Fansat e Ivana Knoll duket se janë mërzitur për humbjen e Kroacisë mbrëmjen e djeshme në Kupën e Botës, pasi tani modelja e famshme nuk do të mbajë premtimin e dhënë para disa ditësh.
Ish-Miss Kroacia ka mbështetur gjatë gjithë këtij Botërori kombëtaren e saj, madje herë pas here duke u marrë edhe gjithë vëmendjen me veshjet e saj të guximshme.
Pasi ata mundën Brazilin në çerekfinale, Ivana u shpreh se do të dilte lakuriq nëse do të shkonin deri në finale dhe do të merrnin kupën.
Mbrëmë Knoll ndoqi ndeshjen e Kroacisë kundër Argjentinës në stadiumin Lusail, ku kombëtarja e saj humbi 3-0, duke u thyer në mes ëndrra e tyre për finale.
Mesa duket ky rezultat nuk ka mërzitur vetëm tifozët e kombëtares së Kroacisë, por edhe fansat e modeles së njohur.
“Doja të shihja Miss Kroacia të përmbushte premtimin e saj”, ka shkruar dikush në rrjetet sociale. Ndërsa ka dhe të tjerë që i thonë që të shfaqet e gjitha pa rroba edhe pse Kroacia nuk arriti dot të shkonte në finale.
