Kurt Cobain ishte 27 vjeç kur i dha fund jetës së tij në datën 5 prill 1994 në garazhin e shtëpisë së tij në Siatëll, Uashington. Pavarësisht lidhjes së fortë shpirtërore me qytetin e lindjes, Cobain jetoi atje vetëm 18 muaj të jetës së tij.
Vendi ku ai kaloi pjesën më të madhe të jetës është Aberdeen, një qytet i vogël rreth 100 milje në jug-perëndim të Siatëll, ku ai u lind në vitin 1967. Megjithëse Cobain jetoi atje për 20 vjet, banorët e Aberdeen ende ndihen të paqartë për trashëgiminë e djalit të tyre të famshëm.
Qyteti, që nuk është rimëkëmbur pas rënies së industrisë së drurit dhe ka një nivel të lartë papunësie, është ende i shkujdesur në raport me historinë e Cobain që përfshin depresionin, abuzimin me drogërat dhe vetëvrasjen. Disa njerëz mendojnë se nderimi i tij është një inkurajim i fëmijëve dhe të rinjve për të përdorur drogërat.
Shpesh Cobain ka folur për rritjen e palumtur në qytetin e lindjes, veçanërisht pas ndarjes së prindërve të tij kur ai ishte vetëm 8 vjeç. Pavarësisht marrëdhënies së vështirë me vendlindjen, shumë nga këngët e Cobain ishin frymëzuar nga pamjet e qytetit, ku batisti i grupit, Krist Novoselic jetoi deri në adoleshencë dhe ku grupi bëri provat e para në mesin e viteve 1980.