Drejtoria e Kufirit dhe Migracionit Korçë ka ndaluar 16 shtetas sirianë. Burimet zyrtare bëjnë me dije se mesditën e sotme, në orën 13.00, në Stacionin e Policisë Kufitare Kapshticë, nga patrulla e shërbimit pranë fshatit Vërnik, rrethi Devoll, në drejtim të piramidave I – 24 dhe I – 25,u kapen 16 sirianët.
Nga këta 4 meshkuj, 3 femra, dhe 9 fëmijë midis tyre dhe një foshnjë 2-muajshe. Gjatë intervistimit paraprak të tyre rezultoi se shtetasit e mësipërm,duan të vazhdojnë udhëtimin e tyre për në Serbi dhe më pas për në Gjermani.