Kandidati   i PDK-së për kryetar të Prizrenit, Ramadan Muja është takuar me elektoratin  në  “Lagjen e  Trimave”, “ Xhevat Berisha” dhe  “Kongresi i Manastirit” .

Para një  elektorati të zjarrt, Muja tha se  “Lagjeja  e Trimave” ka qenë dhe do të mbetet bastion i PDK-së.“Nga kjo lagje kanë filluar organizmet e para të luftës së UÇK-së për rajonin e Prizrenit. Fal sakrificës dhe gjakut të derdhur për liri të horonjëve dhe martirëve të kesaj lagjeje,  Prizreni dhe Kosova gëzon pavarësin dhe prosperitetin europian”.

Muja, potencoi edhe shumë prej të arriturave të deritanishme, që  janë bërë në këtë lagje të rëndesishme të qytetetit, duke veçuar rregullimin rrugës, e cila mban  emrin e heroit të kombit “ Xhevat Berisha”.

“Qeveria lokale e Prizrenit e udhëhequr  do vazhdojë që edhe në të ardhmën t’i kushtojë kujdes të veqant kesaj lagjeje”. Ai garantoi se në  mandatin e ardhshëm katër vjeçar, nuk do te ndihet mungesa e ujit te pijshëm në këtë lagje. “Fal bashkëpunimit të mire qe kemi me Hidro -Regjionin Jugor, janë siguarur sasi të mjaftueshme të ujit të pijes”

Bartësi i listes se PDK-se, Nijazi Kryeziu, gjatë fjalimit të tij, para bashkëqytetarëve të tij, tha se në asnjë mënyrë nuk duhet hamendur për ta votuar kandidatin fitues të PDK-së, kandidatin  Muja.

“Muja dhe ekipi i tij janë alterantiva më e mirë qeverisës  për  Komunën e Prizrenit. Andaj ju bëj  thirrje për mobilizim, angazhim dhe vendosmëri që me 3 nëntor, banorët e “Lagjes se Trimave” të votojnë për Ramadan Mujën dhe PDK-në”./PrizrenPress.com/

Aksioni i largimit të “Kampingut ilegal Veror” po vazhdon, por kësaj here pa mjetet e rrënimit të kontraktuara nga MMPH.

Nga e shtuna e 19 tetorit, kampistët po vazhdojnë t’i largojnë vet, vikend-shtëpizat dhe objektet montazhë. Ata i kanë kërkuar inspektorëve të MMPH-së t’i lejojnë ta bëjnë vet cmontimin dhe bartjen e materialeve dhe kjo kërkesë është pranuar.

“Ky është një sinjal i mirë, ndonëse i vonuar, megjithatë, të bën të ndjehesh mirë kur sheh gatishmërinë qytetare për t’i respektuar ligjet dhe vendimet e shtetit. Ajo zonë kampingu jo veç se ishte e jashtëligjshme, por dhe ishte shëmtia e Prevallës. Ndërkohë ju bëj apel edhe pronarëve të vikend-shtëpive në “Fshatin Turistik” t’i verifikojnë planet e tyre dhe të nisin t’i kthejnë në gjendjen e lejeve, përndryshe edhe atje do të veprojë bageri i shtetit – ka thënë ministri Dardan Gashi.

Kampingu ilegal prej vitesh, i menaxhuar nga “Is Company” kishte ndërruar karakterin nga se ishte paraparë. Me ndërtimet e forta, të egra, dhe pa asnjë dokumentacion përkatës, ai ishte shndrruar në një llojë fshati turistik ilegal dhe kaotik.

Një muaj më parë Ministri Gashi kishte marrë vendim për largimin e tij që popullohej prej 76 vikend-shtëpizave dhe rreth 100 objekteve montazhë. Menaxhuesi “Is Company” nuk e kishte përfilluar vendimin dhe as lajmëruar pronarët e kampshtëpive, të cilëve u kishte dhënë tokën për shfrytëzim me pagesë.

Më 18 tetor, ka nisur aksioni i MMPH-së për pastrimin e Kampingut ilegal dhe sipas vendimit të lëshuar një muaj më parë, “Is Company” tashmë bartë të gjitha shpenzimet e kompanisë për rrënim të kontraktuar nga Ministria dhe është përgjegjëse për veprimtari ilegale dhe shkelje të kontratave të skaduara prej vitesh./PrizrenPress.com/

Bashkimi Demokratik i bindur në fitoren e thellë të 3 nëntorit, me ç’rast do të përfundojë “epoka” e krimit dhe korrupsionit në Komunën e Prizrenit. Kështu u shprehën përfaqesuesit e BD-së para qindra qytetarëve të fshatit Hoqë e Qytetit.

Kandidati për kryetar të Prizrenit nga radhët e Bashkimit Demokratik, Zafir Berisha, u bëri thirrje për unitet qytetarë në këto zgjedhje, dhe me pjesëmarrje masive në zgjedhje t’i jepet fund krimit të organizuar, i cili është instaluar në institucionet Komunale në Prizren.

“Po tentohet që slogani ynë ‘Shpresë’ t’i atribuohet plakut të akuzuar 76 vjeçar, slogan ky që nuk përkon me të por që përdoret nga njerëz të cilët Ramadan Mujën e përdorin si kukull për ta mbrojtur vetveten sepse e dinë se me ardhjen e Bashkimit Demokratik në pushtet do të japin llogari për dëmet që i kanë bërë qytetit të Prizrenit me falsifikimin e vendimeve të Kuvendit Komunal të Prizrenit”, tha Berisha.

Ndërsa bartësi i listës Osman Hajdari, tha se alfa dhe omega e orientimit tonë programorë është zhvillimi ekonomik dhe punësimi i të rinjve. Ndërkaq, nënkryetarja e BD-së Dashurije Beqaj, kërkoi nga hoqjanët që të jenë unik dhe të mbështesin Bashkimin Demokratik dhe numrin 74 me qëllimin më të mirë që ti kthehet identiteti institucioneve komunale.

Tubimin me qytetarët e Hoqës së Qytetit e përshëndeten edhe kandidatët për Kuvend nga kjo anë, Daut Buduri dhe Nehat Gashi të cilët garantuan Hoqjanët se do të jenë në shërbim të tyre dhe të gjithë qytetarëve të Komunës së Prizrenit dhe interesat e tyre do ti vënë para interesave individuale dhe partiake./PrizrenPress.com/

Pagarusha e Malishevës u zotua se më 3 nëntor do t’ia sigurojë fitoren Lidhjes Demokratike të Kosovës dhe kandidatit të saj për kryetar komune, Sali Morinës. Kështu thuhet në kumtesën e LDK-së.

Deputetja Vjosa Osmani, anëtare e Kryesisë qendrore të LDK-së, u shpreh e sigurt se më 3 nëntor qytetarët e Pagarushës do t’i festojnë dy fitore: atë të Sali Morinës, kryetarit të ardhshëm të Malishevës, si dhe të Eqrem Kryeziut në Prizren, i cili është i lindur në Pagarushë.

Ajo tha se me fitoren e Lidhjes Demokratike të Kosovës, pushteti do t’u kthehet qytetarëve, ata që do të vendosin për buxhetin e kësaj komune dhe për projektet që do të realizohen.

“LDK-ja do t’i trajtojë të gjithë qytetarët njësoj, pa i diskriminuar, dhe kjo përkrahje masive po dëshmon se LDK-ja po rikthehet fuqishëm”, theksoi ajo. Duke diskutuar me pjesëmarrësit rreth kërcënimeve që po u bëhen atyre nga partia në pushtet rreth pjesëmarrjes së tyre në zgjedhje, Osmani.

Duke shpalosur projektet dhe programin e tij para pjesëmarrësve në Pagarushë, kandidati për kryetar komune nga radhët e LDK-së, Sali Morina tregoi se programi tij është hartuar bashkë me qytetarët dhe si i tillë do të realizohet nga ai si kryetar komune dhe kuvendi komunal, i cili do të ketë shumicë asamblistët e LDK-së.

“Kryetari Mustafa ka premtuar se Malishevën do ta trajtojë njëjtë sikur Prishtinën, prandaj mos u besoni atyre që thonë se Mustafa nuk vjen në Malishevë. Përkrahja e tij në tubimin që u mbajt para disa ditësh, si dhe përkrahja e vazhdueshme nga Kryesia Qendrore e LDK-së tregojnë se Malisheva do të jetë ndër prioritetet e Qeverisë së LDK-së”, theksoi Morina.

Ai përmendi projektet e planifikuara për Pagarushën dhe fshatrat përreth, dhe u zotua se gjithnjë do të jetë i hapur për bashkëpunim dhe bashkëqeverisje me qytetarët./PrizrenPress.com/

Në Bruksel u mbajt raundi i radhës i bisedimeve teknike për zgjedhjet, në kuadër të dialogut për normalizimin e marrëdhënieve mes shtetit të Kosovës dhe Serbisë, të ndërmjetësuar nga Bashkimi Evropian.

Në këtë takim, që u mbajt më datën 18 tetor 2013, grupet teknike diskutuan për zgjedhjet lokale, duke vlerësuar rrjedhën e këtij procesit.

Në sesionet e paradites u zhvilluan takime bilaterale mes Grupeve teknike me OSBE-në, ndërsa pasdite u zhvillua një takim i shkurtë trepalësh. Në këto takime u bë vlerësimi i procesit të zgjedhjeve lokale në Kosovë, sipas obligimeve të dala nga plani për zbatim, me theks të veçantë në katër komunat veriore. Palët diskutuan po ashtu edhe për procesin e ankimimit pranë Panelit Zgjedhor për Ankesa dhe Parashtresa.

Përfaqësuesit e Kosovës rikonfirmuan se ky proces është duke u zhvilluar me dinamikën e shtuar dhe në tërësi është i bazuar në ligjet e Republikës së Kosovës. Fokus të veçantë në këtë takim kishte edhe aspekti i sigurisë për mbarëvajtjen e zgjedhjeve, sidomos u ngritën shqetësime për aktet e ripërsëritura të grupeve kriminale në veri të Kosovës.

Në këtë takim palët u pajtuan se është e nevojshme qasje më aktive e palëve për përmirësimin e gjendjes së sigurisë. Partitë politike kanë të drejtë të organizojnë tubime elektorale e po ashtu të gjithë qytetarët kanë të drejtë të shprehin qëndrimin e tyre dhe pjesëmarrje në zgjedhje lirshëm, ishte konkludim i përbashkët i takimit.

Delegacioni i Kosovës ishte i përberë nga Qemajl Marmallakaj nga Zyra e Kryeministrit koordinator i Grupit punues, Shukri Sylejmani, Kryetar i KZAP, Elona Cecelia, Këshilltare Politike e ZVKM Tahiri, dhe Visar Xani, Këshilltar Politik dhe Media.