Izraeli dhe Hamasi janë pajtuar për një armëpushim 72-orës në Gaza i cili do të fillojë nga ora tetë e mëngjesit të ditës së premte, kanë bërë të ditur Shtetet e Bashkuara të Amerikës dhe Kombeve të Bashkuara.
Që prej fillimit të sulmeve në Gaza më 8 korrik, janë vrarë 1 mijë e 422 palestinezë, shumica prej tyre civil, ka bërë të ditur Ministria e shëndetësisë në Gaza.
Në këtë konflikt gjithashtu janë vrarë gjashtë ushtarë izraelitë dhe dy civilë.
Izraeli ka pohuar se operacionet në Gaza kanë për qëllim mbrojtjen e popullatës nga sulmet e militantëve palestinezë.
“Gjatë kësaj kohe forcat tokësore do të mbesin në vendin e njëjtë”, kanë thënë Sekretari amerikan i shtetit, John Kerry dhe Sekretari i KB-së, Ban Ki-moon në një komunikatë të përbashkët.
“Ne këshillojmë që gjitha palët të veprojnë me qetësi derisa të fillojë armëpushimi”, thuhet në komunikatën e tyre.