“Opozita duhet të gjejë mënyra për ta zgjeruar listën me personalitete më kredibile, me autoritet moral e profesional, që do të jepte sinjalin për të besuar më shumë te opozita, ngase, siç duket, të gjitha shpresat iu kanë fundosur për këtë pozitë, e cila është shumë e pandërgjegjshme, e paskrupullt dhe shumë e papërgjegjshme, madje edhe e paaftë për ta menaxhuar Kosovën si duhet”, shprehet analisti Shefqet Dibrani
Duket se koalicioni qeverisës, PDK-LDK, ia ka frikën një liste të përbashkët të opozitës së bashkuar, pasi kjo gjë mund t’i krijojë probleme në zgjedhjet e ardhshme. Në bazë të disa matëseve të opinionit, thuhet se një koalicion i gjerë, me një listë zgjedhore, ku bën pjesë e tërë pozita, me kandidatë të pavarur dhe pjesëtarë te shoqërisë civile, do të garantonte krijimin e qeverisë nga opozita, si dhe të marrin po ashtu edhe pozitën e kryeparlamentarit. Publicisti Shefqet Dibrani mendon se koalicioni PDK-LDK është në panik të thellë, prandaj nuk ka asnjë alternativë për të dalë nga kriza. “Koalicioni që është në pozitë është duke i keqpërdorur të gjitha institucionet për të mbijetuar situatën. Në këtë luftë të ashpër për të mbetur në pushtet, oligarkët politikë provokuan emigrimin masiv, e tensionuan gjendjen në universitet dhe të dy rastet, si me një të shtypur butoni u heshtën. Pastaj le ta kthejmë shikimin si veprojnë gjykatat, madje ato nuk shqetësohen për asnjë aferë korruptive, pastaj mediat e caktuara, të cilat i janë nënshtruar pozitës, analistë e gazetarë të shumtë që justifikojnë qëndrimin e pozitës, për shkak, siç thuhet, të vandalizmit dhe dhunës nga opozita. Megjithatë, sikur nuk po iu bën punë. Fatkeqësia më e madhe për qytetarët e Kosovës është e dhëna se nuk ka një opozitë, e cila do të ishte pak më e ndërgjegjshme, prandaj për të dalë e për të protestuar po hezitojnë qytetarët e Kosovës, ngase shpeshherë nuk janë në gjendje të dallojnë vezën nga veza”, thotë ai.
Dibrani: VV-ja patjetër duhet të ndryshojë kursin e saj kundrejt Bashkësisë ndërkombëtare
Dibrani është shumë i bindur se me kalimin e kohës, siç thotë ai, do të ndahet shapi nga sheqeri. “Opozita duhet të gjejë mënyra për ta zgjeruar listën me personalitete më kredibile, me autoritet moral e profesional, që do të jepte sinjalin për të besuar më shumë te opozita, ngase, siç duket, të gjitha shpresat iu kanë fundosur për këtë pozitë, e cila është shumë e pandërgjegjshme, e paskrupullt dhe shumë e papërgjegjshme, madje edhe e paaftë për ta menaxhuar Kosovën si duhet. Tashmë kur është shitur e gjithë pasuria e Kosovës, oligarkët e politikës janë në hall, prandaj kanë filluar t’i shtrëngojnë radhët dhe të përdorin të gjitha mjetet për të justifikuar dhunën që përdorin ndaj protestuesve. Por, nëse analizohen si duhet mjetet e dhunës, vandalizmi dhe ato skema që kanë ndodhur në demonstratat e opozitës, mendja të shkon se më shumë është një skenar i provokuar nga Qeveria për të shkaktuar gjakderdhjen në mënyrë që të justifikohen qëndrimet e tyre dhe mosdhënia dorëheqje, e cila gjoja po bëhet se vendi është në krizë”, thotë Dibrani për “Kosova Sot”. Ai thotë se kjo qeveri e ka degraduar çdo institucion në Kosovë dhe nuk ka lënë asnjë të pavarur, prandaj thotë se Qeveria vetë i bën veprimet e më vonë ia vesh opozitës. “Sot për fat të keq në Kosovë nuk ka një institucion i pavarur, përkatësisht diçka si detektiv privat, që do të ishin marrë në mënyrë të pavarur me këto hulumtime, pasi të gjitha indikacionet janë te loja e Qeverisë për të dezorientuar demonstruesit dhe për t’i dhënë kahe negative qëllimit të protestav.