Haxhi Avdylin e Listës “Guxo” e kanë penguar kritikat e Partisë Demokratike të Kosovës ndaj Presidentes Vjosa Osmani.
Deputeti Avdyli, pjesë e Grupit Parlamentar të Lëvizjes Vetëvendosje, ka thënë se puna e Presidentes “flet vetë” dhe nuk kanë cka të flasin për këtë.
Në seancën e sotme të Kuvendit, ai u ka sugjeruar deputetëve të PDK-së ta dëgjojnë fjalimin përmbledhës që Presidentja e mbajti javën e kaluar në Kuvend.
“Meqenëse në këtë parlament në javën e kaluar në kanë munguar deputetër që nuk kanë dëgju fjalimin e Presidentes, unë ju rekomandoj të dëgjojnë në YouTube dhe të shohin se çfarë arritje të mëdha dhe takimet e Presidentes me të gjithë akterët e nevojshëm të politikës botërore, nga Presidenti Biden, te Kancerlai Scholz dhe gjithë presidentët tjerë. Puna e sajk flet dhe nuk ka nevojë që ne sot të flasim dhe të prezantojmë faktet”, ka thënë ai.
PDK-ja bojkoti fjalimin e këtij viti të Presidentes Osmani para deputetëve të Kuvendit të Kosovës. /Express/