Kompania Rajonale e Ujësjellësit “Hidroregjioni Jugor” ka njoftuar se si pasojë e defektit në një gyp është ndalur furnizimi me ujë për një pjesë të konsiderueshme të qytetit të Prizrenit si dhe vendbanime tjera. Ndërkohë në terren është hasur në vështirësi edhe sa i përket sanimit të defektit dhe kompania është angazhuar që shpërndarja e ujit për banorët e këtyre pjesëve të bëhet me autocisternë.

Në njoftim thuhet se “Hidroregjioni Jugor” është informuar nga një konsumator për një rrjedhje të ujit në gypin furnizues në rrugën “Tirana”.

Tutje sqarohen edhe vështirësitë e hasura në terren për sanimin e prishjes.

“Gjatë ndërhyrjes, është gropuar vendndodhja e defektit dhe është konstatuar se ky defekt ndodhet poshtë bazamentit të një objekti komercial. Pas shumë përpjekjeve për sanimin e defektit, jemi përballur me vështirësi në sigurimin e vendit të punës, ku rrezikohet shembja e objektit, e cila mund të ketë pasoja fatale. Menjëherë kemi informuar ekipet e emergjencave dhe inspektoratin komunal, të cilët, pas verifikimit të vendit dhe situatës, na kanë urdhëruar zyrtarisht që të ndërpriten punimet për shkaqe sigurie”, thuhet në njoftim.

Në të njëjtën kohë është sqaruar se po shqyrtohen mundësitë për dislokimin e përkohshëm të këtij gypi, dhe si veprim tjetër të fillojë shpërndarja e ujit me autocisternë.

“Me qëllim të rikthimit të furnizimit normal për konsumatorët e prekur nga kjo situatë, jemi duke shqyrtuar të gjitha mundësitë për dislokimin e përkohshëm të gypit furnizues Ø 350mm. Deri në përfundimin e këtij dislokimi, kemi angazhuar që menjëherë të fillojë shpërndarja e ujit me autocisternë”, përfundon njoftimi i KRU “Hidroregjioni Jugor”. /Telegrafi/

Marketing

Hotel Albes në Korishë, zgjedhja më e mirë për qetësi

Kompania “G&M Stone”, lidere në përpunimin dhe prodhimin e gurëve në Kosovë

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Tetë persona dyshohet se janë helmuar të dielën (28.07.2024) në një restorant në qendër të Prizrenit. Me të marrë informacionin Inspektorati Regjional i Prizrenit doli në terren dhe pas inspektimeve të bëra në këtë lokal vendosi që ta mbyllë deri në marrjen e rezultateve nga Instituti Kombëtar i Shëndetësisë Publike në Kosovë (IKShPK).

“Ju njoftojmë se Inspektori Regjional i Prizrenit me të marrë informatën se në lokalin në fjalë dyshohet se tetë persona janë të hospitalizuar ka dalë në teren për inspektim dhe ka mbyll lokalin në fjalë deri në daljen e rezultateve nga IKShPK-së”, thuhet në përgjigje e Inspektoratit.

Hotel Albes në Korishë, zgjedhja më e mirë për qetësi

Në anën tjetër, Agjencia për Ushqim dhe Veterinari thotë se kanë bashkëpunuar me Inspektoratin Sanitar të Ministrisë së Shëndetësisë dhe të njëjtët janë angazhuar në marrjen e strishove nga higjiena personale dhe ambienteve të punës, mirëpo në sqarim thuhet se gjatë inspektimit kanë hasur në rezistencë nga subjekti në fjalë dhe si pasojë e kësaj ekipi veterinar është tërhequr.

Kompania “G&M Stone”, lidere në përpunimin dhe prodhimin e gurëve në Kosovë

“Inspektori sanitar është angazhuar në marrjen e strishove nga higjiena personale dhe ambienteve të punës, kurse inspektorët veterinar të bëjnë mostrimin e produkteve ushqimore. Fillimisht strishot janë marrë nga ana e inspektorit sanitar, kurse me të filluar te marrja e mostrave të produkteve inspektorët kanë hasur në rezistencë verbale nga ana e subjektit ku me këtë rast është tërhequr ekipi veterinar”, thuhet në përgjigje.

“Më pastaj është krijuar ekip tjetër inspektuese e udhëhequr nga koordinatori i Zyrës se AUV-së Prizren. Gjatë procedurës mostruese janë marrë 4 mostra të produkteve të mishit (pleskavic, qebap, qofte dhe mish i bardhë pule) të pafërguara dhe 2 mostra të sosrave. Gjatë kohës se kryerjes së inspektimit kemi pasur rezultate të analizave të koprokulturës së pacientëve”, thuhet tutje.

Tutje, thuhet se AUV është në pritje të rezultateve laboratorike të mostrave dhe varësisht nga gjetjet do të ndërmerren veprimet sipas procedurës ligjore.

Në anën tjetër, në një përgjigje të spitalit të Prizrenit, dhënë për “Betimi për Drejtësi” të enjtën thuhet se tetë pacientët e helmuar pas kontrollit të bërë janë lëshuar për në shtëpi.

“Betimi për Drejtësi” ka thirr në numrat e telefonit të restorantit të mbyllur dhe i ka dërguar pyetjet edhe përmes mesazheve, por deri në momentin kur po publikohet ky tekst, të shtunën, nuk kanë kthyer përgjigje./BetimipërDrejtësi/

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri