Një zyrtar policor është kërcënuar në Suharekë nga një vozitës, i cili kishte shkaktuar një aksident trafiku dhe kishte penguar ndërhyrjen e policisë.
Policia ishte duke ndërhyrë në vendin e ngjarjes kur i dyshuari, në shenjë revolte, nisi të përleshej me zyrtarët policorë.
Pas përpjekjeve për ta ndaluar, ai u shoqërua në stacionin policor.
Incidenti nuk përfundoi aty, pasi brenda stacionit, i dyshuari kërcënoi një nga policët, duke i thënë: “Një gjak borxh ma ki…”.
Mësohet se i dyshuari refuzoi avokatin që iu caktua sipas detyrës zyrtare dhe zgjodhi të mos japë deklaratë, duke u mbrojtur në heshtje.
Pas përfundimit të procedurave, Prokurori i Shtetit ka urdhëruar ndalimin e tij, dhe ndaj vozitësit kanë nisur hetimet për veprën penale “Pengim i personit zyrtar në kryerjen e detyrave zyrtare”./GazetaSinjali
Marketing
Përjetoni pushime të paharruar dhe dasma magjike në Hotel “Albes Residence”
