Blloqet e krijuara mes PDK-së në njërën anë dhe LDK-së në anën tjetër, duhet të shkrihen ose vendi rrezikon që të shkojë në zgjedhje të jashtëzakonshme. Ky mesazh pritet që brenda ditësh t`u kumtohet liderëve të partive kryesore në vend nga përfaqësues të lartë ndërkombëtarë.

Deri te kjo situatë do të vijë pasi që të dyja blloqet, qoftë ai i PDK-së apo blloku LDK-AAK-Nisma, nuk do të mund t`i arrijnë 61 deputetë pa e pasur në koalicion Lëvizjen Vetëvendosje ose Listën Srpska. Varësia e Qeverisë së ardhshme nga këto dy subjekte parlamentare del të jetë e papranueshme për shkaqe krejtësisht të ndryshme.

Përfaqësuesit ndërkombëtarë në vend e vlerësojnë pozitivisht evoluimin e Vetëvendosjes por nuk mendojnë se Qeveria e ardhshme duhet të hyjë në aventura sa i përket dialogut me Serbinë.

Lëvizja Vetëvendosje ka evoluuar në qëndrimin e saj, por insistimi që të mos krijohet Asociacioni i Komunave Serbe do të çonte në dështimin e marrëveshjes së Brukselit, gjë që është e papranueshme.

Arsye krejt tjera, kanë bërë që i papranueshëm të jetë edhe koalicioni që do të varej nga nëntë deputetët e listës Srpska./tribuna/

Refuzimin e partive shqiptare që kanë fituar ulëse në Kuvend për të hyrë në koalicion me Partinë Demokratike të Kosovës, kjo e fundit po mundohet ta kompensojë duke “peshkuar” deputetët të LDK-së, AAK-së, “Vetëvendosjes” e Nismës shkruan sot “Koha Ditore”.

Përfaqësues të partive 0që tashmë janë bashkuar rreth një koalicioni paszgjedhor kanë thënë se kryeministri në detyrë me veprimet e tilla po mundohet të shkaktojë konfuzion.

Burime brenda PDK-s i kanë thënë gazetës se ka angazhim për sigurimin e numrave, në mënyrë që të formojnë qeverinë, duke “peshkuar” edhe nëpër partitë e tjera. Ata kanë thënë se punën do t’ua lehtësojë edhe mënyra e votimit, që do të kërkohet të bëhet në mënyrë të fshehtë. Sipas rregullores, mënyrën e votimit për zgjedhjen e Qeverisë e përcakton Kuvendi. Qeveritë e deritashme janë votuar me aklamacion.

“Po bëhen kalkulime të tilla, ka edhe deputetë të partive të tjera që janë afruar vullnetarisht. Mbetet të shihet si do të shkojë puna”, ka thënë zyrtari i PDK-së që nuk ka pranuar t’i përmendet emri në gazetë.

Analisti politik Nexhmedin Spahiu ja vlerësuar se, nëse Hashim Thaçi nuk arrin ta thyej bllokun opozitar, atëherë Ramush Haradinaj do të jetë kryeministri i ardhshëm. Spahiu ka deklaruar se PDK-ja ka disa deputetë të partive të tjera të cilët fshehurazi janë duke punuar për këtë parti.

“Unë e di se PDK-ja ka disa deputetë të partive të tjera të cilët deri me tani kanë punuar fshehurazi për PDK-në, por nuk e di sa është numri i tyre dhe sa do të mjaftojë ai numër për ta formuar qeverinë e re”, ka treguar Spahiu.

Ai ka thënë se koalicioni ndërmjet LDK-së, AAK-së dhe NISMËS është bërë me insistimin ambasadorëve mike të Kosovës.

“Blloku opozitar është kerr në koordinim me ambasadat mike të Kosovës”, ka thënë Spahiu duke shtuar se nuk do të ishte fundi i botës për Thaçin nëse shkon në opozitë . Duke folur për mundësinë e zgjedhjeve të reja për shkak të kësaj situatë që është krijuar, Spahiu ka thënë se nuk ka interes nga askush të shkohet përsëri në zgjedhje./Epoka e Re/.

Në selinë e BE-së në Bruksel vazhdojnë të thonë se nuk duan të përzihen në çështjet e brendshme të Kosovës, siç është formimi i Qeverisë së re pas zgjedhjeve, por në të njëjtën kohë dëshirojnë që, duke pasur parasysh investimet që ka bërë deri tash BE-ja dhe të ardhmen evropiane të Kosovës, të ruhet stabiliteti dhe të respektohen procedurat demokratike, shkruan sot Koha Ditore.

Diplomatët e vendeve të BE-së, të cilët kanë folur për gazetën me kushtin që të mos përmenden thonë se zyrtarisht BE-ja nuk përzihet në debatet se kush duhet ta formojë Qeverinë në Kosovë.

Por në të njëjtën kohë janë duke ndjekur me kujdes zhvillimet politike dhe presin që, në bazë të praktikave më të mira të demokracisë parlamentare, dhe në bazë të një „logjike të shëndoshë“ presidentja t’i ofrojë së pari mundësinë PDK-së, por nëse dështon Thaçi atëherë mandatin t’ia besojë koalicionit, i cili mund të sigurojë votat e mjaftueshme në Kuvend. Në BE thonë se “zgjedhjet e reja nuk janë të dëshirueshme”.

Avdullah Hoti demanton pohimet se LDK është duke negociuar me PDK-në për formimin e qeverisë.

“LDK nuk po negocion me PDK. LDK tashme e ka formuar koalicionin qe do te qeverise ne mandatin e ardshem.

Duket Rrokum TV ka rene pre e dezinformatave te “sherbimit per agjitacion e propagande” te PDK-se. Rrokum TV nuk mund te rrise shikueshmerine keshtu. Duhet te gjeje diqka me te besueshme per tu thene qytetareve”, ka shkruar Hoti në Facebook.

“Koalicioni LDK-AAK-Nisma e ka planin per cdo situate qe mund te krijohet nga veprimet e ulta qe mund te ndermarre PDK gjate procesit te konstituimit te Kuvendit dhe votimit per qeverine e shpreses.

Do te ishte mire per vendin qe PDK as mos te pranoje mandatin per formimin e qeverise duke ditur qe askush nga forcat politike shqiptare nuk deshiron te bashkepunoje me ta. Ata duhet te reflektojne per nje kohe te gjate derisa qendrojne ne opozite se perse askush nuk deshiron te bashkeqeverise me ta”, shkruan Hoti.

Sot kanë përfunduar punimet në Rudnicë të Rashkës, për gjetje të edhe një varreze eventuale masive për të cilën dyshohej.

Në vendin e koduar si “pika dy”, në Rudnicë, kanë përfunduar punimet dhe nuk janë gjetur dëshmi se aty janë varrosur trupa të personave. Këtë për Indeksonline e ka thënë edhe Drejtori i Departamentit të Mjekësisë Ligjore të Kosovës, Arsim Gërxhaliu.

“Sot janë ndërpre punimet në Rashkë. U krye edhe rasti i dytë në Rudnicë dhe nuk u gjet asgjë. E kontrolluam gjithë atë vend, por nuk pati asgjë”, tha Gërxhaliu.

Ai më tej shpjegoi se gërmimet do të vazhdojnë pas tri javësh në lokacionin tre në Rudnicë. Ai tregoi se palës serbe po i duhet kohë, pasi që po i mungojnë mjetet.

“Pas tri javësh do të rifillojnë gërmimet edhe në lokacionin e tretë. Pala serbe është duke pritur për donacione dhe për këtë punimet do të rifillojnë pas tri javësh në lokacionin e tretë”, tha Gërxhaliu.

Deputeti i Partisë Socialiste të Shqipërisë dhe shkrimtari Ben Blushi, thotë se Tirana ka të drejtën të mendojë se është Dielli rreth të cilit sillen shqiptarët në rajon, meqë është shteti amë.

Në emisionin “Zona e Debatit” në Klan Kosova, Blushi thotë se në këtë egocentrizëm duhet të dihet se çfarë raportesh kërkon Shqipëria me vendet tjera ku jetojnë shqiptarët, sidomos Kosovën.

“Gjatë këtyre 20 vjetëve gjatë hapjes së Shqipërisë dhe të Kosovës ndaj Shqipërisë, Shqipëria e ka dominuar Kosovën kulturalisht. Por, nuk do të vazhdojë kështu. Shqipëria po hyn në pesimizëm dhe Kosova është më optimiste”, thotë ai, transmeton Telegrafi.

Sipas tij, këtë kontrast ai e ka parë edhe sot në Prishtinë.

“Edhe sot në Prishtinë e shija këtë kontrast. Kosova është në fazë optimiste se ende nuk është konsumuar në ciklin historik, meqë mund të ketë pavarësinë e plotë që nuk e ka këtë sot, ekonomi më të fortë apo bashkim me Shqipëri, BE… Pra, ka pritshmëri të lartë dhe kjo jep më shumë frymëzim në Kosovë që të të prodhojë cilësi më të lartë kulture në raport me shqiptarët e Shqipërisë. Sot Kosova bën trend në muzikë, sport…”, thekson Blushi.