Disa prej deputetëve të Lidhjes Demokratike të Kosovës pritet që mos ta votojnë Hashim Thaçin për president të Republikës. E para që është shprehur haptas është Vjosa Osmani, e cila njëherësh ka apeluar kolegët e saj të partisë ta bojkotojnë seancën ditën kur bëhet votimi për Thaçin.
Lidhur me këtë, deputeti i LDK-së, Anton Quni në një prononcim për “Zeri.info” ka thënë se është përcaktuar për votimin e presidentit të Republikës, por nuk ka treguar nëse është pro apo kundër Thaçit
“Unë jam i përcaktuar për votën por deklarimin do ta bëjë ditën e seancës”, ka thënë shkurt ai.
Ndërkohë, zëvendëskryeministri Hashim Thaçi para disa ditëve ka deklaruar se marrëveshja e koalicionit ndërmjet PDK-LDK dhe Listës “Srpska” është që ai të bëhet president.
“Kur të vie koha e kandidimit për President do të prezantoj platformën para popullit dhe Kuvendit. Marrëveshja e koalicionit e parasheh që unë të jem në këtë post”, ka thënë ai. /Zëri/