Në fshatin e tretur të Peshterit tash dy dekada s’ka pasur dasmë e as vaj fëmije, e pastaj… Arritën shtatë nuse shqiptare, të cilat beqarëve ua dhuruan (tash për tash) njëzet vogëlushë të shëndetshëm.

Deri para tetë vjetësh nga Bugjeva, fshat i Komunës së Sjenicës (Serbi), largoheshin me radhë pandërprerë. Kush për shkak të dimrave të egër dhe kushteve të rënda për jetesë, por më shumë për shkak të pamundësisë së djemve të këtushëm, punëtorë të mirë, që të gjejnë nuse dhe të themelojnë familje.

Dy dekada në këtë pjesë të Peshterit s’ka pasur dasmë, as vaj fëmije, shkollën po e kaplonte bari, kurse banorët e tjerë jetonin sot për nesër, pa shpresë për të nesërmen…

Bashkësia ndërkombëtare ka bërë thirrje për qetësi dhe qytetarët të përmbahen nga dhuna në Maqedoni.

Kjo thirrje është bërë nga ambasada e SHBA-ve, delegacioni i Bashkimit Evropian, OSBE dhe misioni i NATO-s në Shkup, pas protestave të dhunshme në Shkup, kundër dënimit të gjashtë shqiptarëve me burg të përjetshëm për vrasjen e pesëfishtë në Smilkovc të Shkupit që ndodhi më 12 prill 2012.

“I bëjmë thirrje qytetarëve dhe liderëve të shtetit që të bashkohen dhe në frymën e dialogut konstruktiv t`i adresohen çështjeve që minojnë mirëkuptimin reciprok dhe marrëdhëniet ndëretnike”, thuhet në komunikatën e përbashkët të lëshuar të premten në mbrëmje.

Në deklaratë thuhet se të gjithë qytetarët kanë të drejtë të protestojnë dhe të shprehin pikëpamejet e tyre në mënyrë paqësore, por jo edhe të përfshihen në akte destruktive dhe të dhunshme.

“Derisa çdo incident ndëretnik apo tentim për të nxitur jotolerancë paraqet mundësi për politizimin apo shfrytëzimin e situatës për qëllime personale apo politike, ajo gjithashtu paraqet edhe mundësi për hapjen e dialogut dhe për forcimin e lidhjeve ndërmjet bashkësive të ndryshme ndëretnike. Kjo është një mundësi që liderët të rreshtohen në emrin e një shteti të integruar që plotësisht respekton diversitetin”, thuhet në deklaratën e përbashkët.

“Po çfarë Italie, botërorin e humba unë, pasi isha duke ia shitur Balotelin një skuadre angleze për shumë miliona, por pas këtij botërori kush ma blen më?”. Kështu është shprehur Silvio Berlusconi nga Roma, gjatë Asamblesë së Grupeve Parlamentare të Forza Italia, ku foli për futbollin, botërorin dhe në veçanti për Mario Balotelin. Lajmi u bë i ditur nga agjencia e lajmeve “Adnkronos”, që citon informacionet e marra nga disa dëshmitarë. “Adnkronos” në fakt tregon se Silvio Berlusconi ka bërë shaka në lidhje me zhvlerësimin e Mario Balotelit pas aventurës së tij zhgënjyese në Botërorin e Brazilit.

Agjencia e shtypit bën të ditur se, Berlusconi siç tregojnë disa nga njerëzit që kanë qenë të pranishëm, iu ka zbuluar atyre se ishte duke ia shitur Balotelin një ndër klubeve më të mëdha angleze për afërsisht 35 milionë euro, por marrëveshja u ndërpre me eliminimin e Italisë nga botërori.

Kristjan Ndoj, 15-vjeç u qëllua për vdekje në 15 mars të këtij viti, në një rrugë pranë një shtëpie në Agawam Trail të qytetit Shelton, Connecticut, ndërkohë që ishte duke shkuar me biçikletë tek një miku i tij për ta takuar.

Djaloshi shqiptar mori plagë të rënda në kokë dhe në këmbë, nga të shtënat që erdhën nga pylli aty afër. Pesë ditë më vonë ai ndërroi jetë.

Menjëherë pas plagosjes, policia nisi hetimet për të zbardhur ngjarjen. Gjyshja e 15-vjeçarit deklaroi se ky i fundit kishte marrë disa kërcënime përpara se të plagosej për vdekje.

Policia ishte në dijeni për këtë informacion, ndërkohë që kishte nisur hetimet, por besonte se kjo nuk kishte lidhje me vrasjen e djalit.

Sot, 3 muaj pas vrasjes gjyshja Franga Ndoj, nipi i të cilës u qëllua për vdekje në mars, qëndron ende me një fotografi në duar të nipit, me lot në sy.

“Unë nuk jam ndjerë mirë; muajt e fundit kanë qenë tepër të vështirë”, tha ajo. “Unë mendoj se ata e dinë se kush e bëri atë, por ata nuk tregojnë asgjë. Do të ishte më mirë në qoftë se ne do ta dinim se çfarë ka ndodhur në të vërtetë”.

Sipas familjarëve është e pamundur, se si në një vend aq të populluar, mund të vrasësh lehtësisht një njeri dhe të vazhdosh të jesh i lirë. Hetimet vazhdojnë, ndërkohë që policia ende nuk ka asnjë pistë, apo as një të dyshuar.