Kryetari i Komunës së Malishevës, Ekrem Kastrati, së bashku me drejtorin e Drejtorisë për Kulturë, Rini dhe Sport, Fitim Shala, kanë vizituar dje atletin malishevas Grevist Bytyçi gjatë përgatitjeve të tij për Lojërat Paralimpike “Paris 2024”. Grevist Bytyçi do të hyjë në histori si atleti i parë që përfaqëson Kosovën në këto gara prestigjioze.

Gjatë vizitës, kryetari Kastrati u informua nga trajneri i Grevistit, Adrian Mazreku, për përgatitjet intensive që po kryen atleti për të arritur rezultate të shkëlqyera. Trajneri dhe atleti konfirmuan se gjithçka po shkon sipas planit dhe se Grevisti është në formë të shkëlqyer për të përfaqësuar Kosovën.

“Ne si Malishevë, jemi krenar për Grevistin, sepse ai do të jetë përfaqësuesi i parë kosovar dhe i vetmi deri më tani që merr pjesë në nivelin më të lartë të Lojërave Paralimpike. Ai është shembulli më i mirë se, pavarësisht rrethanave, njeriu mund të arrijë gjithçka në jetë, përfshirë edhe pjesëmarrjen në këto lojëra, që për shumicën e njerëzve është vetëm një ëndërr”, tha kryetari Kastrati, përcjell PrizrenPress.

Grevisti do të garojë në disiplinën e vrapimit 1500 metra, me garën që do të zhvillohet më 31 gusht. Synimi i tij është jo vetëm pjesëmarrja, por edhe arritja e një medalje, duke u bërë kështu një burim frymëzimi për të gjithë.

Grevisti, i mbushur me optimizëm për rezultatet e ardhshme, falënderoi të gjithë ata që e kanë mbështetur në këtë rrugëtim, duke përfshirë kryetarin Kastrati dhe drejtorin Shala, për përkrahjen e tyre të vazhdueshme, e cila e motivon për të arritur më të mirën./PrizrenPress.com

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kampioni i Superligës së Kosovës, Ballkani po synon të thyej rekordin brenda kampionatit elitar vendor, duke tentuar transferimin e mbrojtësit Arlind Veliu nga Malisheva.

Ballkani është padyshim klubi që ka shitur më shumë lojtarë në skuadrat e ndryshme evropiane, duke fituar shuma të majme parash.

Albion Rrahmani, Lumbardh Dellova, Qëndrim Zyba, Ermal Krasniqi, Albin Berisha dhe Meriton Korenica janë vetëm disa nga lojtarët që janë shitur në Evropë.

Tri herë kampioni i Kosovës ka disa sezone që po praktikon edhe blerjen e lojtarëve dhe këtë e ka bërë duke paguar para për emra si Nazmi Gripshi, Walid Hamidi, Bajram Jashanica, Vesel Limaj, Geralb Smajli dhe Elmando Gjini.

Megjithatë, Ballkani tani po synon të thyej një rekord, duke bërë blerjen më të shtrenjtë brenda futbollit kosovar.

Sipas burimeve të Telegrafit brenda klubeve, Ballkani ka etiketuar yllin e Malishevës, Arlind Veliu, për të cilin janë kanë ofruar 150 mijë euro dhe dy lojtarë, të cilët nuk po gjejnë mjaftueshëm hapësira te therandasit.

Telegrafi mëson se Malisheva është duke e shqyrtuar ofertën dhe me shumë gjasa mbrojtësi anësor 23-vjeçar pritet ta vazhdojë karrierën te Ballkani.

Veliu ka qenë padyshim njëri nga mbrojtësit anësor më të mirë në Kosovë sezoneve të fundit, duke mbuluar të dy krahët e mbrojtjes dhe duke dhuruar shumë asistime dhe gola me fanellën e malishevasve.

Ndryshe, gjatë viteve në Kosovë kanë ndodhur transferimeve brenda kampionatit, por më i shtrenjti deri më tani është ai i Muharrem Jasharit, i cili nga Trepça ’89 kaloi te Drita për shifrën e 80 mijë eurove. /Telegrafi/

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri