Nisma Socialdemokrate ka shënuar sot 10 vjetorin e themelimit të saj.
Kryetari i këtij subjekti politik në Prizren, Zafir Berisha, ka paralajmëruar rikthimi në pushtet të Nismës.
“Ne po vijmë, bashkohu edhe ti! Së bashku rrugëtuam 10 vite, duke u angazhuar për t’i dhënë kuptim jetës politike dhe pluralizmit në Kosovë”, shkruan Berisha në Facebook.
Në kujtim të veprimtarëve të çështjes kombëtare, me rastin e 25 vjetorit të rënies së dëshmorit të UÇK-së, Rifat Dina – “Xha Jaho”, dhe 10 vjetorit të vdekjes së veteranit të UÇK-së, Muharrem Dina – “Mixha”, u mbajt një akademi përkujtimore për të nderuar veprën dhe kontributin e tyre të jashtëzakonshëm në përpjekjet për çlirim dhe liri të Kosovës.
Kryetari i Prizrenit, Shaqi Totaj shprehu krenari për kontributin e tyre në organizimin e lëvizjeve kombëtare të kohës, që kulmoi me luftën e lavdishme të armatosur të UÇK-sëLavdi, heronjve, vëllezërve Dina.
“”Me krenari u kujtuam kontributin e tyre në organizimin e lëvizjeve kombëtare të kohës, që kulmoi me luftën e lavdishme të armatosur të UÇK-së”, tha ai./PrizrenPress.com/
Nënkryetari i LDK-së dhe njëherit kryetar i Pejës, Gazmend Muhaxheri, ka vizituar kryetarin e degës së kësaj partie në Prizren, Driton Selmanaj.
“Diskutuam për mobilizim në regjionin tonë, me qëllim që LDK të jetë më e fortë dhe fituese. Mobilizimi i përbashkët është rruga drejtë fitores në Prizren dhe Kosovë”.
“Modeli qeverisës i LDK-së në Pejë duhet të bartet edhe në Prizren, sepse Prizreni meriton të qeveriset nga LDK-ja”, shkruan Selmanaj./PP/
Ballkani është ndalur në barazim nga Gjilani me rezultat 1-1, në kuadër të xhiros së 22-të në Superligën e Kosovës.
Të parët në epërsi kaluan vendasit me anë të Edvin Kuç në minutën e 19’. Gjilanasit u kthyen në lojë duke e barazuar rezultatin në fund të pjesës së parë me aën të Heric, i cili realizoi nga penaltia.
Ndërkohë pjesa e dytë nuk prodhoi më gola dhe ndeshja u mbyll me shifrat 1-1.
Ballkani pas barazimit mbetet në vendin e parë me 45 pikë, pas 22 xhirove, me Llapin që është në pozitën e dytë me dy pikë më pak, por me një ndeshje më pak të zhvilluar.
Ditën e djeshme është goditur nga një veturë Hajrush Behluli, bashkëshorti i këngëtares Shkurte Fejza.
Gresa Behluli ka dal me një reagim në “Facebook”, ku bëri të ditur se gjendja e babait të saj është mirë.
“Përshëndetje për ju miq e dashamirë të shumtë që na keni thirrur, u interesuat, jeni lutur për gjendjen e babit dhe të gjithë ju që na keni vizituar, ju faleminderit nga zemra”, shkroi këngëtarja në postimin e saj.
“Zoti ju ruajt e ju bekoftë të gjithëve, paçit veç gëzime në jetën tuaj”, tha ajo.
Këngëtarja dhe modelja e njohur Morena Taraku është mjaftë aktive në rrjetet sociale.
Ajo ka publikuar disa imazhe të reja ku duket mjaftë tërheqëse dhe ka rrëmbyer vëmendjen e ndjekësve.
Kujtojmë se modelja ka kohë qe jeton mes Turqisë dhe Dubait.
Morena njihet prej shumë vitesh me stilin unik qe e karakterizon.
Këshilli i Kosovës për Trashëgimi Kulturore ka shpallur shtatë asete në mbrojtje të përhershme në kategorinë e trashëgimisë arkitekturale nga regjioni i Prizrenit.
Drejtori i Qendrës Rajonale për Trashëgimi Kulturore në Prizren, Samir Hoxha, tregon se me volum të shtuar po vijon angazhimi që në zbatim të mandatit ligjor, të plotësohen dosjet të më shumë aseteve të trashëgimisë kulturore me qëllim të avancimit të statusit ligjor të monumenteve të trashëgimisë kulturore që shtrihen në regjionin e Prizrenit.
Asetet e shpallura janë:
Ka vdekur ish kryetari i komunës së Rahovecit, Qazim Qeska.
Këtë e ka bërë të ditur kryetari aktual i Rahovecit, Smajl Latifi. Ai ka thënë se është i tronditur për vdekjen e Qeskës, duke e kujtuar atë si njëri të mirë e qytetar të angazhuar.
“I tronditur dhe me pikëllim të thellë, mësova për ndarjen nga jeta të njeriut të mirë, qytetarit të angazhuar, shembullit të urtësisë e mirësisë, ish-Kryetarit të Komunës së Rahovecit e aktivistit politik, Qazim Qeska.”
Latifi ka shkruar në Facebook se Qeska ka dhënë kontribut të çmuar për disa dekada në proceset, politike, ekonomike dhe shoqërore në Rahovec.
“Qeska dha kontribut të çmuar për disa dekada në proceset, politike, ekonomike dhe shoqërore në Rahovec. Ishte ndër juristët më të mirë në komunën e Rahovecit dhe me përvojën e dijet juridike, ndikoi pozitivisht në konsolidimin e sistemit juridik. Si kryetar i Komunës së Rahovecit dha kontributin e tij në paqësimin ndërmjet grupeve politike, duke i kontribuuar konsolidimit të demokracisë vendore.”
Latifi thotë se sot Rahoveci humbi një qytetar respektplotë, kurse familja më të dashurin familjar, që rriti e edukoi fëmijë të respektuar në komunitet.
“Në këtë moment dhimbjeje e pikëllimi, në emër të qytetarëve të komunës së Rahovecit dhe në emër timin, familjes Qeska, farefisit, miqve dhe bashkëpunëtorëve të tij, u shpreh ngushëllime të thella dhe më të sinqerta!”.
Përkthyesi dhe shkrimtari i njohur Edmond Tupja deklaron se gjuha shqipe është një nga 3 gjuhët më të vjetra.
I ftuar në “Mes dy botëve” të Helidon Halitit në RTSH, Edmond Tupja jep alarmin e zhdukjes së gjuhës sonë si pasojë e globalizimit.
“Shqipja është një gjuhë shumë më e vjetër. E kanë thënë gjuhëtarë të paanshëm. Edhe në revista shkencore thuhet që 3-4 ishin gjuhët më të vjetra, sepse të jep çelësin për gjuhët indovropiane. Të ndihmon që t’i të kuptosh dhe për gjuhë të kaluara që janë zhdukur. Gjuha shqipe është shumë më e vjetër, e treta në botë për gjuhët indoevropiane, por të bësh debate për këtë dhe të harrosh ku po shkon sot gjuha shqipe?! Luftoni për origjinën, po kryesorja është ku po shkojmë? Po vdesin fjalët shqipe. Nuk thotë më njeri “u tremba”, “u frikësova”, por “u intimidova”. Ka plot fjalë në shqip, flalë që vdesin. Do bëhemi si latinishtja, greqishtja e vjetër nuk do të na flasë njeri”, thotë ai.
Për profesorin e njohur, globalizimi është një nga shkaktarët e rrezikimit të gjuhëve, mes së cilës edhe asaj shqipe.
“Shqipja nuk është gjuhë e lehtë, as gjermanishtja se janë lakimet. Por ne po i zhdukim lakimet. I marrim dhe i përdorim fjalët pa lakuar. Si është e mundur është pasuri, gjuhët e vjetra e kanë lakimin. Popujt më qëndrestarë e kanë këtë. E dyta po ikin strukturat e gjuhës shqipe. Kanë filluar thonë nën ndikimin e anglishtes “This is not true”. Kjo është jo e vërtetë. Po nuk është shqip. Shqip thuhet “Kjo është e pavërtetë”, “Kjo është e rremë”. Këta i flakin në koshin e plehrave. Ccfarë do bëhet me Shqipërinë? globalizimi është zhdukja e kulturës dhe e zakoneve. Marksi e thoshte: “Internacionale do të jetë bota e re”, “Globale do të jetë bota e re”,- thotë Soros”, nënvizon përkthyesi dhe shkrimtari i njohur Edmond Tupja.
Mes humorit, Edmond Tupja nuk heziton që të nxjerrë në pah dhe një tipar të shqiptarëve. “Këtë e kam dëgjuar nga goja e Fatos Lubonjës kur fiste për mercenariatin e shqiptarëve. Mbretëria e Katerinës së Dytën ë Rusi u përball me disa fise mongole. Trupat ruse u nisën për luftë dhe kishin edhe mercenarë, ndër të cilët dhe kryesisht mercenarë shqiptarë. Mbaroi lufta të cilën e fitoi Caresha dhe i thotë truprojës: -Shko më sill prijësit e mercenarëve”.
Shkoi ai i solli. Ajo i pa, i numëroi dhe tha mungon një. Kush mungon? Shqiptari? Ik i tha ma sill këtu. Shkoi atje dhe u kthye i tronditur.
-Ku e ke prijësin? Ata po grinden se secili e quan veten prijës”, deklaroi shkrimtari Edmond Tupja./atsh/
Sot më 24 shkurt të vitit 1938 vdiq gjuhëtari, filozofi, folkloristi dhe diplomati shqiptar Gjergj Pekmezi.
Gjergj Pekmezi ishte profesor i shqipes, bibliograf dhe albanolog shqiptar. Në nder të tij katedra e albanologjisë në Universitetin e Vjenës mban emrin “Prof. Dr. Gjerg Pekmezi”.
Studimet e para i kreu në Ohër e Manastir. Më 1887 shërbeu si mësues në Llëngër të krahinës së Mokrës. Studimet e universitare i bëri në Beograd e në Vjenë, ku u diplomua më 1898 për filozofi dhe filologji. Më 1903 u emërua shef i katedrës së gjuhës shqipe në Universitetin Oriental të Vjenës.
Pas një viti themeloi Shoqërinë Kulturore Patriotike “DIJA”. Më 1908 zbulon memorandumin e famshëm të 1878-ës që Vaso Pasha e Sami Frashëri i dërguan Kongresit të Berlinit. Kontribuoi pranë Komisionit Ndërkombëtar të Kufijve duke vërtetuar shqiptarësinë e banorëve në viset jugore kundrejt orekseve synimeve greke. Punoi si përkthyes pranë këtij komisioni nga vjeshta e 1913 dhe më 1914 u emërua përkthyes i misionit austro-hungarez në Durrës.
Më 1916 me pushtim-administrimin austro-hungarez, u emërua kryetar i “Komisisë Letrare të Shkodrës”, ku me Luigj Gurakuqin, Gjergj Fishtën, Ndre Mjedën e patriotë të tjerë bënë punë të mëdha për gjuhën, tekstet dhe shkollën shqipe. Pasi shkoi për çështje private në Vjenë, kur u kthye në Shkodër gjeti të miratuar Parimet e rregullat mbi orthografinë e gjuhës shqipe të shkruar, gjë për të cilën dha dorëheqjen duke parë miratimin në mungesë të tij një veprim jokorrekt.
Në vitet 1920-24 emërohet Konsull i Përgjithshëm i Shqipërisë pranë Republikës së Austrisë. Riemërohet në këtë detyrë më 1926-28, vit në të cilin emërohet profesor në Universitetin e Vjenës, Katedra e Gjuhës Shqipe. Këtë detyrë e kreu deri më 24 shkurt 1938, kur ndërroi jetë. / KultPlus.com