Filmat e krijuar gjatë Shkollës Regjionale të Filmit Dokumentar “ACTive” patën premierën në Festivalin “Pravo Ljudski” në Sarajevë. “ACTive” i parë u mbajt në Prizren gjatë muajit korrik të këtij viti, kur 16 filmëbërës të rinj dhe të talentuar nga Ballkani morrën pjesë në një proces intensiv 8 ditësh të zhvillimit të idesë, shkrimit, hulumtimit si dhe regjisë dhe montimit të filmave të tyre.
Rezultati i kësaj punëtorie ishin pesë filma dokumentar të shkrutër të cilët tregojnë storie që nga jeta e një çifti lezbik në Kosovë, marrëdhëniet njerëzore në një hostel të Prizrenit apo jeta e një kasapi të ri të quajtur Ergjan.
“Debris” nga Aleksandra Aleksovska, Andi Thaqi, Jovanche Nedelkovski; “Invisibles” nga Ishak Jalimam, Monika Šimunac, Nita Zeqiri, Petar Antevski; “Small Talk” nga Darko Aleksovski, Sanja Raševi?, Vanesa Musovi?; “Spring in Summer” nga Edin Alija, Mila Radonjikj, Vanja Ristic dhe “Within” nga Lejla Mušanovi?, Norika Sefa, Relja Peki? ishin pjesë e programit “The Future is Here: Balkan Dox Workshops” të Zoom Rights, që është program i dedikuar të rinjëve në Festivalin e Filmit “Pravo Ljudski”. Filmat e prodhuar nga nxënësit e shkollave të mesme përmes programeve edukative të festivaleve regjionale Slobodna Zona, “Dokufest” dhe “Pravo Ljudski” poashtu u shfaqën si pjesë e këtij programi, i cili pati si qëllim të prezantonte gjeneratën e re të filmëbërësve nga Ballkani.
“ACTive” organizohet nga organizata të filmave dokumentar dhe filmëbërës nga Ballkani dhe Evropa, të cilët kontribojnë në skenën e medies së re dhe filmit dokumentar në rajon – “Studiorum” (Shkup), “Pravo Ljudski Film Festival” (Sarajevë), “DokuFest” (Prizren) dhe “MakeDox” (Shkup). Projekti është i mbështëtur nga Balkan Trust for Democracy (BTD).