15.8 C
Prizren
E mërkurë, 29 Maj, 2024

Radhë për “Edith” të Albatros Rexhajt

albatros rexhaj panair“Edith”, romani i fundit i Albatros Rexhaj, autor nga Prishtina, ka debutuar suksesshëm në Panairin e 16-të të librit Tirana 2013. Në një atmosferë relaksuese dhe pa protokoll, të mërkurën, në ora 18, shumë lexues u mblodhën te stenda Dudaj dhe e krijuan një atmosferë që rëndom shihet në panairet e vendeve tjera. Lexues të profileve të ndryshme, brezave të ndryshëm, djem dhe vajza, pritën në radhë që ta takonin dhe ta merrnin firmën e autorit.Vlen të ceket se gjatë tërë ditëve të panairit, shkrimtari Rexhaj, e ka një agjendë të ngjeshur të aktiviteteve si në panair ashtu edhe në mediet e Tiranës.

“Jam shumë i lumtur për përkrahjen që po ma japin mediet e Tiranës dhe sidomos për ngrohtësinë që e tregojnë ndaj meje si një shkrimtar që në Tiranë vjen nga Prishtina”, shprehet Albatrosi për KultPlus.

Një ditë më parë, në një auditor të zgjedhur, mes intelektualësh, krijuesish e lexuesve të shumtë, Albatros Rexhaj, promovoi në mjediset e Pallatit të Kulturës “Labëria”, në qytetin e Vlorës, romanin “Edith”. Në këtë takim përshëndetën edhe nënkryetari i Bashkisë së Vlorës, Ilir Banushi, ndërkohë që kryeredaktori i Shtëpisë Botuese “Dudaj”, Sejdin Cekani, u shpreh se “Edith” është një nga botimet më të mira që ka realizuar kjo shtëpi.

Për më shumë se 90 minuta, në këtë mjedis të zgjedhur, u bashkëbisedua rreth krijimtarisë së Rexhajt dhe vlerave të saj, ndërkohë që autori ju përgjigj pyetjeve dhe interesimit të të pranishmëve.

Më Shumë

Në Gjonaj të Hasit përkujtohet 25 vjetori i “Shigjetës”

Në Gjonaj të Hasit po përkujtohet 25 vjetori i Operacionit “Shigjeta”, Drejtimi Operativ 2. Në këtë manifestim përkujtimor po marrin pjesë ish-udhëheqës të luftes së...

Nënëkryetari Kujtim Gashi nderon martirët e ‘Lagjes së Trimave’ në Prizren

Nënëkryetari i Komunës së Prizrenit, Kujtim Gashi, së bashku me zyrtarë të ekzekutivit, familjarë të dëshmorëve, përfaqësues të shoqatave të dala nga lufta e...

Lajmet e Fundit