Nën organizimin e Shoqatave të dala nga lufta e Ushtrisë Çlirimtare të Kosovës – Dega në Malishevë dhe kryetarit të Komunës së Malishevës, Ekrem Kastrati, u përkujtua me nderim dhe krenari 26-vjetori i rënies heroike të dëshmorit të kombit, Brahim I Morina, ku morën pjesë Gjeneral Selim Krasniqi dhe shumë bashkëluftëtarë , shokë e miq të dëshmorit dhe familjarë.
Kryetari i Komunës së Malishevës, Ekrem Kastrati në fjalën e tij theksoi se sot, kur kanë kaluar plot 26 vite nga rënia heroike e Brahim I Morinës, ndalemi me përulësi e respekt përpara kujtimit dhe veprës së tij ,si një biri i atdheut që zgjodhi përjetësinë për të na dhuruar lirinë.
“Brahim Morina nuk ishte thjesht një luftëtar. Ai ishte një ndër ata bij të Kosovës që në kohë të errëta vendosi të rrokë armet e të luftoi për çlirim dhe liri të popullin të vet. Ai me guximin dhe përkushtimin që tregoi në beteja ball për ball ushtrisë pushtues serbe do të , mbetet frymëzim për brezat që vijnë, Brahimi ishte dhe mbetet një simbol i luftëtarit, i dinjitetit dhe i dashurisë së pakusht ndaj vendit”, tha Kastrati.
Kryetari i Shoqatave të dala nga lufta e Ushtrisë Çlirimtare të Kosovës- Dega në Malishevë Metush Kryeziu, në këtë nderim dhe homazh për dëshmorin Brahim I Morina.
“Brahimi ishte bir i denjë i këtij trualli,i këtij kombi që dha jetën për lirinë dhe të ardhmen e popullit të vet. Sakrifica e tij është gurthemel i lirisë që gëzojmë sot”, theksoi Kryeziu.
Lavdi jetës dhe veprës së tij! Nderim i përjetshëm për dëshmorin tonë dhe dëshmorët e kombit!/PrizrenPress.com
