Spitali i Përgjithshëm “Prim. Dr. Daut Mustafa” në Prizren mbajti një Akademi Përkujtimore për të nderuar jetën dhe veprën e Dr. Tyrhan Kosova, internist-endokrinolog i njohur dhe i dashur.

Akademia përkujtimore u organizua nën kujdesin e drejtoreshës ekzekutive, Dr. Narqize Arënliu Hoxhaj, e cila në fjalimin e saj theksoi vlerën dhe përkushtimin e Dr. Kosova.

“Jemi këtu për të nderuar Dr. Tyrhan Kosova, i cili papritmas u nda nga jeta më 2 Shtator 2024. Kam pasur nderin të punoj me Dr. Tyrhanin kur ai ishte drejtor i Shëndetësisë dhe Mirëqenies Sociale dhe unë isha drejtoreshë e QMKF-së. Ai ishte një njeri dhe mjek i përkushtuar, modest, kolegial dhe me përgatitje të lartë profesionale. Dr. Tyrhan Kosova nuk u ndal kurrë në ofrimin e shërbimeve shëndetësore për të shpëtuar dhe përmirësuar jetën e pacientëve. Ndarja e tij e papritur është një humbje e madhe për të gjithë ne, sidomos për pacientët që kanë përfituar nga shërbimet e tij,” – tha Dr. Arënliu Hoxhaj.

Në emër të repartit të Internos, Dr. Shemsedin Shaballori, shef i repartit, foli për vlerat dhe profesionalizmin e Dr. Kosova.

“Të krijosh një mjek është e barabartë me krijimin e një gjenerali; megjithatë, dallimi është se gjenerali përgatitet për luftë dhe ndoshta nuk e përdor atë që ka mësuar. Mjeku gjithashtu përgatitet gjatë gjithë jetës, por lufton me vdekjen dhe përpiqet të ndihmojë pacientët. Humbja e Dr. Tyrhanit është një humbje e madhe për ne dhe për pacientët që kanë qenë nën kujdesin e tij. Ai ishte një mjek i ndershëm, i përkushtuar dhe i respektuar, dhe kishte një gamë të gjerë interesash dhe talentesh që e bënin të veçantë,” – theksoi Dr. Shaballori.

Shitet banesa me çmim të volitshëm në Prizren

Në emër të familjes, Dr. Jehona Kosova, e bija e Dr. Tyrhan Kosova, falënderoi të gjithë ata që morën pjesë në akademi.

“Të nderuar të gjithë ju të pranishëm, më lejoni të falënderoj nga zemra Spitalin e Prizrenit, Drejtoreshën, Drejtorinë, Repartin e Internos dhe të gjithë ju që jeni këtu për të nderuar dhe kujtuar veprën e babit tim. Babi im ishte më shumë sesa një mjek; ai ishte një njeri i përkushtuar për familjen, pacientët dhe një humanist i vërtetë. Përkushtimi dhe empatia e tij kanë lënë një trashëgimi të pasur që do të jetojë përherë. Si mjeke e sapo diplomuar, ndiej përgjegjësi të veçantë për të çuar përpara vlerat që babai im i ka mbjellur në mua dhe do të përpiqem të jem e denjë për këtë trashëgimi. Faleminderit të gjithëve për mbështetje dhe për të ndarë këtë moment të rëndësishëm me ne,” – tha Dr. Jehona Kosova.

“Eli –Edona”, mobilieria me oferta më të mira në Prizren

Dr. Tyrhan Kosova ndërroi jetë më 2 Shtator 2024 në moshën 62 vjeçare. Akademia përkujtimore ofroi një mundësi për të nderuar kontributin e tij të jashtëzakonshëm dhe për të reflektuar mbi ndikimin e tij të thellë në jetën e pacientëve dhe komunitetit.

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Ka filluar rrënimi i objektit në Landovicë të Komunës së Prizrenit, i cili ishte pajisur me leje ndërtimore për “ranch për kalërim”, ndërsa është shndërruar në motel.

Ky rrenim vjen pas hulumtimit të “Betimit për Drejtësi”, me titull: “Pazarllëqet me fenomenin e shndërrimit të fermave të kuajve në motele!”, ku tregohej se si nga gjendja faktike në terren, ky objekt nuk kishte të bënte me fermë për kalërim, por i ngjante motelit.

Ky rrënim që ka filluar këtë të premte po kryhet nga inspektorati i Komunës se Prizrenit, nën përcjelljen e Policisë së Kosovës, raporton “Betimi për Drejtësi”.

Hulumtimi i transmetuar më 1 qershor 2024,  tregonte se nga procesverbalet e inspektorëve komunal nuk ishte përshkruar gjendja reale e faktike të këtij objekti, duke përmendur vetëm tejkalimet e lejes ndërtimore por jo detaje tjera.

Shitet banesa me çmim të volitshëm në Prizren

Pas këtij emisioni, në objektin në Landovicë që ngjan me motel, inspektorët të hënën e 3 qershorit kanë dalë në vendin e ngjarjes, duke vendosur shiritat dhe ndalur punimet.

Por, pak orë pas inspektorëve, ekipi i “Betimit për Drejtësi” më 3 qershor rreth orës 11:00 kanë dalë në vendngjarje ku kishte parë heqjen e shiritave dhe vazhdimin e punimeve në kopshtin e objektit.

“Eli –Edona”, mobilieria me oferta më të mira në Prizren

Për këtë, ishte njoftuar inspektori, Enver Bytyqi.

Ai kishte dalë sërish në inspektim, duke konstatuar heqjen e shiritave dhe duke theksuar se do të ushtrojë kallëzim penal ndaj pronarit në emër të së cilit është lëshuar leja ndërtimore, Gjeladin Shala.

Mirëpo, pavarësisht se inspektori në procesverbal ka shkruar se ka vendosur shiritin pas largimit të punëtorëve, ekipi i “Betimi për Drejtësi” pasi ka vazhduar me monitorimin e punës së tij, ka parë se punëtorët janë lënë të qëndrojnë brenda.

Lidhur me këtë, komuna kishte ushtruar kallëzim penal ndaj pronarit të lejes ndërtimore.

Në anën tjetër, edhe Prokuroria Themeloren në Prizren ka nisur hetimet për këtë objekt.

“Betimi për Drejtësi”, më 15 qershor 2024, kishte sjell pjesën e dytë të hulumtimit për ndërtimin e moteleve me titull: “Si të ndërtosh kundërligjshëm motel?”,  duke u infiltruar në rolin e investitorit. Në këtë hulumtim tregohej se kush është kompania projektuese që i garanton ekipit se në tokë bujqësore mund të ndërtojë motel. Me çfarë leje ndërtimore thotë se duhet të pajiset objekti fillimisht?, etj.

Sot në Kosovë parashihet të mbajë mot me diell dhe vranësira të shpërndara.

Sipas Institutit Hidrometeorologjik të Kosovës, temperaturat do të shkojnë deri në 31 gradë Celsius.

“Mot me diell dhe vranësira të shpërndara . Vranësirat në pjesën e dytë të ditës parashihen të dendësohen duke krijuar kushte që në disa zona të izoluara të ketë riga shiu. Temperaturat minimale do të lëvizin ndërmjet 12-15 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius. Do të fryjë erë nga drejtimet të ndryshme , me shpejtësi 1-5m/s”, thuhet në njoftimin e IHMK-së.

Marketing

Shitet banesa me çmim të volitshëm në Prizren

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri