Kryetari i Lidhjes Demokratike te Kosovës, Isa Mustafa, ka kritikuar përmes një postimi në Facebook një varg strukturash të shtetit, duke filluar nga kryeministri, presidentja, deputetët, këshilltarët etj.

Postimi i plotë i Isa Mustafa:

Shtet pa shtet, sot duket Kosova. Me jetë parlamentare të pezulluar, me Qeveri në ikje, Kryeministër i cili është edhe deputet, shumë ministra që janë deputet, këshilltar komunal, drejtorë e nënkryetarë të komunave njëherësh deputet, me konflikt interesi e në kundërshtim me Kushtetutën. Të gjithë këta marrin vendime të mëdha, pa asnjë përgjegjësi, pa i penguar askush. Këta që e kanë kapur shtetin dhe e kanë siguruar diktatin, pse mos të thonë zgjate zot, se kurrë me mirë nuk ka qenë, sepse Kosovën e shndërruan në livadhin e tyre. Por e vërteta është se ky vend ka rregulla, ligje dhe Kushtetutë, ka edhe institucione të pavarura, të cilat duket qartë se nuk kanë peshë për sundimtarët! E Presidentja, si i vetmi institucion me legjitimitet Kushtetues as nuk shtron pyetje dhe as nuk vepron, por lejon që të rrezikohet demokracia dhe ardhmëria e vendit. Dikush, duhet ta merr përgjegjësinë!

Kryeministri në detyrë Hashim Thaçi, me rastin e inicializimit të Marrëveshjes së Stabilizim-Asociimit me Bashkimin Evropian, ka thënë se nga sot është vulosur përcaktimi strategjik i Kosovës për t’u përcaktuar për vlerat e Unionit Evropian.

“Jemi në fillim të një procesi të integrimit me shumë sfida, mirëpo unë jam i bindur që ne kemi potencialin dhe vullnetin e duhur për t’i përballur me sukses çdo vështirësi. Këtij zhvillimi duhet ti gëzohemi të gjithë sepse sot jemi edhe më afër përmbushjes së aspiratës së popullit tonë për integrim Euro-Atlantik. HTH”, ka shkruar Thaçi në profilin e tij në Facebook.

Ardian Gjini, nënkryetar i AAK-së thotë se qeveria e ardhshme me kryeministër Ramush Haradinajn do të ketë qëllim përmirësimin e jetës së qytetarëve.

Gjini thotë se ka tendencë për rrënimin e shtetit, por siç shkruan ai në Facebook, kjo nuk do të lejohet.

Ja shkrimi i plotë i Gjinit në Facebook:

Po shihet tendencë e rrënimit të shtetit! Qëllimi i qeverisë së ardhshme do të jetë përmirësimi i jetës së qytetarëve të Kosovës.

Më saktësisht ajo do të thotë më shumë vende punë, paga më të mira, shkolla e universitete më cilësore dhe shëndetësi më të mirë.

Në gjuhën politike mund të përmbledhet si synim për sundim të ligjit dhe zhvillim ekonomik.

Por ka ardhur koha që qeverisë në ikje t’i bëhen të kjarta disa gjëra. Tendenca e tyre e pamoralshme dhe antipatriotike për rrënimin e shtetit do të dënohet.

Rrënimi i sistemit buxhetor përmes favorizimit të kompanive të afërta me pushtetin përmes doganës së Kosovës, ndarja e subvencioneve dhe tenderëve në mënyrë të palifjshme e poashtu edhe punësimi i aparatqikëve partiak pa asnjë kriter dhe pa mbulesë buxhetore do të dënohen.

Të gjithë udhëheqësit e institucioneve, cilat do qofshin ato do të përballen me padi penale nëse vazhdojnë t’iu nënshtrohen urdhërave të paligjshme të qevrisë së paligjshme në shkuarje.

Vendimet do të anulohen ndërsa të gjithë përfituesit do ta shohin vehten para gjyqit.

Nuk do të lehohet rrënimi i shtetit.

Edhe deputetët e Listës Serbe i janë bashkuar koalicionit LDK-AAK-NISMA për ta nënshkruar dokumentin që kundërargumenton pretendimet e PDK-së për shkeljet gjatë seancës së 17 korrikut për kryetar të Kuvendit,seancë ku Isa Mustafa mori 65 vota nga 83 deputetë të pranishëm.

Nënshkrimin nga Lista Serbe e konfirmoi kreu i AAK-së, Ramush Haradinaj.

Edhe kreu i Nismës, Fatmir Limaj, thotë se teksti i argumentimeve të bllokut LDK-AAK-NISMA, e së cilës sot iu bashkua edhe Lista Serbe, tashmë është gati, transmeton RTK.

LDK-AAK-NISMA dhe deputetët e Listës Serbe ligjërisht kanë kohë deri më 4 gusht për t’i dërguar në Gjykatën Kushtetuese vërejtjet rreth ecurisë së seancës konstituive të Kuvendit.

Kurse Kushtetuesja duhet të japë mendimin e saj më së largu deri më 18 shtator të 2014-s. Aktualisht, partitë janë në pritje vendimit të Gjykatës Kushtetuese në ankesën e PDK-së lidhur me mbarëvajtjen e seancës së 17 korrikut.

Shiu i furishëm që ka rënë ka shkaktuar probleme edhe në Prizren.

Nga kjo fotografi shihet se si rrjedhin ujërat e zeza në qendër të Prizrenit.

Jo vetëm në përvjetorin e rënies së tij por shpesh, familjarët shkojnë te varri i heroit Enver Zymberi.

Tek varri i heroit të Kosovës, kurora lulesh vendosën edhe bashkëshortja e tij dhe fëmijët.

Ajo thotë se përkrahja e njerëzve ua lehtëson dhimbjen.

“Ai ka ndërru jetë për Kosovën, dhe bëhen qe tri vite që ka ndërru jetë. Dhe sado pak për shembull, kur të vijnë të na vizitojnë e ndijmë një lehtësi”, tha ajo për RTV21.

“Vëllai im gjithë ka pasë qef me dhanë jetën për Kosovë”, tha motra e tij.

Ndërkohë nëna e policit të vrarë ka mbetur e paralizuar nga mërzia për djalin.

Enver Zymberi u vra para tre vjetësh në krye të detyrës në veri të Kosovës.

Sot pasdite ka rënë një shi i rrëmbyeshëm i përcjellë me breshër, në territorin e Komunës së Malishevës. Me këtë rast janë shkaktuar dëme të konsiderueshme, sidomos në bujqësi, përderisa janë regjistruar edhe vërshime në disa pjesë të Komunës. Ekipet emergjente kanë dalë në terren për t’ju dalë në ndihmë qytetarëve.

Sipas drejtorit të drejtorisë për Mbrojtje dhe Shpëtim, Ahmet Morina, është bllokuar rruga Malishevë-Rahovec, konkretisht në lagjen e Gurit në Malishevës. Aty vozitësit duhet të përdorin rrugë alternative. Po ashtu vërshime janë regjistruar edhe në disa lokale afariste.

Ekipet e zjarrfikësve dhe shpëtimit menjëherë kanë dalë në terren, sikur edhe Policia e Kosovës dhe zyrtarët e drejtorisë komunale për Mbrojtje dhe Shpëtim. /PrizrenPress.com/