Janë bërë afro tre vjet që prej se Haxhi Morina pret që Gjykata Themelore në Prizren të shqyrtojë padinë civile , lidhur me një rast  të lëndimit trupor  të djelit të tij  nga i mituri G.C.
Padia e tij, për kompenzim  të dëmit  në vlerë  prej 7 mijë e 500 eurosh  është lënë pezull prej vitesh nga Gjykata Themelore në Prizren.

“E tëra që kam kërkuar është që drejtësia të tregon  fjalën e vet  për rastin e fëmijës tim“, ka thënë Morina për “Koha Ditore“.

Zëdhënësja e Gjykatës Themelore në Prizren, Afërdita Kicaj  ka konfirmuar  se kjo lëndë nuk është shqyrtuar meqë rastet e kësaj natyre nuk trajtohen si prioritet.
Avokati Pjetër Përgjoka ka thekësuar ndërkaq  se zvarritja e lëndëve në gjyqësor krijon telashe edhe me mbrojtjen ligjore./PrizrenPress.com/

Asnjë nga deputetët aktual shqiptar në Kuvendin e Kosovës, nuk ka lidhje me shërbimet inteligjente të Serbisë.

Me këtë konfirmim që ka marrë drejtori i Agjencisë Kosovare të Inteligjencës, Bashkim Smakaj, Komisioni Parlamentar që mbikëqyr punën e AKI’së, konstaton që është zgjedhur përfundimisht dilema e ngritur kohët e fundit, veçmas pas deklaratave të disa individëve se pjesëtar të UDB’së ende veprojnë në Kosovë, madje të tillë ka edhe në Kuvendin e Kosovës, shkruan Tribuna.

Smakaj ka sqaruar këtë çështje gjatë raportimit që ka pasur të mërkurën para mbikëqyrësve parlamentar.

Partia Demokratike e Kosovës mëton të përmirësojë imazhin para se të hyjë në zgjedhjet nacionale, nëpërmjet një kriteri që do të vërë në procesin e përzgjedhjes së kandidatëve për deputetë të legjislativit të ardhshëm.

Në listë nuk do t;i përfshijë zyrtarët mbi të cilët rëndojnë akuza.

Një nënkryetar i këtij subjekti politik, që ka folur në kushte anonimiteti për :Koha Ditore”, ka thënë se imazhi është lënduar nga numri i madh i zyrtarëve partiakë që kanë probleme me ligjin.

Kryetar komunash, deputetë e anëtarë të ekzekutivit, janë përballur me drejtësinë në vitet e fundit.

Me 28 shkurt do të zyrtarizohet partia e Fatmir Limajt dhe Jakup Krasniqit. Ajo do të quhet Iniciativa Qytetare, të cilës do t’i bashkohen dega e Malishevës, Drenasit dhe Lipjanit.

Aktakuza e re kundër Fatmir Limajt nuk do ta ndal atë që të formojë subjektin e ri politik. Tashmë është vendosur që vet Limaj të jetë kryetar i kësaj partie që do të quhet Iniciativa Qytetare.

Zyrtarizimi i këtij subjekti pritet të bëhet me 28 shkurt në orën 117:00 në një ceremoni solemne që do të mbahet në sallën e kuqe të Pallatit të Rinisë në Prishtinë. Këtë e ka konfirmuar për gazetën “Zëri”, burime të afërta me udhëheqësin e kësaj partie.

Avokati i Fatmir Limajt, Tomë Gashii  i ka thënë “Rtklive”  se tanimë kjo praktikë e Eulex-it, që mbrojtja të informohet për aktakuzën përmes mediave dhe në orët e pasditës është bërë praktikë e përhershme.

” Në këtë orë të pasdites gjykata nuk punon dhe ne si mbrojtje nuk  kemi mundësi të marrim as aktakuzën dhe asnjë lloj informacioni zyrtar”, tha avokati i Limajt, Tomë Gashi.

Sipas tij, kjo praktikë e qëllimshme e Eulex-it, ka prapavijë të qartë për të dëmtuar palën mbrojtëse.

” Imagjinoni edhe ne jemi informuar përmes mediave sikurse të gjithë qytetarët e tjerë. Kjo përbën shkelje të drejtave bazë të akuzuarit”.

“Ne nuk kemi asnjë mundësi të komentojmë në mënyrë zyrtare aktakakuzën, pasi thjesht nuk e kemi. Na duhet të presim deri të nesërmen për të shkuar në gjykatë dhe për t”u njoftuar”, tha  Gashi.

Sipas tij, Limaj është marrë në pyetje vitin e kaluar për këtë rast.

”Ne si palë mbrojtëse, pretendojmë se është rasti i njejtë me çështjen e gjykuar që quhet çështja ” ministria e transporteve”. Akuza pretendon se është rasti i ri”, tha Gashi/rtklive/

Fatmir Limajt i është ngritur edhe një aktakuzë nga Prokuroria Speciale e Kosovës. Ai dyshohet për vepra ndryshme penale përfshirë –krim të organizuar, përvetësim, lidhje të kontratave të dëmshme, keqpërdorim të detyrës zyrtare ose të autoritetit, marrje e mitës dhe vepra të tjera të lidhura me korrupsionin. Prokurori pretendon se buxheti i Ministrisë së është dëmtuar për së paku 890 mije euro.

Sot, një prokuror ndërkombëtar nga Prokuroria Speciale e Kosovës (PSRK) ka ngritur aktakuzë kundër ish-Ministrit të Transportit dhe të Postë-Telekomunikacionit (Fatmir Limës) dhe katër personave të tjerë të bashkë-akuzuar për vepra të ndryshme penale përfshirë –krim të organizuar, përvetësim, lidhje të kontratave të dëmshme, keqpërdorim të detyrës zyrtare ose të autoritetit, marrje e mitës dhe vepra të tjera të lidhura me korrupsionin.

Prokurori pretendon se tre të pandehur kanë manipuluar me procedurat e tenderit, janë marrë me dhënie dhe marrje të mitës dhe me pengim të provuarit në lidhje me administrimin e dy tenderëve në kompetencë të Ministrisë së Transportit. Këta të pandehur pretendohet se i kanë kryer këto vepra për përfitim material personal. Dy të pandehur pretendohet se janë angazhuar në keqpërdorimin e autorizimeve ekonomike, si edhe në veprën penale të dhënies së mitës. Sipas prokurorit, këto vepra ndodhën më 2008 kur njëri prej të pandehurve punonte si Ministër i Transportit, njofton kumtesa nga EULEX-i .

Prokurori pretendon se buxheti i Ministrisë së Transportit është dëmtuar për së paku 890.000 euro.

Ky hetim i përbashkët është kryer nga Departamenti Kundër Korrupsionit i Policisë së Kosovës dhe nga Njësia e EULEX-it për Hetimin e Krimit të Organizuar (NJHKO) dhe është udhëhequr nga një prokuror ndërkombëtar nga PSRK.