Sipas raportit të policisë, gjatë 24 orëve të fundit janë evidentuar disa aksidente në trafikun rrugor, 23 aksidente kanë qenë me lëndime, ndërsa 15 me dëme materiale.
Policia njofton se janë arrestuar 22 persona, ndërkaq 16 të tjerë janë dërguar në mbajtje.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Kryetari i Komunës së Dragashit, Bexhet Xheladini, ka njoftuar se transporti për nxënësit do të jetë falas edhe gjatë këtij viti shkollor.
Ai ka shprehur përgëzime për fillimin e vitit të ri shkollor për nxënësit, mësimdhënësit dhe prindërit dhe ka theksuar se ky shërbim i rëndësishëm do të ofrohet për të gjithë nxënësit e shkollave fillore dhe të shkollave të mesme.
Xheladini ka theksuar se mbulimi i kostove të transportit sjell përfitime të ndryshme. Ai ka shpjeguar se ky vendim do të ndihmojë në lehtësimin e barrës financiare për prindërit, do të ndihmojë në parandalimin e deformimeve të boshtit kurrizor që mund të shkaktohen nga pesha e madhe e çantave, dhe do të zvogëlojë rrezikun e lëndimeve në komunikacion. Po ashtu, ai ka theksuar se ky masë do të ofrojë mundësinë që nxënësit të vazhdojnë shkollimin në Dragash pa pasur nevojë të udhëtojnë në qytete të tjera.
Gjithashtu, Xheladini ka njoftuar se ky transport falas është siguruar edhe për nxënësit e drejtimit të mjekësisë në ShML “Ruzhdi Berisha”, të cilët udhëtojnë në Prizren për të realizuar praktikën profesionale./PrizrenPress.com/
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Sot, fillon zyrtarisht viti i ri shkollor 2024/2025 në tërë Kosovën. Me këtë rast Policia e Kosovës ka apeluar për kujdes të shtuar tek të gjithë pjesëmarrësit në trafik.
Përmes një njoftimi, PK ka apeluar tek shoferët që të ngadalësojnë shpejtësinë e lëvizjes gjatë ngasjes së mjetit në zonën e shkollës.
“Në prag të fillimit të vitit të ri shkollor, Policia e Kosovës apelon për një përgjegjësi të shtuar nga të gjithë pjesëmarrësit në trafik. Në zonat pranë shkollave dhe ku janë vendosur tabelat njoftuese si “Kujdes, shkolla” dhe “Këmbësorë,” është jetike që të gjithë të tregojnë kujdes maksimal. Fëmijët janë më të brishtë dhe të paparashikueshëm në lëvizje, kështu që shpejtësia e ulët, vëmendja e lartë dhe respektimi i sinjalistikës rrugore mund të shpëtojë jetë”, thuhet në njoftim.
Policia shton se këtë vit, veçanërisht kujdes të veçantë duhet të tregojmë për fëmijët që shkojnë në shkollë për herë të parë.
“Këta fëmijë janë më të pafajshëm dhe më të papërvojë në rrugë, ndaj është detyra jonë të sigurojmë që udhëtimi i tyre drejt shkollës të jetë sa më i sigurt dhe i mbrojtur. Le të fillojmë vitin shkollor me siguri për të gjithë”, thuhet në njoftim.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Ministrja e Arsimit, Shkencës, Teknologjisë e Inovacinit, Arbërie Nagavci, njoftoi se në koordinim me komunat, janë bërë përgatitjet e nevojshme për fillimin e këtij viti të ri shkollor.
Nagavci, të shtunën tha se aplikimi i prindërve për subvencionim, proceduralisht sivjet ka qenë shumë më i lehtë, sepse sipas saj prindërit i kanë pasur llogaritë aktive.
Sipas saj, për libra kanë aplikuar 203 mijë e 407 prindër ose kujdestarë ligjor, ku 200 e 1 mijë e 120 aplikues janë subvencionuar.
Ministria e Arsimit, në vitin e kaluar por edhe sivjet i ka subvencionuar tekstet shkollore.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Të hënë do të mbajë mot me diell dhe vranësira të shpërndara. Temperaturat minimale do të lëvizin ndërmjet 12-16 gradë Celsius, ndërsa maksimalet e ditës parashihen të lëvizin ndërmjet 27-33 gradë Celsius. Do të fryjë erë kryesisht nga drejtimi i verilindjes e lehtë deri mesatare.
Ditën e martë mot do të jetë me diell dhe pjesërisht vranët. Temperaturat minimale do të lëvizin ndërmjet 11 -15 gradë Celsius, ndërsa maksimalet e ditës parashihen të lëvizin ndërmjet 28-33 gradë Celsius. Do të fryjë erë kryesisht nga veriperendimi me shpejtësi 1-3m/s.
Të mërkurën do të mbajë mot i vranët dhe me intervale me diell.Temperaturat minimale do të lëvizin ndërmjet 11-14 gradë Celsius, ndërsa maksimalet e ditës parashihen të lëvizin ndërmjet 27-32 gradë Celsius.Do të fryjë erë nga drejtimi i verilindjes me shpejtësi 1-4m/s.
Ditën e enjte do të mbajë mot me diell dhe vranësira të dendura. Vranësirat gjatë ditës mund të sjellin riga shiu me shkarkime rrufesh. Temperaturat minimale do të lëvizin ndërmjet 11-14gradë Celsius, ndërsa maksimalet e ditës parashihen të lëvizin ndërmjet 27-31gradë Celsius. Do të fryjë erë kryesisht nga veriperëndimi e lehtë dhe lokalisht e fortë.
Të premte do të jetë mot me diell dhe vranësira të shpërndara . Vranësitrat në pjesën e dytë të ditës parashihen të dendësohen duke krijuar kushte që në disa zona të izoluara të ketë riga shiu. Temperaturat minimale do të lëvizin ndërmjet 12-15 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius.
Do të fryjë erë nga drejtimet të ndryshme , me shpejtësi 1-5m/s.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Nga 30 anëtarë sa ka Ali Gashi nga fshati Balincë e Malishevës, vetëm ai me bashkëshorten e tij thotë jeton në fshat.
E gjithë kjo, sipas tij, si shkak i mungesës së energjisë elektrike. Gashi thotë së reduktimet në këtë anë janë një ditë me rrymë dhe një pa të, deri në 10 orë në ditë.
“Tre djem i kam, të tretë kanë dal në qytete. E gjitha si pasojë e mungesës së rrymës, ujit..”, thotë Ali Gashi, banor i kësaj ane.
Përveç reduktimeve të energjisë, edhe cilësia e rrymës, thonë se është e dobët duke shkaktuar dëme në pajisjet shtëpiake.
“Edhe kur vjen rryma është e dobët, pajisjet dëmtohen..”, thotë banori, Miftar Thaçi.
Banorët presin nga KEDS dhe nga niveli qendror që të bëjnë një zgjidhje të përhershme për zgjidhjen e problemit me energji elektrike për qytetarët e Malishevës.
Nga KEDS thonë së në Malishevë po bëhen investime në kuadër të planit investiv. Aty, krahas projektit të ?super përçuesit?, përmes të cilit do të bëhet një zgjidhje e duhur për konsumatorët tanë në Malishevë, thonë se po bëhet implementimi edhe i disa dhjetëra projekteve të tjera të rrjetit të tensionit të mesëm dhe atij të ulët./RTK
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Dhurata Bajraktari, dy vjeçarja nga Bllaca e Suharekës dyshohet se është mbytur pasditen e së shtunës në një kovë me ujë. Vdekjen e saj, Prokurori e ka cilësuar aksidentale.
Në krye të rrugës është hapur e pamja.
E të shumtë janë njerëzit që po vijnë për ngushëllime.
Kjo pasi në Bllacë të Suharekës vajza dy vjeçare, Dhurata Bajraktari dyshohet se u mbyt pasditen e së shtunës në një kovë me ujë.
E gjithë kjo dyshohet se ndodhi aksidentalisht në oborr.
Menjëherë familjarët e dërguan fëmijën në Emergjencë në Suharekë.
“Pacientja sillet nga familjarët në shërbimin e urgjencës rreth orës 18:45 minuta, ku gjendja e saj ishte tepër e rëndë. Ne si ekipë kemi filluar menjëherë me oksigjeno-terapi dhe adrenalinë dhe terapitë tjera që është e shkruar edhe në librin e protokollit. Dhe menjëherë e kemi dërguar në spitalin rajonal të Prizrenit me veturë të ambulancës, ku edhe mjekët atje në spitalin e Prizrenit kanë konstatuar vdekjen e saj”, tha Arbërim Basha, doktor nga emergjenca në Suharekë.
Rasti është konfirmuar edhe nga Policia e Kosovës.
“Viktima femër kosovare fëmijë, ka humbur jetën aksidentalisht. Viktima është dërguar në emergjencë, por mjeku kujdestar ka konstatuar se viktima ka ndërruar jetë. Në konsultim me prokurorin, trupi i pajetë u dorëzohet familjarëve”, thanë nga Policia e Kosovës.
Varrimi i së ndjerës u bë të dielën në varrezat e fshatit Bllacë./tëvë1
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
Suhareka arriti që me një përmbysje dramatike të fitojë ndaj Gjilanit, me shifrat 3:2.
Ndeshja filloi me dy gola të shpejtë, ku Robert Rrahmani i dha epërsinë Gjilanit në minutën e 15-të, por Mevlan Zeka barazoi vetëm dy minuta më vonë.
Gjilani rifitoi avantazhin në minutën e 38-të me golin e Senad Jaroviqit, por mbeti me një lojtar më pak pas përjashtimit të Kushtrim Shabanit në minutën e 42-të.
Në pjesën e dytë, Suhareka shfrytëzoi hendekun numerik të mysafirëve dhe barazoi rezultatin në minutën e 80-të me një gol nga Nikola Stepoviq.
Ndërkaq, epilogu i ndeshjes erdhi në minutën e 86-të kur Arvanit Rexhaj shënoi golin e fitores, duke i siguruar tri pikë të rëndësishme ekipit të Suharekës.
Daja këtë vit nuk arriti ta dërgojë Ballkanin në grupe në garat evropiane, gjë që e kishte bërë dy herë radhazi.
Pas ndeshjes me Malishevën, ku Ballkani pësoi humbje me rezultat 3-2 , Ilir Daja është përshëndetur me lojtarët e tij, lajm që konfirmohet nga drejtues të klubit për Telegrafin.
Ai pritet të vazhdojë karrierën te Dinamo Tirana, klub me të cilin ka qenë i lidhur së fundmi.
Në orët në vijim klubi suharekas pritet të dal me komunikatë zyrtare.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
“Është e nevojshme të bëjmë projektin dhe kur ta bëjmë projektin duhet ta shohim se cila është vlera reale e asaj rruge, a do të mund të realizohet në mënyrën se si është paraparë dhe nëse është e mundur, ta realizojmë”, tha Nikollovski, raporton Alsat.
Institucionet në Kosovë tashmë kanë filluar ndërtimin e rrugës që duhet t’i lidhë dy qytetet. Plani fillestar parashikonte ndër tjerash edhe tunel 6 kilometërsh. Kostoja e projektit pritet të jetë rreth 200 milionë euro.
Qeveria e Kosovës disa herë ka bërë thirrje që të mos ketë vonesa në ndërtimin e rrugës nga ana e Maqedonisë së Veriut.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit