Ish- anëtari i LDK-së, Milazim Krasniqi, e ka komentuar dorëheqjen e Eqrem Kryeziut nga të gjitha funksionet e LDK-së.

“Më ka çuditur vonesa e saj, meqë e njoh moti Eqën. Kam pas kontribuar shumë në kuvendin e parë themelues të degës së LDK-së në Prizren që ai të zgjidhej kryetar”, ka shkruar Krasniqi në Facebook.

Madje, Krasniqi në këtë shënim në Facebook ka treguar edhe për “burrërinë” që ka, duke treguar se e ka përkrahur Eqën edhe në kohë krizash brenda asaj dege.

“Por, kur u largova nga LDK-ja në vitin 2000, qeshë zhgënjyer shumë me Eqën. Ai po ekzaltohej nga erozioni moral e politik që po e pushtonte partinë. Më qe dhimbsur që u bë mburojë e atij erozioni. Më është dhimbsur deri sot. Mirëserdhe, Eqë”, ka shkruar në fund Krasniqi.

Bashkëpunimi ndërmjet Policisë së Kosovës dhe asaj të Shqipërisë, do të vazhdojë edhe në këtë vit. Policët e të dy vendeve do të patrullojnë së bashku gjatë gjithë sezonit veror në territorin e Shqipërisë.

Kjo marrëveshje do të nënshkruhet nesër në një ceremoni të përbashkët në Drejtorinë Rajonale të Policisë së Prizrenit.

Sipas njoftimit, marrëveshja do të nënshkruhet nga drejtorët e përgjithshëm të dy policive, Shpend Maxhuni dhe Artan Didi të shoqëruar nga stafi i tyre.

Marrëveshja e patrullimeve të përbashkëta po zbatohet disa vite resht dhe ka të bëj me menaxhimin më efikas të fluksit të madh të shtetasve të Kosovës, që verojnë në bregdetin shqiptar.

Rreth 60 ankesa të deputetëve i ka pranuar Paneli Zgjedhor për Ankesa dhe Parashtresa, pas publikimit të rezultateve, raporton KTV.

Një numër prej 30 deputetësh të partive të ndryshme politike, kryesisht të atyre të LDK-së, nuk janë pajtuar me votat, të cilat i kanë fituar në bazë të rezultatit të publikuar.

Ata pretendojnë se gjatë numërimit u janë vjedhur votat, duke i kaluar personit të caktuar të po të njëjtës parti. 32 ankesa i kanë bërë vetëm deputetët e LDK-së, prej të cilave ka pasur rast që një deputet i ka bërë pesë ankesa.

Paneli Zgjedhor deri tash i ka shqyrtuar pesë ankesa, prej së cilës ka gjetur parregullsi.

Të pakënaqur me rezultatet janë edhe Partia e Behgjet Pacollit, AKR-ja, dhe Partia e Nenad Rashiqit.

Paneli Zgjedhor për Ankesa ka afat 72 orë për t’i shqyrtuar rreth 60 ankesa, e më do të dalë me vendime.

Ata të cilët nuk pajtohen me vendimin, mund t’i drejtohen Gjykatës Supreme. I gjithë ky proces mund të vonojë certifikimin e zgjedhjeve deri në 10 ditë.

Arben Gashi është solidarizuar me dorëheqjen e Eqrem Kryeziut nga postet në LDK. Ai e ka falënderu “Eqën” për kontributin që ka dhënë mbi 24 vite në LDK.

Gashi ka shkruar një postim të shkurtër në Facebook.

“Faleminderit per kontributin mbi 24 vite ne LDK dhe per Kosoven z. Eqrem Kryeziu” ka shkruar ai. /PrizrenPress.com/

Njëri nga anëtarët e LDK-së, Haxhi Avdyli, i cili në të njëjtën kohë bën pjesë edhe në Grupin e ekspertëve të Shëndetësisë së kësaj partie, e ka çmuar lartë dorëheqjen e kryetarit të Degës së LDK-së, në Prizren, Eqrem Kryeziut.

Mjeku Haxhi Avdyli, i përfolur si ndër kandidatët më serioz për të marrë timonin e degës së LDK-së, ka thënë se ky akt i Kryeziut duhet të vlerësohet, ndërkohë që ka bërë thirrje për unifikim dhe mobilizim të partisë.

“Vlerësoj lart aktin e përgjegjshmërisë qytetare të një lideri dinjitoz, sic është Prof. Eqrem Kryeziu. Ky akt duhet vlerësuar nga të gjithë, edhe nga ata që nuk janë pajtuar ndonjëherë me të. Ky njeri, sidoqoftë mbetet një figurë emblematike e respektuar për kontributin e tij në ngritjen dhe mbajtjen e shtëpisë sonë të përbashkët, LDK-së. Edhe ky akt është një kontribut në të mirë të LDK-së dhe shpresojmë që kjo s’do jetë fjala e tij e fundit. Sot, LDK ne Prizren ka nevojë më shumë se kurrë për unifikim, mobilizim, dialog mes nesh, punë dhe kontribut pozitiv të secilit aktivist për një ndryshim që do shkon në të mirë të LDK-së, të qytetit dhe Kosovës”, ka shkruar Avdyli në profilin e tij në Facebook.

Ndryshe, Eqrem Kryeziu pas humbjes në zgjedhjet lokale për kryetar të Prizrenit, dhe në garën për deputet të Kuvendit të Kosovës ka dhënë dorëheqje nga të gjitha pozitat në LDK. Kryeziu pos që ka qenë kryetar i degës së LDK-së në Prizren, ka qenë edhe anëtarë i Kryesisë Qendrore të partisë. Gazeta Blic