Kryetari i Komunës së Prizrenit, Shaqir Totaj, të enjten ka dhënë sqarime lidhur me rastet e fundit që kanë sfiduar furnizimin e rregullt me ujë të pijes në një pjesë të qytetit dhe në disa fshatra.

Sipas tij, kompetencat kryesore sa i përket furnizimit me ujë i takojnë Kompanisë Rajonale të Ujësjellësit “Hidroregjioni Jugor”, ndërkohë që Komuna ofron mbështetje me investime në mënyrë që qytetarët të kenë shërbime më të mira.

Gjatë konferencës për shtyp ai ka theksuar se Komuna ka investuar mbi 5 milionë euro në projekte të ndryshme për rehabilitimin e rrjetit të ujësjellësit, derisa ka ndërmarrë edhe nisma tjera për mundësimin e furnizimit me ujë të fshatrave.

“Krejt kjo me qëllim të dhënies së kontributit tonë për përmirësimin e furnizimit me ujë të pijes, dhe nuk ka nevojë për të argumentuar pse është e nevojshme kjo”, ka thënë Totaj.

Më pas ka bërë të ditur se kanë pranuar ankesa të shumta nga qytetarët lidhur me problemet me furnizim me ujë, raporton Telegrafi.

“Një nga problemet ka qenë se ka pas pëlcitje të gypit furnizues. Ai ka qenë afër pompës së karburanteve, edhe pasi inspektorët kanë dal në terren, kanë konstatuar se për ndërtimin e atij objekti pëlqimin e ka dhënë ‘Hidroregjioni Jugor’, kurse lejen ndërtimore Komuna e Prizrenit”.

Tutje ka shtuar se sipas informatave nga inspektorati, leja ndërtimore nuk është respektuar në tërësi, sepse është bërë objekti pak më i madh se që duhet.

“Por ajo që është më problematike është ndërtimi i një aneksi komplet pa leje. Kurse defekti ka ndodh në brendi të tokës nën aneksin. Ne jemi duke u marrë me hulumtimin se çfarë periudhe kohore është lëshuar ajo leje, kur është ndërtuar ai aneks, kush ka qenë Drejtor i Inspektoratit në atë kohë dhe natyrisht do ti trajtojmë brenda kompetencave tona, dhe të marrim masa sepse është çështje serioze dhe nuk mund të kalohet në heshtje”.

Në të njëjtën kohë ka ofruar sqarime sa i përket defektit në Nashec, raporton Telegrafi.

“Duhet të informojmë publikun se problemi i cili ka ndodhur në Nashec nuk ka qenë i shkaktuar nga punët të cilët kryhen nga operatori ekonomik i kontraktuar nga komuna e Prizrenit”, ka thënë Totaj.

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

Ai ka pohuar se problemi është identifikuar dhe është njoftuar “Hidroregjioni Jugor”, por se nuk janë marrë masa adekuate deri më tani. “Jam i sigurt se “Hidroregjioni Jugor” do ta bëj sanimin e gjendjes”, ka deklaruar Totaj.

Në fund ka theksuar se Komuna e Prizrenit po merret me çështjen e përmirësimit të kapaciteteve të furnizimit me ujë të pijes, por se gjendja e trashëguar nuk është e mirë dhe se në këtë drejtim ka sfida të përditshme, raporton Telegrafi.

Gjatë fundjavës së shkuar, defekti në gypin furnizues në rrugën “Tirana” pat ndaluar furnizimin me ujë për disa lagje e fshatra të Prizrenit, derisa “Hidroregjioni Jugor” pat hasur në vështirësi për sanimin e prishjes, për shkak të një objekti afarist të ndërtuar sipër.

Ndërkaq ditë më parë Qendra e Lëvizjes Vetëvendosje në Prizren pat akuzuar drejtuesit e Komunës së Prizrenit për rrezikimin e furnizimit të rregullt me ujë të pijes për 14 fshatra të rajonit të Hasit, pasi sipas tyre, në kuadër të punimeve të projektit që po zbatohet nga kjo komunë është dëmtuar pellgu ujëmbledhës i burimeve në fshatin Nashec.

Dyshimet për një ndikim të tillë pat adresuar edhe “Hidroregjioni Jugor” përmes një njoftimi në rrjetet sociale. /Telegrafi/

Marketing

Hotel Albes në Korishë, zgjedhja më e mirë për qetësi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Përfaqësues të organizatave që përfaqësojnë bizneset dhe zejtarët në Prizren i janë bashkuar thirrjes së kryetarit të Komunës së Prizrenit për korrektësi në çmimet e hotelierisë dhe në shërbimet tjera në raport me vizitorët dhe turistët gjatë sezonit veror.

Sipas tyre, Prizreni duhet ta ruaj namin që gëzon në mikpritje dhe ofrim të shërbimeve cilësore për çmime të arsyeshme, raporton Telegrafi.

Varis Xhejlani nga Shoqata “Esnaf” ka bërë thirrje për kujdes në këtë drejtim në mënyrë që të ruhet tradita e kamotshme e esnafëve të qytetit të vjetër.

“Ftoj të gjithë ndërmarrësit që konform kodit të mirësjelljes, kulturës dhe traditës së esnafëve të qytetit, ti kushtojnë kujdes të shtuar rregullave të mirësjelljes dhe të mos jenë akterë të veprimeve që seriozisht dëmtojnë imazhin dhe prestigjin e Prizrenit”, ka thënë Xhejlani.

Ilir Shala që përfaqëson komunitetin e gastronomëve në Prizren ka kërkuar që çmimet të jenë konform shërbimeve që ofrohen.

“Ftojmë kolegët tanë gastronomë si dhe bizneset që veprojnë në zonën historike, si parkingjet, hotelet, etj ti përmbahen cmimeve konform shërbimeve që ofrojnë, si dhe traditës shume vjecare në kulturën e të shërbyerit me korrektësi”, është shprehur Shala, raporton Telegrafi.

Ndërsa Afrim Tejeci nga Oda e Prizrenit ka theksuar se fal traditës së ndërmarrësisë e zejtarisë Prizreni është ndër qytetet më të vizituara në Kosovë. “Prandaj s’duhet të lejohet që asnjë biznes apo individ ta prish imazhin e Prizrenit. Bashkë duhet ta ruajmë traditën e mikpritjes në Prizren”, ka thënë ai.

Kryetari i Komunës së Prizrenit, Shaqir Totaj ditë më parë ka pritur përfaqësuesit e organizatave të bizneseve që veprojnë në Komunën e Prizrenit, për të diskutuar lidhur me praktikat e ngritjes së çmimeve në hotelieri dhe në fushën e shërbimeve gjatë sezonit veror. Ai pat shprehur qëndrimin se loja me çmime nuk sjellë dobi afatgjata dhe se mund të ndikojë negativisht në përvojën e vizitorëve dhe në imazhin e qytetit. /Telegrafi/

Marketing

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

Hotel Albes në Korishë, zgjedhja më e mirë për qetësi

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri