Këshilli për Mbrojtjen e Drejtave dhe Lirive  të Njeriut (KMDLNJ) në Prizren, ka kërkuar sot nga dy subjektet politike që gjatë fushatës së balotazhit të mos e ashpërsojnë gjuhën.
Koordinatori Bashkim Kajdomçaj, tha se KMDLNJ e ka vlerësuar si të qetë dhe me frymë tolerante pjesën e parë të zgjedhjeve, përkatësisht fushatën e zgjedheve të 3 nëntorit.

“Një frymë tolerante dhe fer ka qenë edhe në Komunën dhe Rajonin e Prizrenit. Partitë politike dhe kandidatët për kryetar komune kanë qenë të fokusuar shumë më tepër me programet e tyre për joshjen e votuesve, përkatësisht ofrimin e mundësive për jetë më të mirë e në radhë të parë krijimin e kushtevë për punësimin e të rinjve”

“Mirëpo, këto dy ditët e fundit jemi dëshmitarë të ashpërsimit të gjuhës së partive pretendonte në Prizren, përkatësishtë ato që do të jenë në balotazh. Kjo atmosferë me tendenca të përkeqësimit nuk është në frymën e vlerave për të cilat jo rrallë thirren të gjithë liderët dhe partitë. Ajo, tejkalon çdo kufi dhe shkakton, huti jo vetëm tek anëtarët e partive por dhe tek të gjithë votuesit, çoftë edhe të papërcaktuar politikisht”.

Kajdomçaj tha se KMDLNJ-së në Prizren, po i përcjell me shqetësim këto zhvillime negative. Ai u bënë thirrje liderëve partiak që të ndalin këtë qasje dhe të punojnë për krijimin e klimës sikur para 3 nëntorit.

“Partitë dhe liderët, duhet t’u kthehen programeve dhe jo ngritjes së tensionit në mes tyre dhe votuesve të tyre.Ato, bashkë me KKZ-në duhet të punojnë shumë më tepër që të mos kemi numër kaq të madhë të votave të pavlefshme, përmes edukimit të votuesve. Duhet që të gjithë bashkë të krijojnë kushte për votim të drejtë e të pavarur dhe që secila vot të shkoj aty ku e dërgon secili votues. Lëshimi në akuza e kundër akuza nuk është që do t’i sjell vota asnjërit subjekt a kandidatë. Këtu humbës do të jenë të gjithë. Poashtu, QR e KMDLNJ-së i bënë thirrje forcave garuese që varësishtë rezultatit, që del nga zgjedhjet e organizuara drejt, të pranojnë rezultatin e tyre, me c’rast do të rikthehej atmosfera tolerante dhe besimi tek çdo votues”. /PrizrenPress.com/

Me qëllim të mobilizimit të strukturave të partive të kualicionit të madh për Prizrenin Europian, sot në Zym të Hasit është mbajtur takim me strukturat e PDK-së, AAK-së dhe të LDK-së të fshatrave, Zym, Krajk dhe Bregdri. Në këtë takim ka marrë pjesë kryetari i tanishëm i Komunës së Prizrenit, Ramadan Muja, Lulzim Kabashi ish kandidat i kualicionit AAK- LDD, Fatmir Kastrati kryetar i degës së AAK-së në prizren, Minir Krasniqi, kryetar i PDK-së në Prizren, dhe shumë anëtarë të kryesive të partive të kualicionit.

Ramadan Muja, para strukturave udhëheqëseve të nëdegëve ka theksuar se “kualicioni që kemi lidhë me AAK- LDD, është forcë moterike, me të cilët parnterë edhe në mandatin e kaluar kemi bashkëqeverisur dhe në të ardhmën do të jemi së bashku”. Kandidati për kryetar të Komunës së Prizrenit, Ramadan Muja ka kërkuar nga të pranishëmit, që më 1 dhjetor të mobilizohen të gjithë, në mënyrë që të dëshmojnë për fitoren e madhe të konceptit për Prizrenin Europian.

Në vazhdim, para strukturave ka folur Lulzim Kabashi, i cili pasi i ka falenderuar strukturat të subjektit që ai i përfaqëson, ka theksuar se AAK dhe LDD e kërkojnë votën nga simpatizuesit tanë për ramadan Mujën, sepse është zgjidhja më e mirë e mundshme për ta vazhduar rrugëtiomin e përbashkët për një zhvillim të qëndrueshëm të Prizrenit.

Kabashi në fjalën e tij ka apeluar tek strukturat e partive në kualicion, që të mos lejojnë që vota e tyre të humbet, duke votuar për LDK-në, që është parti e interesave personale.

Ndërsa Fatmir Kastrati, tha se jemi bërë bashk me PDK-në për balutazh dhe jemi këtu para jush, sepse jemi të bindur në fitoren e sigurt të Ramadan Mujës më 1 dhjetor.  “Premtuimet tona, që i kemi dhënë gjatë fushatës zgjedhore tani janë premtime edhe të PDK-së dhe se të gjitha projektet tona do të realizozhen vetëm me fitoren e kandiodatit tonë të përbashkët”, tha Kastrati. Ai ka theksuar se edhe implementimi i Ligjit për Zymin do të bëhet vetëm nëse fiton kualizcioni ynë, që është kualicion i gjerë për Prizrenin Europian./PrizrenPress.com/

Kanë vazhduar takimet e kandidatit të Partisë Demokratike të Kosovës dhe përfaqësuesve të koalicionit me qytetarët e tri nëndegëve; “ 10 qershori”, Vëllezërit Stavileci”, dhe atyre të lagjes “ Lidhja e Prizrenit” në shkollën fillore “Mustafa Bakiu” në Prizren.

Në këtë takim përveç strukturave udhëheqëse të degës së PDK-së në Prizren dhe partnerëve të koalicionit nga radhët e AAK-LDD, KDTP, VAKT dhe NDS ishe i pranishëm edhe nënkryetari i kryesisë qendrore të PDK-së, njëherit Ministër i Ministrisë së Punëve të Jashtme Enver Hoxhaj

Në emër të Shtabit zgjedhor të PDK-se ka folur Nijazi Kryeziu i cili ka kërkuar nga banorët e këtyre lagjeve që të vazhdojnë angazhimin e palodhshëm që me 1 dhjetor fitorja e kryetarit Muja të jetë me një diferencë edhe më të thellë se sa ishte në zgjedhjet e 3 nëntorit.

Kryetari aktual dhe i ardhshëm i komunës së Prizrenit gjatë fjalës së tij ka falënderuar të gjithë qytetarët e komunës së Prizrenit për besimin e dhënë më datën 3 nëntor duke shtuar se, qeverisja e mirë që është bërë në komunën e Prizrenit është dëshmuar me numrin e madh të votave që kemi në krahasim me kundër kandidatët tjerë, dhe afrimi i shumicës së spektrit politik i cili është bashkuar në koalicion me PDK-në është dëshmia më e mirë së qyteti i Prizreni është qeverisur mirë gjatë mandatit të kaluar dhe kjo mirë qeverisje duhet të vazhdoj edhe për një mandat.

Ministri i Ministrisë së Punëve të Jashtme të Republikës së Kosovës njëherit nënkryetar i PDK-së, ka than se krytarit Muja, vetëm duhet ti vazhdohet mandati me 1 dhjetor, sepse ky është vullneti i qytetarëve të Komunës së Prizrenit, ata e vlerësojnë punën e mirë të kryetarit Muja dhe kjo do të dëshmohet në fitoren e radhës të balotazhit./PrizrenPress.com/

Publikimi nga portali “Gazeta Expres” i një raporti dhe linku nga Qendra e Numërimit të Votave rreth rezultateve të zgjedhjeve lokale për kandidatët e Kuvendit të Komunave, që fillimisht mendohet të jetë jozyrtar, jep të kuptohet se organi më i lartë lokal i Prizrenit në përbërje ka 14 subjekte politike.

Nga tabela e publikuar del partia që më së shumti mori vota, PDK-ja ka siguruar 11 këshilltarë, ndërsa pas vijnë LDK-ja me 10, Bashkimi Demokratik dhe koalicioni AAK-LDD nga 4, Lëvizja Vetëvendosje dhe KDTP ( Partia Demokratike Turke) nga 3 vende.

Partitë boshnjake NDS dhe VAKAT kanë nga 2 këshilltarë, ndërsa me nga një këshilltar do të përfaqësohen Partia Konservatore e Kosovës, Aleanca Kosova e Re, Partia e Drejtësisë, Nisma Qytetare për Prizrenin, Partia turke KTAP (Kosova Turk Adalet Partisi) si dhe ajo e komunitetit boshnjak CDU (Centar Demokratske Unije).

Ndryshe PDK-ja, që prej vitit 2008 mban qeverisjen në këtë komunë, pas zgjedhjeve të fundit në Kuvendin e Prizrenit do t’i ketë 11 ulëse, apo një më shumë se LDK-ja, që deri në balotazh llogaritet si opozitë.

Çudit fakti se në raportin e publikuar, numri i kuvendarëve në Prizren është rritur për 4 ulëse, ndërsa përbërja e ardhshme e Kuvendit të Prizrenit do ketë 45 këshilltarë komunal, të cilët përfaqësojnë 14 subjekte politike, përfshirë këtu një Iniciativë Qytetare.

Ilir Baldedaj, zyrtar në Komisionin Komunal të Zgjedhjeve, tha se në disa raste KKZ ka rezultate, të cilat bien ndesh me ato të publikuara në këtë rast, ndërsa sa i përket numrit të vendeve ai tha se ne bazë të shkresës zyrtare të KQZ Prizreni ka 41 këshilltarë të Asamblesë.

Edhe Kujtim Gashi, zyrtar në degën e PDK-së, tha se ndonëse të dhënat e publikuara janë të përafërta, numri i ulëseve në Kuvend, sipas numrit të banorëve, është përcaktuara nga Ministria e Pushtetit Lokal dhe ajo mund të bëjë ndryshime eventuale.

Referuar të dhënave të publikuara, del se anëtarë të rinj të Asamblesë në Prizren nga PDK-së janë Nijazi Kryeziu, që ishte bartës i listës, pastaj Alush Shala, Shukri Çuni, Shaip Buduri, Kujtim Gashi, Kastriot Krasniqi, Masar Shala, Luljeta Veselaj, Lumnije Rakaj, Fahrije Bytyqi dhe Agnesa Bytyqi.

LDK-ja përfaqësohet nga Mybera Mustafa (bartëse e listës), Eshref Memaj, Xhavit Ukaj, Haziz Hodaj, Qemajl Krasniqi, Salajdin Fanaj, Hanefi Muharremi, Kimete Hoxha, Latif Dakaj dhe Naxhije Memaj.

Pjesë e Bashkimit Demokratik janë Osman Hajdari, Skënder Susuri, Ganimete Hoxha dhe Lirije Bytyqi, ndërsa koalicioni AAK-LDD përfaqësohet nga Fatmir Kastrati, Bujar Nerjovaj, Emine Avdyli dhe Vjollca Kabashi.

Pjesë e Asamblesë komunale për herë të parë, do të jetë edhe Lëvizja Vetëvendosje, me Artan Abrashin, Drita Millakun dhe Arbër Rexhajn.

Duke qenë bartës të listës, të drejtën për të qenë pjesë e përbërjes së re të Kuvendit e kanë edhe Munir Basha, nga Partia Konservatore e Kosovës, Naser Bresa nga AKR, Azam Dida nga Partia e Drejtësisë dhe Fadil Kryeziu, nga Nisma Qytetare për Prizrenin.

Sa u përket partive të minoriteteve, më e përfaqësuar doli KDTP (Kosova Turk Demokratik Partisi), me Levent Busin, Sencar Karamucon dhe Sevil Kazazin, pastaj Nova Demokratska Stranka (NDS) me Oruç Karadollamin dhe Ermina Jonuzin, ndërsa KTAP-ne turke e përfaqëson Cemil Luma dhe Mercan Osmani, do ta përfaqësojë CDU-ne boshnjake.

Sido që të jetë mbetet të shihet nëse gjërat do të ndryshojnë nga publikimi që pasohet me mundësi të ankesave nga kandidatët, e më pas edhe certifikimi i rezultateve, që edhe rrumbullakon procesin votues./Zëri/

PDK-ja dhe LDK-ja fillojnë fushatën zgjedhore për balotazh në Prizren. PDK-ja tubimin zgjedhor do të fillon Mushnikovë, për të vazhduar me elektoratin në Arbanë dhe Lubizhdë të Qytetit.

“ Tubim elektoral në Mushnikovë mbahet në Shtëpinë e Kulturës.Në ora 18:00 po ashtu mbahet tubimi në lagjen “Arbanë ‘’, në SHFMU ‘’ Ibrahim Fehmiu ‘’ dhe në ora 19:00 – tubim elektoral mbahet në Lubizhdë të Qytetit, përkatësisht në shkollën “Ekrem Rexha’ “, thuhet në njoftimin e PDK-së.

Edhe LDK-ja fushatën zgjedhore për balotazh do të fillojë sot në orën 13:00 në Hotel “Theranda”, ku do të takohen gratë e kësaj partie.

“Ndërsa në orën 14 në Shtëpinë e Kulturës “Xhemali Berisha” mbahet tubim zgjedhor me anëtarët dhe simpatizantët e lagjes “7 shtatori””, njofton LDK-ja. /PrizrenPress.com/

Më afër duken zgjedhjet e jashtëzakonshme sesa përfundimi i reformës zgjedhore, e nisur prej më shumë se 2 vjet e 7 muajsh. Këtë fakt e pranojnë edhe partitë politike opozitare, të cilat megjithëse thonë se nuk do të ishte mirë që vendi të shkonte pa reformë edhe në një palë zgjedhje të përgjithshme, ato po i ndiejnë më afër se kurrë.

Partitë opozitare, të përfaqësuara në Kuvendin e Kosovës, thonë se është mungesa e vullnetit politik ajo që ka sjellë në këtë situatë, derisa e akuzojnë direkt liderin e PDK-së, Hashim Thaçi, si bllokues të këtij procesi, transmeton Koha.

“Vetëvendosje” thotë se vendi po rrezikon të shkojë në zgjedhje pa reformë, megjithëse, sipas tyre, nuk është ligji aktual ai që i ka fajet, por vjedhja industriale, që është bërë nga vetë partitë politike.

AAK-ja do që puna për reformën zgjedhore të nisë menjëherë pas balotazhit. Për AAK-në nuk është vetëm Thaçi fajtor për bllokimin e reformës. Bllokimi i punës për reformën është bërë për shkak të mospajtimeve që kanë liderët politikë për zgjedhjen e presidentit, nëse duhet të jetë zgjedhje e drejtpërdrejt nga qytetarët, apo nga Kuvendi i Kosovës.

Çështje të hapura, pos zgjedhjes së presidentit, kanë mbetur edhe përbërja e KQZ-së dhe e vendeve të rezervuara në Kuvendin e Kosovës.

Ndërkohë, pajtimi është arritur për zonat zgjedhore, ku është vendosur të jetë vetëm një zonë, si dhe që në zgjedhje të shkohet me lista të hapura.