13.8 C
Prizren
E mërkurë, 17 Prill, 2024

Ndërron jetë 51 vjeçarja nga Rahoveci, tri ditë më parë kishte denoncuar burrin dhe vjehrrën për dhunë

Një ngjarje e rëndë ka ndodhur mëngjesin e sotëm në Gjakovë, ku ka humbur jetën një grua e cila po trajtohej në Spitalin Rajonal ‘Isa Grezda’ në Gjakovë. E ndjera nga fshati Hoçë e Madhe e Rahovecit, ishte shtrirë atje të mërkurën, raporton Gazeta Sinjali.

Burimet e Gazetës Sinjali kanë bërë me dije se tashmë kanë nisur hetimet e para për vdekjen e saj, pasi që 51-vjeçarja ditën kur ishte hospitalizuar, kishte denoncuar në Polici bashkëshortin dhe vjehrrën e saj, të cilët i akuzonte për dhunë në familje.

Kjo është konfirmuar edhe përmes raportit 24 orësh të Policisë, të dërguar ditën e enjte, ku thuhej se të dyshuarit ishin shoqëruar për intervistim në stacion policor dhe të njëjtit ishin liruar më pas në procedurë të rregullt.

 

Rahovec 15.03.2023 – 08:50. Viktima femër kosovare ka informuar se bashkëshorti  dhe vjehrra e saj të dyshuarit kosovarë kanë ushtruar dhunë ndaj saj. Viktima është dërguar në tretman mjekësor në Spitalin e Gjakovës. Me vendim të prokurorit pas intervistimit të dyshuarit janë liruar dhe rasti shkon në procedurë të rregullt”, thuhet në njoftimin e Policisë.

 

Sinjali mëson se e ndjera tash e një kohë vuante nga problemet shëndetësore dhe për këtë shkak ishte shtrirë në spital.

Njësitë policore kanë dalë në vendin e ngjarjes për të kryer ekzaminimet e nevojshme që ndihmojnë në zbardhjen e rrethanave të rastit, ndërsa me urdhër të prokurorit, rasti është cilësuar ‘Hetim i vdekjes’.

Më Shumë

Nagavci: Projektligji për tekstet shkollore përmirëson cilësinë e arsimit

Të premten në Komisionin për Arsim të Kuvendit të Kosovës është diskutuar për Projektligjin për tekste shkollore, të cilin është duke e kundërshtuar opozita. Madje,...

Tre ndeshje interesante luhen sot në Superligë, sytë te Ballkani dhe Drita

Tre ndeshje interesante do të zhvillohen sot, në kuadër të xhiros së 29-të në Superligën e Kosovës në futboll. Sfida kryesore e ditës së shtune...

Lajmet e Fundit