte përfaqësuar më parë Spanjën nga niveli U-17 në U-21, duke bërë gjithsej 25 paraqitje dhe duke shënuar pesë gola.
Edhe pse Diaz ka ëndërruar të përfaqësojë Spanjën në nivel të lartë, sulmuesi thuhet se është frustruar nga pritja për një thirrje nga menaxheri i ekipit kombëtar, Luis de la Fuente.
Sipas “The Athletic”, Maroku është përpjekur të bindë Diaz që të luajë për ta për pesë vitet e fundit, dhe kombi afrikan tani ka arritur të bindë lojtarin e Real Madrid-it të bëjë ndryshimin.
Raporti shton se federata spanjolle ende nuk është njoftuar zyrtarisht për vendimin e Diaz për të përfaqësuar Marokun, ndërsa asaj marokene do t’i kërkohet të paraqesë një kërkesë në FIFA për të ndryshuar kombësinë e lojtarit.
Fouzi Lekjaa, presidenti i federatës marokene, si dhe politikanë nga vendi thuhet se kanë vizituar tashmë Diaz-in për të diskutuar të ardhmen e tij ndërkombëtare.
Pavarësisht se bëri debutimin e tij të lartpërmendur për Spanjën kundër Lituanisë gati tre vjet më parë, rregullat e FIFA-s thonë se çdo lojtar mund të ndryshojë besnikërinë e tij për sa kohë që ata kanë bërë më pak se tre paraqitje për një kombëtare para moshës 21 vjeç dhe nuk kanë luajtur për atë vend për të paktën tre vjet.
Sipas “ESPN”, Diaz ka mbetur i zhgënjyer nga mënyra sesi Federata Mbretërore e Futbollit Spanjoll (RFEF) e ka trajtuar situatën e tij, duke pasur parasysh se ata kanë vepruar ndryshe ndaj lojtarëve të tjerë.
Burimet e “ESPN” theksojnë se RFEF-ja shtyu të bindte yllin e Barcelona-s, Lamine Yamal, të përfaqësonte Spanjën në vend të Marokut dhe dërgoi zyrtarë të rangut të lartë për të takuar adoleshentin në 2022.
RFEF beson se ata e kanë trajtuar çdo lojtar njësoj dhe menaxheri De la Fuente ka mbetur disi i befasuar nga vendimi i Diaz.
Maroku, i cili së fundmi është ngjitur në vendin e 12-të në renditjen botërore të FIFA-s, arriti në gjysmëfinale të Kupës së Botës për herë të parë në historinë e tij në vitin 2022, përpara se të eliminohej në 1/16 e Kupës së Kombeve të Afrikës muajin e kaluar.
Mbetet për t’u parë nëse trajneri i Marokut, Walid Regragui, do të jetë në gjendje të thërrasë Diaz në fund të këtij muaji përpara ndeshjeve miqësore kundër Angolës dhe Mauritanisë.
Pas një huazimi të suksesshëm tre-vjeçar te Milan-i, Diaz që atëherë është bërë një lojtar i rregullt te Real Madrid këtë sezon, duke shënuar tetë gola dhe duke dhënë katër asistime në 32 paraqitje.Albanian Post
Raportohet se drejtori i Juventus-it, Cristiano Giuntoli foli me mesfushorin e Atalanta-s, Teun Koopmeiners pas takimit të Serie A.
Sipas raporteve nga media të shumta, drejtori sportiv i Juventus-it, Giuntoli foli me objektivin e parë të klubit për transferimin e verës, Koopmeiners, pas barazimit 2-2 të “Zonjës së Vjetër” me Atalanta-n në Serie A të dielën.
Emri i Koopmeiners ka qenë në krye të listës së blerjeve të dëshiruara të mesfushës së Juve-s për disa muaj, sipas raporteve në Itali.
Si “Il Corriere dello Sport” ashtu edhe “Tuttosport” raportojnë se Giuntoli ishte në gjendje të bisedonte me Koopmeieners në “Allianz Stadium” të dielën mbrëma.
Koopmeiners besohet se vlen rreth 60 milionë euro, megjithëse kjo shifër mund të rritet ende deri në fund të sezonit.
Mediat në Itali sugjerojnë se Juve do të kërkojë të përfshijë një nga lojtarët e tyre të rinj në një ofertë plus para për Atalanta-n.
Matias Soule, aktualisht i huazuar te Frosinone, ka më shumë gjasa për t’u sakrifikuar. Ai vlerësohet midis 25 dhe 30 milionë eurove, që do të thotë se Juventus-i do të ofronte të paktën 30 milionë euro të tjera si pjesë e ofertës së tyre.
“Il Corriere dello Sport” gjithashtu sugjeroi që Dean Huijsen potencialisht mund të përfshihej në ofertën e Juventus-it.
Raportet thonë se Juventus-i është i prirur të shmangë një luftë ofertash, pasi skuadrat diku tjetër, ndoshta në Premier League, mund të përgatiten për t’i ofruar Atalanta-s çmimin e tyre të kërkuar plotësisht. Albanian Post
Një qytetar nga Komuna e Prizrenit, me inicialet E.B., ka dorëzuar në polici një kuletë të cilët e kishte gjetur me para dhe dokumente personale.
Siç ka njoftuar policia, në kuletë kishte 50 dollarë, 20 euro, para metalike prej 3.45 euro si dhe dokumente personale: letërnjoftimin dhe kartelën e bankës.
“Ai menjëherë e ka njoftuar Policinë dhe të hollat e gjetura i ka dorëzuar në Njësinë e Trafikut Rajonal në Prizren. Personit që i kishte humbur kuleta ishte F.B., nga Prizreni”, thuhet në komunikatën për media.
Pranim-dorëzimi i kuletës mes palëve është bërë në Njësinë e Trafikut Rajonal në Prizren.
“Me këtë rast, Drejtoria Rajonale e Policisë në Prizren, e ka falënderuar qytetarin F.B., për gjestin human dhe shembullor me rastin e dorëzimit të hollave të gjetura në Stacionin e Policisë”, thuhet tutje.
Pas vdekjes së nënës së saj, Sirine Malas ishte e dëshpëruar për një rrugëdalje për të tejkaluar pikëllimin e saj, shkruan Sky News.
“Kur jeni të dobët, pranoni gjithçka”, tha ajo, transmeton Telegrafi.
Aktorja ishte ndarë nga e ëma Najah pasi ishte larguar nga Siria, vendlindja e tyre – për t’u vendosur në Gjermani në vitin 2015.
Në Berlin, Sirine solli në jetë fëmijën e parë, vajzën e quajtur Ischtar dhe nuk donte asgjë sesa ta takojë me të ëmën e saj. Por para se ta kishin mundësinë, ndodhi tragjedia.
Najah vdiq papritmas pas problemeve që i kishte me veshkat në vitin 2018 në moshën 82-vjeçare.
“Ishte një udhërrëfyes në jetën time”, tha Sirine për të ëmën e vet, për të cilën theksoi se “e mësoi fillimisht ta dojë veten”.
“E gjithë ngjarja ishte e rëndë sepse ndodhi befasisht. Unë vërtetë doja që ajo të takonte bijën time dhe të kisha ribashkimin e fundit”, tha Sirine.
Madje pranoi se dhimbja ishte e papërballueshme.
“Ju thjesht dëshironi ndonjë dalje. Me gjithë ato emocione… nëse e lë aty, ajo thjesht fillon të të vrasë, të të mbytë. Doja të kisha shansin e fundit (të flasë me të)”, shtoi Sirine.
Pas katër vjet përpjekjesh për të përballur humbjen e saj, Sirine iu drejtua Project December, një vegël e inteligjencës artificiale që pretendon se “simulon të vdekurit”.
Përdoruesit plotësojnë një formular të shkurtër në internet me informacione për personin që kanë humbur, duke përfshirë moshën e tyre, marrëdhënien me përdoruesin dhe një citim nga personi.
Përgjigjet më pas futen në një chatbot me AI të mundësuar nga GPT2 e OpenAI, një version i hershëm i modelit të gjuhës së madhe pas ChatGPT. Kjo gjeneron një profil të bazuar në kujtesën e përdoruesit të personit të vdekur.
Modele të tilla zakonisht trajnohen në një gamë të gjerë librash, artikujsh dhe tekstesh nga e gjithë interneti për të gjeneruar përgjigje ndaj pyetjeve në një mënyrë të ngjashme me një mjet parashikimi fjalësh. Përgjigjet nuk bazohen në saktësinë faktike.
Me një kosto prej 10 dollarësh, përdoruesit mund të dërgojnë mesazhe në chatbot për rreth një orë.
Për Sirine, rezultatet e përdorimit të chatbot ishin “të frikshme”.
“Kishte momente që më janë dukur shumë reale. Ka pasur edhe momente kur mendova se kushdo mund të ishte përgjigjur në këtë mënyrë”, shtoi ajo.
Duke imituar nënën e saj, mesazhet nga chatbot i referoheshin Sirinës me emrin e kafshës së saj – të cilën ajo e kishte përfshirë në formularin në internet – e pyetën nëse po hante mirë dhe i thanë se po e shikonte.
Trendi i parave të falsifikuara po vazhdon të ‘lulëzojë’ në Kosovë, ku qindra e mijëra euro fals vihen përditë në qarkullim në treg. Rastet e tilla raportohen kryesisht nga zyrtarët e bankave në vend, teksa monedha që po ‘tmerron’ të gjithë është ajo 2 euroshe.
Një rast i tillë është raportuar gjatë ditës së djeshme nga një zyrtar i Bankës Qendrore të Kosovës (BQK), i cili ka njoftuar se në bankomate të ndryshme të bankës TEB janë deponuar mbi 1700 euro, të gjitha 2-she, që dyshohet të jenë të falsifikuara.
Paratë që dyshohet se janë deponuar në periudha të ndryshme, ndërsa janë konfiskuar në cilësinë e provave materiale.
Me urdhër të Prokurorit të Shtetit, është iniciuar rasti ‘Falsifikim i parasë’.
Ndryshe, falsifikimi i parasë është vepër penale dhe sanksionohet sipas Kodit Penal të Republikës së Kosovës. Kushdo që prodhon para të falsifikuara me qëllim për t’i vënë në qarkullim si të vërteta, dënohet me burgim prej një deri në dhjetë vjet.
Kohë pas kohe pritet të ketë reshje lokale shiu, të cilat në momente të caktuara pritet të jenë në formë të rrebesheve, kryesisht afatshkurtër, të shoqëruara me shkarkesa rrufesh.
Temperaturat minimale do të lëvizin prej 2 deri në 5°C, ndërsa ato maksimale prej 12 deri në 14°C, njofton Meteo Kosova.
Sot bëhen 32 vjet nga vdekja e shkrimtarit dhe albanologut shqiptar, Martin Camaj në Munih. Kërkimet akademike të Camajt u përqendruan në gjuhën shqipe dhe dialektet, në veçanti të atyre në Italinë jugore.
Veprimtaria e tij letrare në harkun 45-vjeçar ka disa shkallë zhvillimi. Ai e nisi me poezinë, zhanër mbas të cilit i mbeti besnik gjithë jetën, kurse gjatë viteve të fundit u përqendrua shumë te proza.
Martini u lind në Dushman të Dukagjinit më 13 korrik 1927 në vendin e quajtur Telumë. Datëlindja 1925 duket të jetë një gabim shtypi. Vendlindja e tij është “… në një vis të egër, ‘ku s’ka shkelë kurrë kamba e kalit’, kaq i thyeshëm ashtë ky vend”, sipas vetë Martinit.
Në vendlindje kaloi dhjetë vjetët e para të jetës së tij. Nis të fitojë në mënyrë autodidakte njohuritë e para në shkrim e lexim shqip dhe matematikë. Kjo gjë do t’i binte në sy ish-pagëzuesit P. David Pepës OFM, duke e nxitur të ndërmjetësojë pranë instancave eprore në Shkodër që të ndërmerrnin përpjekje për arsimimin dhe përgatitjen – pse jo – për meshtari.
Në vitin 1935 vendoset përfundimisht në Shkodër dhe fillon të marrë arsim të rregullt pranë kolegjit jezuit “Xaverianum”, ku do kalonte edhe tuberkulozin. Rektor i kolegjit atëbotë qe P. Giuseppe Valentini SJ, prej të cilit mësojmë se arsimin fillor 5-vjeçar e kishte përfunduar në 4 vjet.
Pesë vjetët në vijim ai ndoqi rregullisht gjimnazin, gjë që i dha të drejtën për të vijuar studimet në liceun klasik të kolegjit. I ati vdes pak vite pasi Martini i vogël u fut në kolegj.
Studimet detyrohet t’i ndërpresë në vitin e tretë, më 1946 – mbas mbylljes së instituteve fetare të Shkodrës. Ai themeloi në Prekal shkollën ku veproi si mësues i vetëm deri më 1948.