Dy persona të maskuar kanë kërcënuar banorët e fshatit Orqushë të Dragashit. Zëdhënësi i PK-së në Prizren, Hazir Berisha tha se ngjarja ka ndodhur rreth orës 23:15 minuta.

“Sipas hetimeve fillestare nga vendi i ngjarjes thuhet se përderisa po rrinin para një shitore disa fshatarë, befas janë afruar dy të dyshuar me maska në kokë dhe të armatosur, njëri me kallashnikov dhe tjetri me thikë dhe në gjuhën gorane kanë kërkuar para nga të pranishmit”.

“Ndërkaq, për të krijuar frikë dhe panik kanë shtënë me armë në drejtim të panjohur”.

“Krismat kanë alarmuar banorët e fshatit, të cilët janë mbledhur ndërsa të dyshuarit kanë ikur në drejtim të panjohur”.

“Policia në vendin e ngjarjes ka gjetur dhe sekuestruar katër gëzhoja të kallashnikovit”.

Banorët e këtij fshati ndërkaq, në shenjë revolte kanë protestuar sot tek vendkalimi kufitar afër fshatit të tyre.

“Për hetimin e rastit Drejtori Rajonal i Prizrenit, N/Kolonel Krasniqi, ka qenë në kontakt të vazhdueshëm me autoritet policore të shtetit të Shqipërisë, ndërsa sot para dite është mbajtur një takim i përbashkët në mes të policisë së shtetit shqiptar; policisë kufitare të Kosovës dhe zyrtarëve të policisë së Dragashit”, tregon Berisha.

“Është vendosur që prej sot të behën patrullime të përbashkëta dhe të shkëmbejnë informacione në baza ditore e sipas nevojës edhe më shpesh”

“E gjitha kjo ka të bëj me dyshimin e bazuar se të dyshuarit mund të jenë nga fshatrat e shtetit shqiptar pranë brezit kufitar, ndërsa policia e Dragashit është zotuar të kryej hetime në territorin e komunës së Dragashit sepse tani për tani nuk dihet se kush janë autorët e këtij rasti”./PrizrenPress.com/

Kryetari i Partisë Konservatore(PK)Munir Basha  ka uruar për festën e Fitër Bajramit. “Besimtarët Islamë pas një muaji të kaluar në përkushtim të plotë, devotshmëri dhe dashuri ndaj Zotit të Madhërishëm,vetës dhe njeriut, gëzohen kësaj feste të madhe që simbolizon gëzimin për ngadhnjimin e të mirës ndaj të keqës”.

“Partia Konservatore e Kosovës uron që në këto ditë feste, me vizita familjare të jemi me prane njeri-tjetrit, me solidare me të afërmit tonë, familjet e dëshmorëve, invalidet e luftës si dhe me ata që kanë nevoje për kujdesin dhe ndihmën tonë. Në këto ditë të shënuar, lutemi tek i Madhi Zot për shpirtrat e dëshmorëve tonë që me shembullin e tyre dëshmuan në mënyrë më të mirë të mundshme se si sakrifikohet për ngadhënjimin e idealeve të popullit tonë”.

“Partia Konservatore e Kosovës, gjithashtu, në këtë ditë festë, solidarizohet dhe ndanë dhimbjën me popullin e Gazza-së, në veqanti me civilë, fëmije, pleq dhe gra të shumtë-viktima të konfliktit të dhunshëm dhe gjenocidial. Urojmë që kjo feste të shënoj fillimin e paqës së qëndrueshme dhe zgjidhjës së drejtë të çështjës palestineze! “.

“Me rastin e Fitër Bajramit, Partia Konservatore e Kosovës (PK), përzemërsishte uron të gjithë qytetaret e Kosovës. Gëzuar dhe për shumë mot!”/PrizrenPress.com/

Lidhja Demokratike e Kosovës në Prizren,ka uruar besimtarët  islam për festën e Fitër Bajramit.

“Me rastin e përfundimit të muajit të shenjtë të Ramazanit lutemi tek Zoti i plotfuqishëm që të gjithë besimtarëve ti pranohet agjërimi dhe të ju llogaritet shpërblimi”, thuhet në urimin e LDK-së në Prizren.

“Pas çdo sakrifice vije një ditë shprese dhe feste.  Me këtë, pas Ramazanit edhe na erdhi festa, andaj urojmë që festa e Fitër Bajramit të jetë një ditë gëzimi për gjithë qytetarët e komunës së Prizrenit dhe Kosovës pa dallim”

“Në këtë kohë ku si shoqëri përveç krizave materiale po i përjetojmë edhe ato morale, lutemi tek Zoti, që për të mirën e këtij populli, në këtë tokë të bekuar të bie mëshira e Tij. Në fund të muajit të shenjët në prag të festës së Fitër Bajramit lutemi që në zemrat tona të mbretërojë arsyeja për dashuri, respekt dhe mbi të gjitha të reflektojmë moral”.

“Dega e Lidhja Demokratike të Kosovës në Prizren lutet që sofra e çdo familjet të ketë bereqetin dhe begatin e Zotit, lutemi  për  të gjithë që në këtë tokë të ndihet ngrohtësi  festive  e kultivuar me shekuj ndër shqiptarët si një trup i vetëm”

“Të gjithëve pa dallim, Zoti ju dhashë shëndetin dhe harmonin familjare”/PrizrenPress.com/

Universiteti “Ukshin Hoti” dhe Universiteti i Tiranës kanë nisur konsultimet për konkretizimin e bashkëpunimit.

Prof.dr.Zahadin Shemsidini, u. d. Rektor i UPZ-së me bashkëpunëtorë kanë zhvilluar një takim me Prof. dr. Dhori Kule, rektor i Universitetit Shtetëror të Tiranës, ku janë pajtuar që të fillojnë me shkëmbimin e studentëve dhe profesorëve nga viti akademik 2014/2015.

Universiteti i Tiranës do të pranojë një numër të caktuar të kandidatëve në studimet e doktoratës nga Universiteti i Prizrenit, gjithashtu UT dhe UPZ do të shkëmbejnë studentë dhe profesorë aty ku parashihet nevoja.

Shemsidini e falënderoi rektorin e Universitetit të Tiranës për vullnetin e treguar që të mbështesë UPZ-në.

Profesor Kule gjithashtu theksoi se Universiteti i Tiranës është i gatshëm që të mbështes UPZ-në në të gjitha aspektet.

UPZ dhe UT kanë nënshkruar marrëveshje për bashkëpunim më 2012, me ç’rast të dyja palët ishin pajtuar që ta mbështesin njëra tjera në fushat akademike. /PrizrenPress.com/

Kryetari i Bashkimit Demokratik në Prizren,Zafir Berisha ka uruar të gjithë besimtarët islam festën e Fitër Bajramit.

 “Më lejoni që me rastin e festës së Bajramit të Madh, ditës përmbyllëse të muajit të madhërishëm të Ramazanit, muajit të agjërimit, muajit të sakrificës të dashurisë dhe paqes mes njëri tjetrit të i’u uroj që sakrifica e Ramazanit t’iu kthehet në mirësi”, thuhet në urimin e Berishës.

 “Le të jetë kjo festë, momenti i unititetit dhe mirëkuptimit më të madh më njëri –tjetrin.  Le të jetë si një vlerë e domosdoshme për ne shqiptarët, për të punuar dhe vepruar për një të ardhmen sa më të mirë të brezave që vijnë pas nesh, dukë vënë interesat e përgjithshme mbi interes personale.

Gëzuar festën e Fitër Bajramit zoti i’u prastë pranuar agjerimin dhe veprat tuaja/PrizrenPress.com/

Enver Hasani dhe gjykatësit e tjerë të Kushtetueses janë në krye të listës së zyrtarëve më të paguar në Kosovë. Me gjithë kritikat se po përdorin standarde të dyfishta në ndarjen e drejtësisë, me vendimet e tyre në disa raste e kanë “dridhur” skenën politike në vend, shkruan Zëri.

Gjyqtarët e Gjykatës Kushtetuese janë ndër zyrtarët më të paguar në Kosovës, të cilët me pagat e tyre, madje e tejkalojnë presidenten e Kosovës, Atifete Jahjaga.

I pari i kësaj GJykatë, Enver Hasani, i njohur në opinion me nofkën “Baba” merr pagë vjetore prej 42 mijë euro e 800 euro, rreth 3.600 euro në muaj, apo rreth 8000 më pak se Jahjaga.
Përpos pagave, gjykatësit e Kushtetueses, marrin edhe benificione të tjera të majme