Këshilli Organizativ i Protestës në shenjë kundërshtimi dhe pakënaqësie me arrestimet e fundit të ish ushtarëve te UÇK-së të njohur si “Grupi i Drenicës”, ka njoftuar se të hënën nga ora 12.00 do të këtë marsh paqësore.

Kryetari i këshillit organizativ, Veton Raci, gjatë një konference për media ka thënë se janë këtu që t’i tregojnë EULEX-it që nuk durojnë që çlirimtarët t’i trajtojë si kriminel sepse kriminelet janë duke u shëtitur rrugëve të Beogradit, raporton KP.

Ata i kanë bërë thirrje EULEX-it që t’i lirojnë nga paraburgimi të gjithë luftëtarët e UÇK-së. Ata kanë paralajmëruar se më 18 nëntor 2013, në ora 12.00 do të këtë marsh paqësore.

Shefi i Zyrës greke në Prishtinë, Dimitrios Moschopoulos në prononcim për Radio Dukagjinin ka thënë se Greqia e mbështet anëtarësimin e Kosovës në Bashkimin Evropian. Ai ka theksuar se shteti i tij është në dijeni se anëtarësimi në BE përfshinë edhe njohjen e pavarësisë së Kosovës.

“Ne duam që Kosova të bëhet anëtare e Bashkimit Evropian, dhe gjitha proceset që kjo rrugë përfshinë. Ju e dini se në Bashkimin Evropian të gjithë e njohin njëri tjetrin. Nuk ka anëtarësim pa njohje. Ne e dimë shumë mirë këtë”, ka thënë Moschopoulos i cili ka shtuar se “Ne jemi në një pozitë ku nuk kemi ndryshuar qëndrim karshi mosnjohjes së pavarësisë së Kosovës, por jemi në dijeni se integrimi i Kosovës në Bashkimin Evropian e bën të pashmangshme njohjen e shtetit tuaj”.

Moschopoulos ka theksuar se Greqia ka marrëdhënie të shkëlqyera me Kosovën dhe ka potencuar se shteti i tij e ka mbështetur Kosovën në anëtarësimin në shumë institucione ndërkombëtare.

Ka arritur në orën 12:30 kryeministri i Serbisë, Ivica Dacic në pjesën veriore të Mitrovicës ku është pritur nga mijëra banorë serb të tubuar në sheshin kryesor të Veriut të Mitrovicës.

Daçiq është duke marrë pjesë në sheshin e quajtur “Shumadia”, ku është duke u mbajtur edhe tubimi elektoral Listës Serbe, subjekt ky i cili ka mbështetje të plotë nga Qeveria e Serbisë.

Kryeministri serb është duke qëndruar në veri tw Mitrovicws me Ministrin pa Portofol Aleksandar Vulin si dhe Ministren Zoran Mihajlovic.

Kjo e fundit ka apeluar qytetarët e pjesës veriore që të dalin në zgjedhje.

“Nuk na duhet bojkoti. Ata që bëjnë thirrje për bojkot, janë kundër shpresës. Duhet të dilni në zgjedhje sepse kjo është e vetmja mënyrë t’i ruajmë vendet e punës”, ka thënë Ministrja Mihajlovic në tubimin në Mitrovicën e Veriut, transmeton Indeksonline.

Mediat serbe bëjnë të ditur se, forca të mëdha të sigurisë janë duke e vëzhguar situatën. Në mesin e tyre ka pjesëtar të Policisë së Kosovës, EULEX’it si dhe KFOR’it.

Në vend të ngjarjes shihen edhe autobusë dhe makina me targa të qyteteve të ndryshme të Kosovës dhe Serbisë, gjë që tregon se një pjesë e madhe e pjesëmarrësve në këtë tubim, nuk janë nga Veriu i Mitrovicës.

Në kuadër të projektit të monitorimit të transparencës së ekzekutivit komunal të Prizrenit, “EC Ma Ndryshe” gjatë muajit tetor ka shqyrtuar çështjen e shpenzimeve në gjashtëmujorin e parë të vitit 2013.
Monitoruesja Elmedina Baxhaku, tha se raporti i shpenzimeve të Drejtorisë së Ekonomisë dhe Financave zbulon se në pjesën e parë të këtij viti nga buxheti komunal i Prizrenit janë shpenzuar mbi 113 mijë euro për karburante për vetura, dhe afër 35 mijë euro të tjera për mirëmbajtjen dhe riparimin e tyre.

“Shpenzimet e telefonisë mobile për periudhën gjashtë mujore janë mbi 21 mijë euro. Ndërsa për drekat zyrtare janë shpenzuar mbi 46 mijë euro, derisa mbi 10 mijë euro kanë kushtuar manifestimet e ndryshme. Për udhëtimet jashtë vendit janë shpenzuar mbi 25 mijë euro të buxhetit komunal, derisa udhëtimi brenda vendit në 6 muaj ka kushtuar mbi 22 mijë euro”

Monitorimi, sipas saj, pas krahasimit me shpenzimet e vitit të kaluar ka konstatuar se komuna nuk i ka marrë parasysh rekomandimet e shoqërisë civile që kanë pas për qëllim sjelljen më të përgjegjshme dhe menaxhimin më të mirë të buxhetit nga ana e zyrtarëve të komunës. “Përkundrazi është vazhduar me praktika të njëjta. Në 6 mujorin e parë të vitit 2012, komuna e Prizrenit për karburante për vetura ka shpenzuar 112 mijë euro, derisa për mirëmbajtjen dhe riparimin e tyre janë shpenzuar afro 32 mijë euro. Shpenzimet e telefonisë mobile në 6-mujorin e 2012-ës kanë qenë mbi 15 mijë euro, derisa për drekat zyrtare dhe manifestimet e ndryshme janë shpenzuar 31 mijë euro. Edhe shpenzimet jashtë vendit një vit më parë kanë kushtuar rreth 18 mijë euro”

Vitin e kaluar “EC Ma Ndryshe” ka konstatuar se praktikat e këtilla të shpenzimit të parasë së buxhetit komunal janë në kundërshtim me realitetin social dhe ekonomik të qytetarëve të Prizrenit. Shihet se komuna ka vazhduar me logjikën e njëjtë të shpenzimeve, edhe përkundër rekomandimit të qartë të monitorimit nga viti i kaluar për më shumë kujdes.

”Përkujtojmë qeverinë komunale që duhet t’i zbatojë standardet e qeverisjes së mirë, të cilat janë: përqendrimi në rezultate që janë në dobi të qytetarëve; sigurimi se qytetarët marrin shërbime të mira, me vlerë të shtuar për taksat e tyre; llogaridhënia; promovimi i vlerave të institucionit, duke dhënë shembull me sjellje të përgjegjshme dhe menaxhim të mirë të buxhetit dhe vendimmarrja transparente. Arsyetimi i dhënë nga zyrtarët e komunës së Prizrenit është se në këto shpenzime bëjnë pjesë edhe borxhet e shlyera nga viti 2012. Sipas tyre 37.500 euro ka qenë borxhi i paguar për karburante dhe 4 mijë euro për dreka zyrtare. Ata kanë pohuar se për gjashtë muaj të 2013-s janë shpenzuar 80 mijë euro për karburante, ku mbi 55 mijë euro janë karburante për vetura dhe afër 25 mijë euro janë derivatet për gjenerator”
Megjithëkëtë, “EC Ma Ndryshe” konstaton se qeveria komunale brenda 6 muajve të 2013-s nuk ka aplikuar standarde të qeverisjes së mirë në menaxhimin adekuat të buxhetit dhe nuk e ka marrë parasysh faktin se menaxhon me buxhetin e një komune me nivel mjaft të dobët të zhvillimit ekonomik dhe me tregues alarmant të niveleve të varfërisë, papunësisë dhe rasteve sociale.

Për këto arsye “EC Ma Ndryshe” rekomandon Komunën e Prizrenit që:

– Të merr masa adekuate për ndalimin e praktikave të deritanishme të përvetësimit dhe devalvimit të parasë publike;
– Të bëj rishqyrtimin e vijave buxhetore për vitin aktual dhe të ardhshëm dhe të shkurtoj shpenzimet në kategoritë e lartpërmendura; dhe
– Të na i paraqet faturat e jo raportet e përmbledhura, për të vërtetuar transparencën dhe llogaridhënien
.