Rreth 200 shtëpi të fshatit Gjonaj të Hasit, janë duke u përballur me rrymë të dobët. Ankesat e banorëve të këtij fshati, deri më tash, nuk janë marrë parasysh nga KEDS-i.
Banori i fshatit, Selim Osmanollaj tregon se për këtë problem në KEDS kanë bërë hiq më pakë se 20 ankesa me shkrim.
“ I kemi dorëzuar 20 ankesa me shkrim, por KEDS nuk i ka marrë asnjërën parasysh “, tregon Osmanollaj për “PrizrenPress”.
Sipas tij, 200 shtëpi të këtij fshati janë të kyçur në një trafo të vogël.
“ Që tri vjet jemi me rrymë të dobët. Dimrit as televizori nuk punon”, thotë Osmanollaj.
Përkundër përpjekjeve, “PrizrePress”, nuk ka arrit të marrë qëndrimin e KEDS-it për akuzat e banorëve të fshatit Gjonaj.
Ndërkaq, Selim Osmanollaj thotë se banorët e fshatit janë duke shikuar mundësin që të marrin masa më radikale para KEDS-it.
“I kemi thirr edhe në telefon të KEDS-it dhe ju kemi treguar se nëse nuk intervenojnë atëherë banorët do të reagojnë”.
“ Ne po detyrohemi të paguajmë rrymën të cilën nuk e shfrytëzojmë”, shprehet Osmanollaj. /PrizrenPress.com/