Bisedimet mes Jose Mourinhos dhe Manchester United kanë avancuar dhe portugezi është siguruar se që nga sezoni i ardhshëm vendi i tij i punës do të jetë në Old Trafford.
Në opinion është përfolur mundësia që Laurent Blanc të jetë trajneri i ri, por ‘Special One’ ka marrë konfirmimin nga United se ai mbetet njeriu kryesor që ata duan për ta udhëhequr skuadrën e tyre.
E përditshmja britanike The Sun shkruan se negociatat kanë hyrë në një shkallë të avancuar, këtë javë, dhe pothuajse gjithçka është afër përmbylljes.
United, shkruan gazeta, kanë përgatitur një kontratë trevjeçare për Mourinhon, e cila kap shifrën e 60 milionë funteve, duke e bërë atë menaxherin më të paguar në histori.
Ai, po ashtu, do të ketë një buxhet super të madh për blerjet e reja.