“Nëna kishte ndërruar jetë në vend. Ndërsa babai ishte gjallë kur shkova në shtëpi, më kërkoi një gotë ujë”. Ky është rrëfimi rrëqethës i Edmond Kolgjinit, të cilit i është dashur që brenda pak minutave të shohë nënën, babanë dhe xhaxhain e tij të vdekur. 26-vjeçari në një intervistë për “Gazeta Shqiptare” rrëfen se çfarë ka ndodhur mëngjesin e së dielës në banesën e Ferit Kolgjinit, i cili pasi ka vrarë gruan e tij, Sulltanën, ka vrarë vëllanë, Danin dhe më pas ka vrarë edhe veten. Tragjedia ndodhi në Grecë të Pezës, një fshat rreth 10 km nga Tirana.

Çfarë ka ndodhur në shtëpinë tuaj mëngjesin që ka ndodhur ngjarja?

Çdo gjë ka qenë si zakonisht, si ditët e tjera. Unë jam zgjuar në orën 07:00. Nëna me babain kanë pasur komunikim normal mes tyre. Babai ka qenë normal, nuk kishte ndonjë shenjë që të tregonte se ne duhet të shqetësoheshim. Nëse do kishte një shenjë të tillë, unë vetë nuk do e lija që të bënte atë që bëri. Madje, mbaj mend që babai i foli njërit prej komshinjve në rrugë dhe i tregoi për fitoren e Holandës.

Po pastaj çfarë ndodhi?

Unë nuk kam qenë në shtëpi më pas, sepse kisha punë tek tokat që janë pak larg shtëpisë. Pasi e lashë çdo gjë normalisht në shtëpi, shkova tek tokat dhe pasi mbarova disa punë, rreth orës 09:30 u afrova pranë shtëpisë dhe pashë që jashtë në rrugë ishte parkuar makina e xhaxhait, Danit, i cili jetonte në Kombinat, por vinte pothuajse çdo javë në fshat. I thirra nënës që të më sillte ujë, se më kishte marrë etja. Por, pasi nuk m`u përgjigj njeri erdha në shtëpi që ta merrja vetë ujin, por edhe të takoja xhaxhain. Kur erdha pashë se çfarë kishte ndodhur.

Ku i gjetët trupat e nënës dhe babait?

Kur po vija në shtëpi, tek oborri në fillim gjeta trupin e gjakosur të xhaxhait, Danit. Pak më tutje, tek cepi i shkallëve ishte trupi i nënës. Iu afrova xhaxhait, ishte i ngrohtë akoma nuk kishte ndërruar jetë. E nisëm xhaxhain në spital, por vdiq sapo shkoi atje. Ndërsa, nëna kishte ndërruar jetë në vend. U futa brenda në shtëpi që të merrja një jastëk për t`ia vënë tek koka, por aty gjeta babain e shtrirë në tokë. Ai ishte gjallë, më kërkoi një gotë ujë, por unë nuk ia dhashë, sepse kujtova se ai nuk ishte plagosur.

Unë kam qenë i pari që i kam gjetur trupat e tyre në shtëpi dhe më pas kam lajmëruar policinë dhe xhaxhain, Mevlanin. Ai ka qenë në shtëpinë e tij dhe nuk është fare e vërtetë, se ai ka qenë në shtëpinë tonë para se të ndodhte ngjarja, sepse ai ka ardhur më vonë.

Po, përse mund ta ketë bërë babai juaj këtë veprim?

Këtë e dinë vetëm ata të tre se çfarë ka ndodhur, por ne mendojmë se ka qenë diçka e momentit, një depresion i momentit. Babai dhe nëna kanë shkuar mirë me njëri-tjetrin. Unë kam një vit që kam mbaruar shkollën e lartë dhe kam ardhur rri në fshat dhe e di mirë se çfarë marrëdhëniesh kishin ata me njëri-tjetrin.

Sekretari i Përgjithshëm i OKB-së Ban Ki-moon emëroi diplomatin veteran Staffan de Mistura në postin e të dërguarit të tij të ri për Sirinë.

De Mistura zëvendëson të dërguarin e mëparshëm, Lakhdar Brahimi, i cili dha dorëheqjen nga ky post në fund të majit, pas dështimit të raundit të dytë të bisedimeve të Gjenevës dhe zhvillimit të zgjedhjeve presidenciale në Siri.

67-vjeçari De Mistura, i lindur në Suedi dhe që ka gjithashtu kombësi italiane, ka një eksperiencë 10-vjeçare me poste të ndryshme në Organizatën e Kombeve të Bashkuara, mes tyre në disa prej misioneve më të vështira, si Afganistani dhe Iraku. Zoti Ban tha se këto eksperienca do t’i shërbejnë atij mirë në rolin e tij të ri:

“Ai do të sjellë të gjithë ekspertizën dhe eksperiencat që ka në negociatat tepër të vështira të paqes në Siri. Prandaj, unë kam besimin se ai do të jetë i aftë ta kryejë detyrën si i dërguar i posaçëm.”- tha Sekretari Ban.

Zoti De Mistura do të jetë vetëm i dërguar i Kombeve të Bashkuara, jo njëkokësisht edhe i Lidhjes Arabe, siç ishte zoti Brahimi. Zoti Ban tha se ai do të ketë një zëvendës arab, diplomatin egjiptian Ramzy Ezzeldine Ramzy:

“Në marrjen e këtij vendimi, unë jam konsultuar me disa njerëz, përfshirë edhe autoritetet siriane. I dërguari i posaçëm do ndihmojë në përpjekjet për t’i dhënë fund dhunës dhe shkeljeve të të drejtave të njeriut, si dhe do t’i japë shtytje zgjidhjes paqësore të krizës siriane.”- tha zoti Ban.

Zoti Ban Ki-moon i bëri thirrje komunitetit ndërkombëtar, Këshillit të Sigurimit të OKB-së dhe palëve të konfliktit në Siri, që t’i japin një mbështetje të përbashkët të dërguarit të ri, në mënyrë që ai të ketë sukses në misionin e tij.

Zoti de Mistura do ta marrë detyrën menjëherë, por nuk dihet në se do ta ketë bazën në Kombet e Bashkuara, në Gjenevë, apo në Damask.

Përfaqësuesi i Shteteve të Bashkuara në Koalicionin Sirian, Najib Ghadbian, e mirëpriti njoftimin e zotit Ban, duke thënë se grupi i opozitës siriane pret me kënaqësi që të bashkëpunojë ngushtë me zotin de Mistura dhe me ekipin e tij, për arritjen e një tranzicioni politik drejt vendosjes së demokracisë në Siri.

Ambasadorja e Shteteve të Bashkuara Samantha Power, po ashtu e mirëpriti emërimin e zotit de Mistura, por theksoi se ai do të ndeshet me sfida në rolin e tij të ri, përfshirë ndalimin e qpllimshëm nga qeveria siriane të ndihmave humanitare jetike që t’u shkojnë sirianëve në zonat e rrethuara dhe të ato të largëta.

Një grup i te rinjeve maqedonas kane sulmuar me gurre ne lagjen Porta vllae disa te rinje shqipatar te lagjes Nerez ku jane lenduar disa persona.Ne vendin e ngjarjes kane arritur ekipet policore si dhe njesiti Alfa te cilet jane vene ne ndjekje te grupit maqedonas.

Grup i te rinjeve shqipatrë deklaruan se kjo nuk eshte hera e pare qe ata provokohen nga maqedonasit ne kete lagje. Me poshte ju sjellim foto nga vendi I ngjarjes. Per me shum infromacione do tju njoftojme ne vazhdim.

Sekretari amerikan i Shtetit, John Kerry mbërriti në Afganistan në përpjekje për të zgjidhur situatën e tensionuar që po mbizotëron në këtë shtet që pas mbajtjes së zgjedhjeve presidenciale.

Kerry pritet të takohet me dy kandidatët që pretendojnë fitoren në balotazhin e muajit qershor, Abdullah Abdullah dhe Ashraf Ghani.

Presidenti aktual, Hamid Karzai nuk kandidoi në këto zgjedhje. Ai ishte nën drejtimin e vendit prej më shumë se 10 vjetësh, që pas ndërhyrjes së SHBA për rrëzimin e talebanëve.

Diplomati më i lartë i Amerikës paralajmëroi se Afganistani rrezikon humbjen e sigurisë dhe të mbështetjes, nëse dikush do të tentojë të marr pushtetin me mjete jo të ligjshme.

Rezultatet paraprake të shpallura nga autoritetet zgjedhore vendase japin 56.44% për Ashraf Ghani në balotazhin e 14 qershorit.

Të dy kandidatët kanë akuzuar njëri-tjetrin për vjedhje të votave. Gati një e treta e qendrave të votimit janë duke u rinumëruar votat.

Misioni i Asistencës së OKB-së në Afganistan i kërkoi të dyja palëve që t’i bëjnë thirrje përkrahësve të tyre të ruajnë qetësinë dhe të mos ndërmarrin hapa që mund të çojnë në destabilitet të vendit.