Policia e Kosovës ka njoftuar se në 24-orëshin e fundit janë shqiptuar 2019 tiketa për kundërvajtje.
Ndërsa, janë raportuar edhe 28 aksidente trafiku më dëme materiale dhe 8 aksidente më të lënduar.
Po ashtu, policia ka arrestuar 8 persona si dhe 7 janë dërguar në mbajtje.
Mbrojtësi i Manchester City-t, Kyle Walker, ka pranuar se për pak i është bashkuar Bayern Munich-ut për t’i “shpëtuar” skandalit që ka të bëjë me jetën e tij personale.
33-vjeçari ishte shumë i lidhur me një lëvizje të përhershme në gjigantët e Bundesliga-s verën e kaluar, por një transferim përfundimisht dështoi dhe anglezi më vonë zgjati kontratën e tij në stadiumin “Etihad” deri në vitin 2026.
Spekulimet mbi kalimin e propozuar nga Walker në Gjermani ndodhën gjatë një periudhe kur dolën zbulime për lidhjen e tij jashtëmartesore dhe lindjen e dy fëmijëve me një grua tjetër.
Në prill 2020, modelja dhe personazhi televiziv Lauryn Goodman njoftoi se kishte lindur dhe më vonë e quajti Walker-in si baba të fëmijës së saj.
Goodman thuhet se e ka informuar Walker në “fundin e tetorit ose fillim të nëntorit” të vitit të kaluar se ajo ishte shtatzënë me fëmijën e tyre të dytë.
Walker që atëherë i ka kërkuar falje gruas së tij Annie Kilner, e cila është në pritje të një fëmije të katërt me të, pasi bëri “zgjedhje idiote dhe vendime idiote”.
“Ajo që kam bërë është e tmerrshme dhe marr përgjegjësinë e plotë”, tha Walker në një intervistë për “The Sun”. “Kam bërë zgjedhje idiot dhe vendime idiote. Nuk mund të filloj të mendoj apo imagjinoj se çfarë po kalon Annie. Jam përpjekur ta pyes, por ka dhimbje dhe lëndim”.
“Njeriu që është menduar ta dojë, të kujdeset dhe të jetë aty për të, e bëri këtë”.
“I vetmi person për të fajësuar jam unë. Unë kam role dhe përgjegjësi për të cilat jam i vetëdijshëm dhe kam bërë zgjedhje budallaqe. Por unë duhet të pranoj gabimet e mia, ia detyroj të gjithëve. Veprimet e mia kanë shkaktuar shumë dhimbje për shumë njerëz. Më vjen keq sepse, si familje, kjo nuk është menduar të ndodhë”.
Reprezentuesi anglez me 81 ndeshje ka zbuluar se ai vendosi të refuzojë një transferim te Bayern Munich pasi nuk donte të ishte larg familjes së tij gjatë skandalit jashtë fushës.
“Unë u përpoqa të ikja. A doja të largohesha nga City? Jo, sigurisht që nuk e bëra”,” tha Walker. “Ne jemi skuadra më e mirë në botë për momentin. Por ishte një shans për t’u larguar nga Anglia dhe mediat”.
“Isha i vetëdijshëm se ora po ecte. Isha shumë afër lëvizjes. Ne po bisedonim. Po shkoja në një klub të madh. Por në fund nuk mund të shkoja. Nëse jam në Gjermani dhe kjo ndodh, Annie largohet dhe do të jem vetëm në Gjermani”.
“Fëmijët e mi nuk do të ishin aty ku mund t’i shihja. Ka dhimbje dhe emocione për momentin, por unë mund të shkoj në shtëpi, t’i çoj fëmijët në shkollë dhe djalin tim të vogël në futboll”, shtoi anglezi.
Walker ka shprehur mirënjohjen e tij për trajnerin e Man City, Pep Guardiola dhe trajnerin e Anglisë, Gareth Southgate për mbështetjen e tyre gjatë kësaj periudhe të vështirë, duke shtuar: “Ai nuk e dinte se çfarë po ndodhte. Unë nuk doja t’i tregoja atij sepse nuk doja të mendonte se nuk isha mendërisht aty.
“Nuk mund ta falënderoj sa duhet për mirëkuptimin dhe besimin që ka treguar tek unë gjatë katër viteve”.
“Që menaxheri i ekipit tuaj kombëtar që të arrijë (gjithashtu) në një kohë nevoje shkon përtej futbollit”, vijoi futbollisti.
Walker ka kaluar gjashtë vjet e gjysmë te Man City, duke bërë 283 paraqitje në të gjitha garat, dhe mbrojtësi i djathtë ishte pjesë e skuadrës historike të klubit që fitoi tripletën sezonin e kaluar.
Mbrojtësi i lindur në Sheffield, i cili u emërua kapiten i City-t në fillim të këtij sezoni, ka luajtur 29 herë për skuadrën e Guardiola-s deri më tani këtë sezon. Albanian Post
Në moshën 76-vjeçare është ndarë nga jeta Fatmir Kumbaro.
Fatmir Kumbaro u lindi në Tiranë me 5 dhjetor të vitit 1947.
I diplomuar në fakultetin drejtësisë në Universitetin e Tiranës, ai ka kryer detyra të rëndësishme; gazetar në gazetën “Zëri i Popullit”, pedagog në fakultetin juridik në Universitetin e Tiranës dhe Drejtor i Përgjithshëm i Radiotelevizionit Shqiptar në vitin 1991.
Kontribut të çmuar ka dhënë Fatmir Kumbaro edhe si ambasador i jashtëzakonshëm dhe fuqiplotë i Republikës së Shqipërisë në Maqedoninë e Veriut dhe në Bullgari.
I veçantë ka qenë kontributi i zotit Fatmir Kumbaro në momentet delikate para e gjatë luftës në Kosovë, kur në përgjegjësinë e Ambasadorit në Maqedoninë e Veriut iu desh të koordinonte veprimet e shtetit shqiptar me faktorin ndërkombëtar, ashtu sikundër me të njëjtën përgjegjësi dhe angazhim luajti u angazhuar pas zhvillimeve në Maqedoninë e Veriut në kohën e luftës së UÇK-së deri në nënshkrimin e Marrëveshjes së Ohrit dhe më pas në implementimin e saj.
Autoriteti intelektual dhe angazhimet qytetare, të qenit i drejtë dhe kurajoz, kultura e veçantë dhe zotërimi i tetë gjuhëve të huaja e bënin Fatmir Kumbaron një figurë të veçantë, imponuese dhe të admirueshëm njëherësh./ atsh /
Rreth 50 për qind e punës ka rënë nëpër lokalet e gastronomisë shkak i ndalimit të pirjes së duhanit në ambiente të mbyllura. E për këtë, pronarë e menaxherë kanë kërkuar nga Ministria e Bujqësisë, Pylltarisë dhe Zhvillimit Rural, kanë kërkuar të ndryshojë ky vendim.
Ata kanë thënë për Ekonomia Online se klientët që frekuentojnë këto vende janë duhanpirës dhe se institucionet duhet ta lejojnë një pjesë për klientët që pinë cigare.
I dërguari i posaçëm për dialogun Kosovë-Serbi, Miroslav Lajçak sot do të jetë në Kosovë, ku do të bisedojë me zëvendëskryeministrin, Besnik Bislimi, kryenegociator i Kosovës në dialogun e Brukselit.
Lajçaku dje ka qëndruar në Beograd, ku është takuar me presidentin e Serbisë, Aleksandar Vuçiq, me të cilin përveç tjerash ka diskutuar edhe për hapat e ardhshëm në normalizimin e marrëdhënieve me Kosovën.
Ai ka shkruar në X, se në takimin me Vuçiq, fokus i diskutimeve ka qenë perspektiva strategjike për vitin 2024, por gjithashtu kanë bërë një bilanc për të arriturat dhe ngecjet në dialog.
Presidenti i Serbisë, Aleksandar Vuçiq, ka kërkuar anulimin e vendimit të Bankës Qendrore të Kosovës (BQK) për ndalimin e përdorimit të dinarit serb për pagesa me para të gatshme në Kosovë.
Vuçiq tha se e ka pasur një “takim konstruktiv dhe shumë të dobishëm” me Lajçakun.
“E theksova domosdoshmërinë për themelimin e Asociacionit të komunave me shumicë serbe, për mbajtjen e zgjedhjeve lokale në veri të Kosovës urgjentisht, dhe kërkova mbështetje nga Bashkimi Evropian për ndalimin e provokimeve të mëtejshme që vijnë nga Prishtina”, shkroi Vuçiq në profilin e tij në Instagram, pas takimit me Lajçakun
Sipas zëdhënësi i Bashkimit Evropian, Peter Stano, përfaqësuesi special i BE-së për dialogun, po i kryen këto vizita në Beograd dhe Prishtinë, në përpjekje për të çuar përpara dialogun.
“Bisedimet me presidentin Vuçiq në Beograd dhe me homologët kosovarë në Prishtinë, janë pjesë e mandatit të tij, janë pjesë e punës dhe përpjekjeve të tij të vazhdueshme në drejtim të ndihmës së të dyja palëve për të çuar përpara dialogun”, theksoi Stano.
Përndryshe, Brukseli kërkoi nga autoritetet në Kosovë të hënën që të shtyjnë zbatimin e vendimit për ndalimin e përdorimit të dinarit serb në territorin e Kosovës, në mënyrë që të gjendet një zgjidhje në kuadër të dialogut ndërmjet Beogradit dhe Prishtinës.
Nga Qeveria e Kosovës kanë argumentuar se vendimi i BQK-së është në përputhje me Kushtetutën e Kosovës, por QUINT-i ka thënë se ky vendim “ngre shqetësime në lidhje me ndikimin në veçanti në komunitetet me shumicë serbe”.
Temperaturat minimale do të lëvizin mes -5 deri në 0°C, ndërsa ato maksimale nga 4-7 gradë Celsius.
Drejtori i Shërbimeve Publike në Prizren, Çelë Lamaj, tregon se sivjet do të realizohen disa projekte në këvë qytet.
“Këtë vit në fokus kryesor do të jetë sheshi i ‘Shatërvanit’, ku pritet të bëhet rregullimi i kalldrëmeve dhe disa objekteve historike”, tregon Lamaj.
“Do të kubëzohen rrugët në pjesët urbane të qytetit dhe se një prej projekteve më të rëndësishme për lehtësimin e qarkullimit në komunikacion është në procedurë të pritjes për shpronësimin e rrugës “Bajram Curri” në lagjen “Tusus” të Prizrenit, në mënyrë që të fillojë të realizohet”.
Lamaj tha se janë afër gjetjes së lokacionit për ndërtimin e një muzeu dhe galerie në Prizren, projekt ky i cili është premtuar se do të përfundojë deri në fund të mandatit të qeverisë aktuale komunale./ tv Prizreni/
Behxhet Sh. SHALA – BAJGORA
A është Talat Xhaferi shqiptar sipas Bekim Qokes dhe VV-së: Pas nënshkrimit të koalicionit midis LSDM-së dhe BDI-së, njëra ndër pikat ishte që BDI-ja në 100 ditët e fundit të qeverisjes të udhëheqë me qeverinë e Maqedonisë së Veriut, përkatësisht që kandidati i propozuar nga kjo parti ta caktojë kryeministrin e qeverisë teknike, deri në zgjedhjet e muajit maj të këtij viti. Kjo ishte një marrëveshje e cila edhe mund të mos përfillej nga partneri qeverisës, LSDM-së.
Partitë tjera maqedonase, të pamësuara që shqiptarët mund të udhëheqin institucionet më të larta shtetërore, që në fillim e kundërshtuan duke deklaruara se gjatë kohës sa kryeministri të jetë shqiptar, Maqedonia e Veriut është me qira në shtetin e vet. Edhe e majta ekstreme maqedonase kundërshtuan këtë transicion 100-ditësh. Deri këtu asgjë nuk është për t’u befasuar po mos të ishin partitë opozitare të mbledhura rreth “Grupit të Zjarrit”, që proklamojnë një patriotizëm të fortë shqiptar e që këtë ia mohojnë BDI-së. Prandaj edhe u ndanë, jo për të rivalizuar LSDM dhe VMRO-DPMNE por për ta detronizuar Ali Ahmetin që nënkupton se luftën personale e kanë vënë mbi interesin e përgjithshëm, nëse edhe e kanë një interes të tillë. U lakuan disa emra për kryeministër 100 ditësh dhe fjalën e fundit e kishte Ali Ahmeti duke u përcaktuar për Talat Xhaferin, kryetarin e Kuvendit të Maqedonisë së Veriut, ish eprorin profesionist e që u bë edhe ushtar – epror i Ushtrisë Kombëtare Shqiptare si Komandant “Forina” gjatë luftës në këtë shtet që ende ka shumë për të bërë në rrugëtimin e integrimit evropian. Familjarisht jam i lidhur me shqiptarët e Maqedonisë së Veriut për më shumë se 40 vite dhe e njoh mirë gjendjen e tyre atje, që nga vitet e ’80-ta. Edhe në llogoret e Kroacisë ishim në vujatje të dënimit me patriotë shqiptarë nga ky shtet si; Tahir Hani nga Veleshta e Strugës, Zeqir Emini nga Kërçova, Zaim Beqiri nga Shipkovica e Tetovës, Bejtullah Ademi – Demokrati nga Reçica e Madhe e Tetovës dhe Asllan Reshiti nga Tetova. Të gjithë shokë të jashtëzakonshëm dhe politikisht të pregatitur që ishin organizuar edhe para demonstratave të vitit 1981. Këta vepruan në të gjitha trojet ku jetonin shqiptarët kurse shkollimin e kishin përfunduar kryesisht në Kosovë. Ali Ahmetin e kam njohur personalisht përmes Tahir Hanit ndonëse kam pasur informata të shumta për aktivitetin e tij kombëtar nga shokët që ishin në grup me të dhe që ishin dënuar bashkë me Ali Ahmetin – Abazin apo Cimën. Zaim Beqiri, bashkë me vëllezër, nënën dhe motrën, me armë kishin kundërshtuar policinë jugosllave – maqedonase dhe të gjithë ishin të arrestuar. Edhe Rafi Halili kishte qëndruar ballë policisë i armatosur deri sa ishte plagosur rëndë. Viteve të ’80-ta gjendja e shqiptarëve në Maqedoni ishte tepër e rëndë, më e rëndë se e shqiptarëve në Kosovë. Pastaj, patriotët shiptarë nga Maqedonia kryesisht e zhvillonin aktivitetin ilegal politik në Kosovë me shpresë se, sipas një automatizimi të projektuar nga ata se; “nëse zgjidhet çështja e shqiptarëve në Kosovë, do të zgjidhej në tërë territorin e ish-Jugosllavisë..” e që nuk ishte e vërtetë. Shqiptarët në Maqedoni u shpërngulën masisvisht në Turqi, Amerikë dhe shtetet tjera, arsimi ishte vetëm për nivelet e ulëta me një orientim krejtësisht jugosllav kurse ndikimi i fesë ishte jashtëzakonisht i madh dhe i dëmshëm. Për hapjen e fakultetit në gjuhën shqipe dhe për Flamurin Kombëtar kishte të vrarë, të arrestuar dhe të dënuar kurse për ndërtimin e xhamive, jo që nuk kishte kundërshtim nga shteti por kishte përkrahje. Në një fshat, psh. Çegrani, si fshati më i madh shqiptar në Maqedoni ishte plotësisht nën ndikimin e fesë dhe të politikës jugosllave. Kur shkova atje për herë të parë pasi dola nga burgu në vitin 1983 për ta vizituar motrën, u përballa me një kolonë dasmorësh me mbi 50 vetura ku në veturën e parë ishte fotografia e Josip Broz – Titos, ish-kriminelit dhe vrasësit të shqiptarëve, që nga kryengritja e Drenicës e deri kur iku nga kjo botë. Në institucionet e shtetit nuk kishte fare shqiptarë të punësuar e sidomos në institucione shtylla të shtetit. Menduh Thaçi dhe Arben Xhaferi e rritën farën e patriotizmit në Maqedoni farën e të cilit e kishin mbjellur ata që i përmenda më lartë dhe ata që me pushkë dhe gjak kundërshtuan okupimin e shqiptarëve e të cilët pastaj u bënë frymëzim për gjeneratat e Ali Ahmetit me shokë dhe të cilëve Ali Ahmeti, me shokë iu këndonte në Kuvendin e Maqedonisë së Veriut ditën kur Talat Xhaferi u votua për kryeministër të Maqedonisë së Veriut. Këta heronjë ishin frymëzim për patriotët e burgosur, për ata që me armë kundërshtuan dhe për ushtarët e të gjitha ushtrive çlirimtare në trojet ku jetojnë shqiptarët. Sigurisht se nuk mund të ishin frymëzim Kiro Gligorov, Llazar Mojsov, Llazar Kolishevski, Vanço Maihajllov apo dhunuesit e tjerë të vullnetit politik të shqiptarëve. Gjeneratave të reja, të brymosura me kulturën jugosllave, këto këngë që i ka kënduar dhe po i këndon Ali Ahmeti, Mujë Krasniqi, Rexhep Selimi, Remzi Ademaj dhe patriotët tjerë mbase iu duken anakronike dhe dalë mode prandaj, në këtë prizmë e shohin edhe aktivitetin e tyre kombëtar dhe politik mirëpo po të mos ishte ky frymëzim, nuk do të ishte as liria, kjo që është sot. Këta e përqeshin Gjergj Fishtën, Dervish Shaqen, Bajrush Dodën, bijtë e Sefë Mleqanit që luftuan dhe ranë për liri, nuk e duan as Ilir Shaqirin kur i këndon trimërisë dhe lirisë. Kosmoplitanët jougosllavë që për mrekulli janë ankoruar në VV ende frymojnë nën këngët e “Bijello Dugme”, “Yu Grupa”, “Smak”, Zdravko Çolliq, Bajaga, “Riblja Çorba”, Llepa Brena, Vesna Zmijanac, madje shkojnë edhe në koncert të vesë së Arkanit, Ceca Razhnjatoviq … Të tillët sot pyesin nëse Talat Xhaferi qenka shqiptar duke thënë se, po të ishte shqiptar, e para punës do të shkonte e do të përkulej para heronjve të rënë në Varrezat e Dëshmorëve të luftës çlirimtare në këtë shtat thuaja se këta, të udhëhequr nga Toger Qokja paskan bërë luftë të madhe ndonëse as edhe një plumb (qoftë edhe qorre) nuk e kanë shkrepur në këtë luftë. Kur të tillët pyesin nëse Talat Xhaferi qenka shqiptar dhe nëse përfaqëson shqiptarët duhet seriozisht të ndalemi dhe të pyesim: “vërtetë pafytarysia i ka kapur këto maja ..”? Cili është qëllimi i këtyre pohimeve të përçundnuara dhe jonormale?! Pse e lejon KM i Kosovës që një ikanak nga fronti i betejës politike në Maqedoni të Veriut, nga Kosova vjell vrerë kundër kryeministrit të parë shqiptar në këtë shtet dhe, duket se nuk paska mbledhur mend me rastin e përpjekjes së zyrtarizimit të VV-së, si shtylla e katërt (aq i kishte UNMIK-u në Kosovë) të “opozitës” në Maqedoni. Pastaj sikur u zbythë por përmes një Qokes që e ka këshilltar, në vazhdimësi po punon kundër interesave të shqiptarëve në Maqedoni. Pas ndërhyrjes në Maqedoni dhe kur të gjithë e kundërshtuan, KM i Kosovës e dërgoi për takim me Ali Ahmetin një bedel (Liburn Aliun) për ta zbutur gjendjen. Po të ishte një udhëheqës inatçor shqiptar e jo një politikan i pjekur siç ishte Ali Ahmeti, Liburn Aliut nuk duhej t’i hapej fare dera e takimit. Mirëpo, liderët e vegjël merren me konspiracione, ndërskëmëza, goditje nën brez vetëm për qëllime personale kurse burrështetasit e tejkalojnë egonë personale për ineteres të përgjithshëm, jo vetëm të qytetarëve shqiptarë në Maqedoni por për interes të gjithë shqiptarëve kudo që jetojnë. Këtë e bëri edhe Ali Ahmeti dhe këtë nuk e bëri Albin Kurti e as kipci i tij, Liburn Aliu.
Ali Ahmeti nuk bëri asgjë të keqe me rastin Talat Xhaferi, përkundrazi: Pas një kohe apo distance historike dhe kur vlerësimet do të bëhen me koka të ftohëta dhe mbështetur në fakte, sa i përket realizimit të të drejtave për shqiptarët e Maqedonisë së Veriut koha do të llogaritet sipas ndarjes, para dhe pas Ali Ahmetit sikur koha para dhe pas Krishtit. Me të gjitha lëshimet e Ali Ahmetit, për mua ishin vetëm taktike për të arritur një fitore strategjike, Aliu mbetet lideri i pakapërcyeshëm i shqiptarëve në Maqedoni dhe jo vetëm në Maqedoni të Veriut. Si një barazpeshues në trapez, e mbajti barazpeshën midis të së dëshirueshmës dhe të së mundshmës duke e nxjerrë maksimunmin prej ofertave që i kishte në tavolinë të bisedimeve. Faktorizoi shqiptarët sikur që defaktorizoi sundimin mbi baza etnike të maqedonasve duke dalë nga vetkënaqësia e kërkesave minimaliste me të cilat ishin përshtatur garniturat e mëparshme politike shqiptare. Asgjë nuk bëri pa u konsultuar me shtetin shqiptar sikur edhe me komunitetin vendimmarrës ndërkombëtar. Dhe, deri më tani nuk i doli keq. Asnjëherë nuk u ligështua e të distancohej nga lufta, me luftën edhe sot krenohet. Asnjëherë nuk hoqi dorë nga bashkëluftëtarët dhe bashkëvuajtësit e luftës dhe të burgjeve, ndjehet pjesë e tyre shpirtërisht, politikisht, kombëtarisht dhe fizikisht.
Kryeministri shqiptar 100 ditësh është zotim para votuesve dhe zotim para qytetarëve, këtë e realizoi. Kurrë nuk ka thënë se Talat Xhaferi është KM vetëm i shqiptarëve por i të gjithë qytetarëve të Maqedonisë së Veriut. Kurse, Besnik Qokja e thotë pikërisht të kundërtën, bashkë me Bilallin, Afrimin dhe Izetin e “Grupit të Zjarrit”. Merreni me mend, ky farë mendermethënë “Grupi i Zjarrit” do me i vënë flakën shqiptarëve për inat të Ali Ahmetit i cili, hollë-hollë mund të llogaritet si Baba Politik i tyre. Është e vërtetë se pozicioni dhe fuqia vendimmarrëse e Talat Xhaferit është simbolike por nuk duhet të harrohet se dikur edhe për simbolikë shqiptarët në Maqedoni të Veriut arrestoheshin, torturoheshin, dënoheshin dhe vriteshin. Deri në kohën e Ali Ahmetit kur simbolika u materializua me një post të rëndësishëm politik. Se Talat Xhaferi është shqiptar dhe kombëtar, nuk e kam asnjë mëdyshje po çka është dhe kënd e përfaqëson Besnik Qokja që po e vë në dyshim përkatësinë kombëtare dhe angazhimin politik të Talatit, pa e treguar të kaluarën e tij, politike, kombëtare, nëse e ka.
Po pse kjo tullmhane pikërisht tash dhe në këtë kohë: Në Maqedoni të Veriut në maj mbahen zgjedhjet e përgjithshme në të cilat mendoj se VMRO-DPMNE do të fitojë, si parti maqedonase. Ata kanë nevojë për një parti shqiptare pa të cilën nuk mund ta formojnë qeverinë. Dhe në këtë hapësirë grupi i Bilall Kasamit, me barot të lagur të “Grupit të Zjarrit” po i vetofrohet VMRO-DPMNE, si një partner koalicioni përmes luftës ndaj BDI-së të cilën e identifikon me Ali Ahmetin me të cilin edhe duan ta bëjnë luftën. Realisht, kjo i gjason luftës së Don Kishotit me mullinjtë e erës. Bilall Kasami, Izetin e konsideron si Sanço Pançon e Mançës me të cilin e ka të qartë se do e humbë këtë luftë, ende pa e filluar. Përkrahja e Albin Kurtit dhe VV-së nuk është se do t’ju sjellë shumë vota, në fillim mendoja se edhe mund të fitojnë diçka, madje edhe të Trashët e Surlës mirëpo bojkotimi i votimit të Talat Xhaferit i ka shndërruar në një gozhdë të ndryshkur në arkivolin ku do të varroset kjo nismë. Albinit as që i bëhet vonë për këtë, gjithmonë e ka një buxhet të ndarë për rrogëtarët e bindur sikur që ishte rasti me Besnik Qoken. Po të njëjtin trajtim ua bënë “legjionarëve të Luginës” që i paguan si përkrahës të Shaip Kamberit dhe Besnik Bislimit. Në Shqipëri, “I Gjati” i preu 100 metra pa iu afruar pragut zgjedhor, në Luginë, Shaipi po ia ushqen egon e të qenit Baba i Kombit kurse në Maqedoni të Veriut i bëhet qartësimi i atësisë, nëse fiton mund të konsiderohet në masën 40 për qind të jetë në pespektivë Baba i Shqiptarëve. Me votat e fituara në zgjedhjet e fundit në Kosovë e ka fituar epitetin e të qenit Baba i Kosovarëve. Po i presim zgjedhjet dhe rezultatet në Maqedoni të Veriut që të kuptojmë nëse Shaip Kamberi do të mbetet Mohikani i Fundit i Albin Kurtit në kartën e tij të djegur të panshqiptarizmit apo se tregu politik ndërkombëtar do të pësojë ndryshime të mëdha me futjen në lojë të Besnik Qokes, pas së cilës Ukraina, Gaza dhe kriza në Ballkan do të mbetet lojë fëmijësh!
Katër persona kanë mbetur të lënduar si pasojë e një aksidenti rreth dy orë më parë në fshatin Dragobil të Malishevës.
Siç ka bërë të ditur për Sinjalin zëdhënësi i Policisë për rajonin e Gjakovës, Sheremet Elezaj, në këtë aksident janë përfshirë dy automjete.
“Rreth orës 16:00 është raportuar aksident trafiku në fshatin Dragobil-Malishevë. Policia ka dalë në vendin e ngjarjes ku të përfshirë në aksident kanë qenë dy automjete. Përveç dëmeve materiale, deri më tani është raportuar për katër persona të lënduar. Njësia Rajonale e Komunikacionit Rrugor është duke e trajtuar rastin”, tha ai.
Margot Robbie, aktores kryesore dhe producentes së “Barbie”, do t’i jepet çmimi “AACTA Trailblazer Award” muajin e ardhshëm nga Akademia Australiane e Arteve të Kinemasë dhe Televizionit.
Me origjinë nga Queensland, prezantimi do të jetë një lloj kthimi në shtëpi për Robbie.
Çmimi do t’i jepet asaj në ceremoninë e çmimeve “AACTA 2024” më 10 shkurt në Shtëpinë e Arteve në Bregun e Artë të Queensland, shkruan Variety, transmeton AlbanianPost.
“Ndikimi i Margot Robbie shtrihet përtej performancave të saj në ekran, pasi ajo vazhdon të formësojë narrativat dhe të sfidojë normat e industrisë. Angazhimi i saj për fuqizimin e grave në film, i kombinuar me talentin dhe zgjuarsinë e saj të biznesit, e forcon Robbie-n si një figurë me ndikim në botën e argëtimit dhe një marrëse të merituar të çmimit ‘AACTA Trailblazer 2024’”, u tha në njoftimin e ceremonisë.
Rolet e saj të shquara përfshijnë “I, Tonya”, ku ajo portretizoi patinatorin e figurave Tonya Harding dhe “Bombshell”, dhe ku ajo luajti një grua të re që lundronte në mjedisin toksik të një rrjeti lajmesh. Të dy rolet fituan nominimet e saj për çmimin “Oscar”.
Ajo fitoi njohje të gjerë për rolin e saj të rëndësishëm si Naomi Lapaglia në filmin “The Wolf of Wall Street” të Martin Scorsese.
Role të tjera përfshijnë ato në “Suicide Squad” dhe më vonë në “Birds of Prey”.
“Barbie” ishte një nga filmat më me ndikim të vitit të kaluar dhe fitoi 1.4 miliardë dollarë në mbarë botën.
Kompania LuckyChap e Robbie ka qenë pas historive të drejtuara nga femrat, duke përfshirë “I, Tonya”, “Birds of Prey” dhe “Promising Young Woman”.
“Australia ka qenë gjithmonë forca ime bazë dhe të marr këtë njohje këtu është tepër e veçantë. Unë besoj në fuqinë e tregimit dhe ndikimin që mund të ketë në formësimin e kulturës dhe frymëzimin e të tjerëve”, tha Robbie në një deklaratë.Albanian Post