11.8 C
Prizren
E diel, 26 Mars, 2023

Nis takimi Kurti-Borell-Lajçak-Vuçiq

Ka filluar takimi trepalësh mes kryeministrit të Kosovës, Albin Kurti dhe presidentit të Serbisë, Aleksandar Vuçiq, i cili po mbahet me ndërmjetësimin e Përfaqësuesit të Lartë të BE-së për Politikë të Jashtme , Josep Borrell si dhe emisarit e BE-së për dialogun Kosovë-Serbi, Miroslav Lajçak.

 

Në fotografinë e siguruar nga RTKlive, shihet se në takim janë vetëm këta katër zyrtarë të lartë.

Paraprakisht, Kurti dhe Vuçiq  kanë zhvilluar takime të ndara me Përfaqësuesin e Lartë të BE-së, Josep Borrell dhe emisarin e BE-së  për dialogun Kosovë-Serbi Miroslav Lajçak.

Pritet që pas takimit Kurti-Vuçiq dhe palet të deklarohen për medie të shumta që janë duke e ndjekur nga afër këtë takim.

Ndërkohë, zëdhënësi i BE-së për Politikë të Jashtme, Peter Stano, doli para mediave dhe shpjegoi se dialogu i lehtësuar nga BE-ja gjithmonë mbahet në Bruksel dhe atje nuk bëhet asgjë ndryshe për mediat,  por vetëm një deklaratë e cila lexohet në fund nga Borrell, por pa të drejtë pyetje nga ana e gazetarëve.

“Në fund të këtij takimi, Borrell do të vijë këtu e do të flasë për takimin”, tha Stano.

Sidoqoftë, në këtë takim pritet të diskutohet për Aneksin e Zbatimit të propozimit evropian të marrëveshjes Kosovë-Serbi, për të cilin edhe do të bëhen përpjekje që të arrihet një pajtim në mes të dy vendeve.

Emisari i SHBA-së për Ballkanin Perëndimor, Gabriel Escobar në një intervistë për REL sot ka thënë se s’janë të fokusuar te nënshkrimi por tek finalizimi i marrëveshjes, kurse kryeministri Kurti deklaroi në Ohër se ai është atje për të nënshkruar marrëvshje e jo për të biseduar për biseda të reja.

Më Shumë

Kurti për Asociacionin: S’do të ketë kompetenca ekzekutive

Kryeministri i Kosovës Albin Kurti, në raportimin e tij në kuvend për takimin e Ohrit ka folur rreth Asociacionit të Komunave me shumicë serbe. Kurti...

Prizren/ Një muaj paraburgim burrit që mashtroi me vizë dhe i mori jashtëligjshëm 17.000 euro

Gjykata Themelore në Prizren i ka caktuar masën e paraburgimit të pandehurit H.H., që po dyshohet se ka kryer veprat penale mashtrim dhe kanosje. Sipas...

Lajmet e Fundit