Kandidati për deputet nga radhët e LDK-së, Xhavit Ukaj, në kuadër të fushatës zgjedhore, ka realizuar një vizitë në terren te Shejh Ismail Shehu dhe Organizatën e Veteranëve të Luftës në Has.

“Sot patëm nderin të vizitojmë Shejh Ismail Shehun, ku gjatë bisedës kujtuam me respekt të thellë babain e tij të ndjerë Shejh Rexha, një figurë të shquar dhe veprimtar të madh të LDK-së, si dhe një bashkëpunëtor të ngushtë të Presidentit historik Ibrahim Rugova”, shkruan Ukaj në Facebook.

“Shejh Ismail Shehu po vazhdon me përkushtim traditën dhe vlerat e çmuara të trashëguara nga babai i tij, duke i dhënë kontribut të rëndësishëm shoqërisë dhe frymëzuar brezat e sotëm. Ishte një takim plot domethënie, ku ndamë kujtime dhe mësime të vlefshme nga kjo trashëgimi e çmuar”.

Ukaj, i cili në këto zgjedhje garon me numrin 97 , po ashtu vizitoi Organizatën e Veteranëve të Luftës, dega Has.

“Patëm nderin të vizitojmë Organizatën e Veteranëve të Luftës, dega Has. Ishte një takim i mbushur me respekt dhe mirënjohje për ata që dhanë gjithçka për lirinë e atdheut. Bisedat me veteranët na rikthyen në historinë e lavdishme të luftës dhe sakrificës së tyre të pashoqe. Falenderojmë Organizatën për mikpritjen dhe përkushtimin e tyre të vazhdueshëm në ruajtjen e vlerave dhe kujtesës kombëtare”, shkruan Ukaj.

Numri aktual i prokurorëve në Prokurorinë Themelore të Prizrenit sipas drejtuesve të këtij institucioni është i mjaftueshëm për arritjen e objektivave të përcaktuara për vitin 2025.

Kryeprokurori i kësaj prokurorie, Petrit Kryeziu ka theksuar se përkushtimi profesional do të mundësojë realizimin e planit të punës për këtë vit.

“Me kapacitetet që kemi, besoj që Plani ynë i punës është i realizueshëm gati qind për qind. Me një përkushtim maksimal besoj se do të arrihen të gjitha objektivat. Por ka objektiva që janë të vazhdueshme, për shembull korrupsion, fajdet, dhunë në familje, të cilat nuk është se kryhen brenda një viti, por vijojnë edhe në vitet tjera. Por ato objektiva që janë përcaktuar jam i bindur se do ti realizojmë”, ka thënë Kryeziu, raporton Telegrafi.

Sipas tij, vetëm Departamenti i Krimeve të Rënda me një prokuror shtesë do të ishte më i kompletuar.

“Në krimet e rënda nëse vjen edhe një prokuror pa dyshim se do të jemi më të kompletuar. Prokurorët në këtë departament e kanë edhe nga një bashkëpunëtor profesional dhe kjo do të lehtësoj punën e tyre”, ka deklaruar Kryeziu.

Sipas tij brenda muajit do të dorëzohet kërkesa për avancimin e një prokurori.

“Brenda këtij muaji do ta bëjë kërkesën për avancimin e një prokurori në Departamentin e Krimeve të Rënda në Këshillin Prokurorial të Kosovës. Pastaj Këshilli vendos se a do ta aprovojë këtë kërkesë”, është shprehur Kryeziu, raporton Telegrafi.

Plani i punës për vitin 2025 i Prokurorisë Themelore të Prizrenit mes tjerash ka për qëllim ngritjen e efikasitetit, transparencës dhe llogaridhënies si dhe rritjen e besimit të publikut.

Ky plan ka njëzet objektiva, ndërkohë që pesë objektivat kryesore për vitin aktual janë luftimi i veprave penale kundër korrupsionit, fajdeja, narkotikët, dhuna në familje dhe krimet kundër mjedisit.

Aktualisht Prokuroria Themelore në Prizren ka 18 prokurorë, prej të cilëve 4 janë në Departamentin e Krimeve të Rënda.

Prokuroria Themelore në Prizren mbulon territorin e Prizrenit, Suharekës, Dragashit dhe të Mamushës. /Telegrafi/

Marketing

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve